Riwâyât Sâră bưshrâă📚🌸✨

مجانا مجانا

قم بمشاهده الفيديوهات لمده 3ايام ربح يومي 3دولار

كل دعوه تسجل وتشاهد الفيديوهات

تنضم الي المجموعه قم باسقاط اسكرين شوت

مع ID حسابك للحصول علي مكافأه الانضمام مجموعه  1دولار

المهم كل دعوه ب1دولار 

دعوات فيك مش بتتحسب لان مكافأه الدعوه بتتراجع في المجموعه

لينك تسجيل

https://eternaliot.com/user/reg/?inviteCode=L5D3NG
سجل ببريد حقيقي لانك هتحتاجه لما تعمل كلمه مرور السحب هيجيلك عليه كود

ممنوع حسابات متعدده

جروب المكافاه

https://t.center/Eternalar1

طريقه الحصول علي مكافاه بعد الانضمام
👇👇
My Eternal ID:
Application Award: First time joining the official team Bonus amount: 1 USDT

بعد ما تسجل وتعمل المهام ترسل اسكرين بحسابك تحته الأيدي تاخد مكافاه دولار

من الجبااار وين يالمى؟ رووحي الله لا بااارك فيك ويااريتني ماولدتك ابداا روحي الله..


قبل ماتم دعوتها وقفت ام رؤيا وختت يدها في خشمها
: لالا اووعكك يااختي اوعك تتمي دعوتك دعوة الوالد تستجاب في لحظتها نااهيك عن انها دعوة ام اوعك تغللطي يا رانيا دي بتك ماتنسي بتك الوحده زي العين الوحده ماعندك غيرها تزعلي وتغضبي وتتشاكلي معااها بس ماتدعي اوعكك تدعي

زحت يدها والاتنين حضنو بعض وبقو يبكو لمى حالتها بقت سيئه شدييد طللعت من البيت ودموعها ما راضيه تقيف اتذكرت معاملتها مع امها كل الوقت اتذكرت لمن ابوها هرب وخلاهم امها هي الاهتمت بيها امها براها هي القدرت تعتني بيها وتحافظ عليها وهي ماعرفت ترد ليها جمايلها غير بالمعامله الشينه اثناء مشيها وبكيها لاقت مقداد واقف وبتكلم بالتلفون
مقداد: انت كيف من السجن لقيت ليك تلفون لمن تتصل علي بيه؟ نعم ماتصبر يااخي وماتجوط قلنا ليك الدهب بيصلك المهم البت دي ماتطلع منها ساامع انت خليك صابر وحانغنغك بالقروش روق بس

اول ماقفل الخط واتلفت شاف لمى وراه اول شي اتوتر بعدين اتذكر انها زيو نفس الاخلاق فابتسم ليها

مقداد: شنو يالمو الاخبار شنو يااخ بعدين ليه الدموع دي كلها دقوك ولاشنو اديني اسم الزعلك عشان اربيه
ماردت عليه بس اتجاوزتو ومشت على البيت وبقت تفكر انو رؤيا ماليها علاقه بالحصل دا مخطط عملو مقداد مع الشيخ بس كيف حتقدر تثبت كداا طلعت من البيت لمحت توفيق بتكلم بالتلفون مشت وقفت جنبو لمن خلص عاين ليها وزحا لورا مسافه كوويسه بينهم

توفيق: وعليكم السلام خير في حاجه؟
لمى: مقداد هو الاتفق مع الشيخ عشان يتهمو رؤيا ويدخلوها السجن مقداد متفق مع الشيخ انو يديه الدهب مقابل انو رؤيا تدخل السجن انا سمعتو باضاااني

توفيق سكت مساافه بعدين ابتسم
توفيق: طيب طالما كدا خلينا ندي الدهب لمقداد بنفسنا عشان يوصلو للشيخ

لمى: انت بتقول في شنو كدا رؤيا ابدا ماحتطلع من السجن

توفيق: خلينا نساعد مقداد

لمى بقت تعاااين ليه مستغربه
_____
بعد ما لمى طلعت بعد الكلام السمعتو من امها البقيه بدل ماكانو بهدو في ام رؤيا بقو يهدو في ام لمى

ام مزدان: والله ياجمااعه مهما حصل من اولادنا ومهما عملو ومهما نحنا غضبنا منهم مابنقدر ندعي علليهم ديل لحمنا ودمنا بنقدر ندعي ليهم ربنا يهديهم وينور دربهم بس نحنا امهااات

ام لمى: بالجد الام معناتها صعبه شدييد في التربيه خصوصي لو عندها بت واحده

ام رؤيا: كن بت كن ولد صدقيني مابتفرق الاهل بربو والشارع بربي نحنا برضو عندنا رؤيا دي بس دلعناها لانها جاتنا بعد انتظار طوويل ماخلينا شي ماجبناهو ليها ماعودناها على لا الكلام دا وقت كان عندنا كل شي بس اسي لمن وقعنا شوفي الحصل براك وشوفي رؤيا بقت كيف بسببنا نحنا مااتعودت على القناعه ابدا اسي انتي يا ام مزدان ماشاءالله عليك بتك محترمه راسها في الشارع مابترفعو وكلنا بنشهد على اخلاقها مزدان دي ماطلعت الشارع؟ طلعت بس الاخلاق الربيتيها عليها مااتغيرت ابدا

ام لمى: بتي دي لمن كانت صغيره كانت هاااديه وراايقه بس بعد العملو ابوها بقت كدا ماعارفه اذا حيجي يوم وتتغير

ام مزدان: ربنا يهديهم وينور دربهم ويفرحنا بيهم قادر ياكريم

كللهم قالو اميين يارب♡


يتبع مع الحلقه الاخيرة...
اللهم لا توفانا الا وانت راض عنا

*#سلسلة_اتدري_من_يزيل_الهم*
*#وماذا_عن_من_انجباني9*
*#سارة_بشرى_عبدالله*


اللهم بك اصبحنا وبك امسينا وبك نحيا وبك نموت واليك النشور


كلهم كانو مصدومين خصوصي وقت جا الضابط مره تانيه وكلبشها عشان يرجعها الحراسه
مبارك: ياجماعه اكييد في سوء تفاهم بتي ماليها علاقه بشغل الجماعه ديلل اول ناس ليها كانو لمى ومزدان وهم الاتنين عفو عنها وكانت حتطلع معقوله تصدقو ناس ملفهم مليان جرايم وتجو تحبسو بتي بدون ذنب

: ياحاج انا متفهمك بس مابنقدر نعمل شي هم اشتكو عليهاا وقالو انها شريكتهم في كل اعماالهم مابنقدر نعمل شي بس اذا بتك بريئه زي مابتقول اكييد ماحتفضل جوه وحتطلع سريع

رؤيا بتنادي على ابوها والعساكر سايقنها ابوها دنقر وضغط على عيونو شدييد يمنع دموعو من انها تنزل بتو قدامو بتدخل على السجن وهو ماقادر يعمل ليها شي توفيق ربت على ضهرو
توفيق: بتتحل ياابوي ماتشيل هم بتتحل باذن الله

مزدان عاينت لي لمى لمى هزت ليها راسها بس وبعدين طلعو كللهم واي زول مشا على بيتو لمى وصلت لي امهاا
رانيا: اها يابتي احكي لي الحصل شنو
لمى: طلعت واحده كذابه حيحصل شنو يعني قالت انو انا ومزدان اول ناس تعمل معاهم كدا وهي اتااااري شغاله مع الشيخ من البدايه وهو اشتكا عليها وحكا عمايلها كلها

رانيا: ماتقولي كدا يابتي مااعتقد انو رؤيا تصل لغااية هنا طيب ياربي حالة امها حتكون كيف خلينا نمشي نطمن عليها

لمى: ياامي قلتي لي امشي اعفي عنها وسمعتا كلامك مالي ومال امها عشان امشي ليها

رانيا: ماصح كلامك دا يابتي المسلم اخو المسلم اذا ماوقفنا مع جارتنا في منحتها دي حنقيف متين بعدين ماتنسي انو رؤيا كانت صحبتك

لمى: ياريتها ماكانت
رانيا: ارح معاي ماتقعدي كتيير اذا حابه المهم نشوف امها ونقيف معاهااا

جرت نفسها
لمى: طيب حامشي معاك بس ماحاقعد كتيير وحارجع طوااالي

رانيا: طيب ارح
طلعو الاتنين مع بعض ومشو على بيت ناس رؤيا حالة امها كانت صعبه ومعاها ام مزدان ومزدان وابو مزدان واقف مع ابورؤيا وتوفيق

لمى: ماشاءالله عليك يامزدان دايما بتحبي تتصدري المواقف وتكوني في المقدمه ويقولو البريئه البتقيف مع الكل ماانصدمتا لمن لقيتك هنا دايما بتحبي تكوني مصدر الاهتمام من كل الحوليك اسي جاوبيني من متين علاقتك سمحه مع رؤيا لمن جايه جاريه لامها؟

مزدان: انا علاقتي ما سيئه مع رؤيا ولا معاك ولا مع اي بني ادم رؤيا جارتي من زمااان ورسولنا الحبيب قال "من كان يؤمن بالله واليوم الاخر فليكرم جاره" وفي مثل بيقول"جارك القريب ولا ود امك البعيد" و قال الله تعالى عن الجار{وَالْجَارِ ذِي الْقُرْبَى} أي: الجار القريب الذي له حقان حق الجوار وحق القرابة، وبرضو {الْجَارِ الْجُنُبِ} أي: الذي ليس له قرابة. وكلما كان الجار أقرب بابًا كان آكد حقًّا،

لمى:خلاص ياخي خلاص ندمتيني لاني سألتك اعملي الدايره

لمى مشت على امها الكانت مع ام رؤيا وعاينت لام رؤيا البتبكي وحالتها صعبه وبتجر نفسها بعد تعب كانت بتعاين مستغربه

لمى: ليه حالتها كدا هي عارفه حجم وكبر المصايب العملتها بتها ليه تصل للمرحله دي عشان واحده زي دي

قربت من ام رؤيا
لمى: انتي ليه زعلانه اسي مش دي تربيتك؟ مش انتي الكبرتيها؟ مش انتي امها؟ المزعلك شنو وانتي سبب وصولها للحاله دي مافاهمه الا كن قعد تبكي على تربيتك الراحت ساااي

طوالي رانيا وقفت فوق وهي بتجوط في لمى
رانيا: يابت! بتقولي في شنو انتي جنيتي؟ خليك من تربيتها هي وعينك على تربيتي انا انتي نافعه اسي؟ الفرق بينك وبين بتها شنو

لمى: سؤالك حلو بتها في السجن بس عايني انا وين جنبك

رانيا: بالجد ماعارفه قرايتك القريتيها دي كلها راحت وين بتعرفي شنو عن الوالد حصل مره قلتا ليك اعملي حاجه عملتيها؟

فجاءة رانيا بقت تتكلم بصوت عالي ولمى اتخلعت فيها
رانيا: بتعرفي عني شنو قلتي شنو اسي بتها في السجن وانتي جنبي؟ عليك الله انتي ما ليك اي علاقه بي انا اسم انسانه تشتغل ليك تنظف وتطبخ ليك وانتي تاكلي وتشاكليها في الداخل والمارق وتهدديها انك ماشه لابوك انا خلااااص بقا ماعندي اي حيلل ليك وصلت بيك الحكايه انك تستهري بزعل غيرك بتلوميها على تربيتها؟ اذا في انسان هنا لازم يتلااام فهو انا ما اي زول غيري انا الماعرفتا اربي الاسلام عبارة عن لين وطيب اخلاق وحسن معااامله والكلام الطيب وجبر خااطر لاقوك الحاجات دي قبل كدا بتعرفي عنها حاجه؟ انا وصلتا منك الحد يالمى وصلتيني الحد خليتيني اتمنى لو اني عقرتا وماجبتك صحي الواحد ممكن ينجب من بطنو اذى وعدو ليه اذا انتي ماعندك قلب وانسانه عديمة مشاعر واحاسيس وماعندك ذرة احترام لا لنفسك لا لغيرك فبتستاهلي انو الزول يقول ليك انتي واحده عااااق لا حتنفعي في دنيااا لا حتنفعي في اخرره طيري من خلقتي ماحابه اشوف وشك ابداا وبعدين انتي قايلاني ماعارفه انك انتي الشلتي الدهب وسرقتي وخليتي يتهمو امك وتنحبس وانتي ساكته وبتعااايني ياخي حتى لو انا ساااامحتك حتروحي من ربك وين يا لمى حتمشي

*#سلسلة_اتدري_من_يزيل_الهم*
*#وماذا_عن_من_انجباني8*
*#سارة_بشرى_عبدالله*

"اللهم بك اصبحنا وبك امسينا وبك نحيا وبك نموت"

مبارك ورؤيا مشو القسم مع بعض دخلها للضابط وبدت تحكي ليه انها اتعرفت على الشيخ صدفه وكان نفسها تحصل على قروش اول محاوله ليها كانت لمى لمن لقت عندها الدهب دا قالت توديها للشيخ ويتقاسمو مع بعض لمن رفضت تمشي مع لمى عشان يرجعو الدهب كانت عارفه الحيحصل معاها مامشت مزدان ماكانت هدف بس لانها مشت حصل معاها كدا،،، ابوها كان مدنقر راسو وهو ساكت شويه الباب دقا جا توفيق داخل

توفيق: سعادتك اذا البنات الاتأذو بسببها عفو عن حقهم مش كدا رؤيا حتطلع براءه
: دا في حالة الشيخ والمرة المعاهو ما اشتكو وقالو انها كانت شريكتهم في اشغالهم دي كلها
مبارك عاين لتوفيق ونظرات خوف في وشو
مبارك: ماحيعملوها صح
توفيق: ان شااءالله
الضابط قال لغااية يجو البنات يعفو عن رؤيا حتى يطلعوها،،، ساقوها على السجن كانت بتنادي على ابوها وبتبكي حتى ابوها دمع وهو سامع صوتها بتناديه توفيق ختا يدو في كتفو
توفيق: ماتشيل هم بنطلعها ان شااءالله
طلعو الاتنين ومشو على بيت ناس مزدان استأذنو ودخلو ضيفهم ابو مزدان وقعدو طلبو منو يتكلمو مع مزدان ولمى وفعلا جو الاتنين

مبارك: السلام عليكم يابناتي
ردو السلام
مبارك: انا عارف انو العشتو صعب وماشي ساهل ومابتقدرو تنسو بسهوله بس بتي رؤيا لسه صغيره وقدامها مستقبل انا عارف انها غلطت في حقكم وكذبت وكانت حتدخلكم في قصص ليها اول وماليها اخر بس هي انسانه في النهايه ومافي انسان مابيغلط مافي انسان معصوم من الغللط ياريت تدو بتي فرصه وتعفو عنها انا ماعايز انها تدخل السجن وهي في عمرها دا

لمى: معليش يا عمي بس رؤيا كانت صحبتي وفي اي شي كنتا بستشيرها كانت حتدخلني في مصايب كتييرة غير موضوع الدهب والخطف داا

مبارك: انتي قصدك الولد الكنتو عايزين تكتبوه وتدمرو حياتو صح في الموضوع دا انتو الاتنين مشتركين

مزدان: غايتو ياعمي انا عافيه عن رؤيا حتى كلمتا ابوي وكنا ماشين القسم للعفو الحمدلله ماحصل شي فقلتا مافي داعي نكبر الموضوع رؤيا بت شابه ومافي داعي مستقبلها يتدمر خلينا نديها فرصه تانيه واذا نحنا عفينا عنها يمكن ضميرها يأنبها وترجع للطريق المستقيم ان شااءالله

لمى: ضميرها حيأنبها دا في حالة عندها ضمير
توفيق: لمرة واحده في حياتك اعملي عمل خيرر وسامحي
لمى: وانت المزعلك شنو مافاهمه غلطت في حقي انا وانا ماعايزه اسامح على كيفي يااخي

توفيق: كان لازم يكون عندك احترام للراجل الكبير الجا لغاااية عندك واتكلم معااك عشان خاطر تعفي بس انتي ماعندك ضمير لدرجة تفهمي الحاجه دي

توفيق طلع مع مبارك ومزدان عاينت لي لمى
مزدان: لمى انتي اعفي لرؤيا واطلبي العفو من امك وارتااحي وابدي حياه جديده ليك مع امك كلها رضاا♡

لمى عاينت ليها
لمى: انا وامي ماشين بيتنا شكرا على استضافتكم
لمى طلعت لامها وقالت ليها خلينا نمشي البيت فعلاا امها ودعتهم وطلعو على البيت
____
كانت رؤيا قاعده في السجن وبتبكي كل دقيفه وبتمسح في دموعهاا فجاءة بقت تجيها اصوات زي الكأنها بتتكلم مع ضميرها

: شفتي الحصل معاك شفتي النهااايه شفتي نهاية علاقتك مع ابوك وامك كيف شفتي نهاية معاملتك معاهم كيف

رؤيا: مهما عملتا ابوي مابتخلى عني ماحيخليني هناا

: الموضوع هنا ماليهو علاقه بابوك ليهو علاقه بناس تانين انتي ظلمتيهم لازم هم يعفو عنك اول شي شايفه كمية الذنوب الفي رقبتك اعترفي بيهاا

رؤيا: بس انا ماكنتا قاصده اعمل شنو اصلح كيف

: توبي لربك اعتذري من امك وابوك صلحي حيااتك ولسه في عندك فرصه طالما لسه بتتنفسي معناها عندك فرصه ماتضيعيهاا

فجاءة الصوت اختفى وبقت براها بتفكر قريب للمغرب الباب اتفتح والعسكري قال ليها اطلقو سراحك طلعت معاهو بره لقت امها وابوها ولمى مع امها ومزدان مع ابوها قبل اي شي تلفون الضابط اتصل ردا على المكالمه بعد قفل الخط عاين ليهم كللهم
: مع الاسف بتكم ماحتقدر تطلع
مبارك: بس البنات عفو عنها ليي ماحتطلع
: الشيخ والمره المعاهو قالو في افادتهم انو هي ساعدتهم في كل اشغالهم وشريكتهم فيها

كللهم اتخلعو من الحصل وبقو يعاينو لرؤيا البقت واقفه مصدومه وماعارفه تتصرف
_____
مقداد كان مااشي في الشارع وهو بيفكر
مقداد: الدهب الاتشال حأرجعو للشيخ مقابل التهمه الرماها في رؤيا تعمل في اختي كدا وتطلع منها زي الماحاصل شي لا معليش والله



يتبع
ان الله مع الصابرين

مزدان وامها بقو يعاينو ليه مخلوعين
امها: انت شاكي في اختك يعني
مقداد: اختفت كم سااعه عايزني افكر في شنو يعني
: اطلع من هنا يامقداد واحد شكاك زيك ومابثق في اختو دا ماعايزنو اتفضل بره
مقداد: طالع قايلني مبسوط بالقعده معاكم
وطلع من البيت مزدان بكت وامها حضنتها بتهدي فيها،،، جا ابوها

: اهدي يابتي وماتبكي انا عارف انو الاتعرضتي ليهو ماهين وبقهر اي بني ادم خليك من انو يكون بت زيك بس كل الامور حتتصلح باذن الله شوفي كبدايه لمى اعتذرت من امها وكل الامور حتكون تماام انتي اهدي

ابتسمت لابوها وهدت
______
في الصباح بدري مبارك دخل لرؤيا وهو شايل جك مويه دفقو فيها خلاها تقوم مخلوعه

مبارك: عندك نفس ترقدي وتنومي كماان قومي انجري سرعه البسي اي حاجه واتحركي قدامي

رؤيا: ماشين وين
مبارك: مكان بليق بمكانتك يارؤيا يابتي...



يتبع...
اللهم لا اسألك رد القضاء ولكن اسألك اللطف فيه🤍

*#سلسلة_اتدري_من_يزيل_الهم*
*#وماذا_عن_من_انجباني7*
*#سارة_بشرى_عبدالله*

"اللهم لا سهلا الا ماجعلته سهل وانك تجعل الحزن ان شئت سهل"

كان توفيق وصالح الاتنين متوترين وهم بمشو وبجو لغاية جاهم مبارك وهو بلهث وظاهر عليه مستعجل

مبارك:بسرعه خلونا نتحرك الكلام القالتو لي رؤيا مابطمن نهاااائي ارح معااي
توفيق وصالح بدون مايفهمو شي طواالي اتحركو معاه وهم في الطريق حاولو يسألو عم مبارك ويفهمو منو شي بس هو كان بكتفي بهز رأسو وبيقول ليهم استعجلو وصلو مكان البيت المهجور

توفيق: نحنا جينا هنا ياعمي بس ماكانو موجودين
مبارك: عندهم مكان تاني تعالو معااي بس
دخلو البيت من قدام وطلعو منو بورا ومشو شوية وكان في باب مكسرر كداا
مبارك: جهزو نفسكم لانو ممكن نشوف اي منظر ورا الباب دا فعشان كدا خليكم جاهزين عشان تغمضو عيونكم
الاتنين هزو راسهم باستغراب مبارك قال بسم الله ودفر الباب مافتح معاه فجو توفيق وصالح ولزو الباب مع بعض والباب اتفتح اول مااتفتح الباب الاتنين غمضو عيونهم دخل مبارك لقا لمى ومزدان والاتنين حالتهم صعبه رابطين ليهم يدينهم وملبسينهم لبس ماتمام بقا يستغفر جرا ملايات لفاهم بيها وفكا يدينهم
مبارك: انتو كويسات يابناتي عملو ليكم حاجه
لمى: للان ماعملو حاجه كانو منتظرين يوم بكرا يجي عشان يسوقونا من هنا الحمدلله لقيتونا من بدري
مبارك طلب من توفيق وصالح يفتحو عيونهم فتحو ومشو قدامهم وطلعو وصلوهم على بيت ناس مزدان ومزدان جرت لبست نقابها اول شي طبعا اول ماشالت الملايه غطت وشهاا صالح وتوفيق رجعو القسم وحكو الحصل اتحركت معاهم دوريه طوالي للمكان ومع حظهم لقو الراجل والمره حاولو انهم يهربو بس اتقبضو وودوهم على القسم ولمن مشو القسم لقو عندهم الدهب هناك ضربو لابتسام جات استلمت دهبها ورانيا طلعت من السجن وروها انو بتها عند ناس مزدان وماحكو ليها الحصل طبعا ولمى كانت في بيت ناس مزدان اول مارانيا جات لمى استقبلتها بحضن طويلل مليان دمووع

لمى: انا اسفه اسفه والله على اي شي اسفه سامحيني اعفي لي ياامي واديني رضاااك
بقت تبوسها في راسها وتعتذر منها مزدان واهلها اتأثرو بالمنظر العااطفي فدخلو وخلوهم مع بعض ضامين بعض بحنان وبتصافو🤍
___
توفيق وصالح مشو لمبارك

توفيق: معليش ياعمي بس نحنا مافاهمين حاجه وحابين نعرف الحصل بصراحه

صالح: بتك رؤيا قالت ليك شنو
مبارك: انا خجلان بالجد لانو رؤيا بتي بس اكييد ماحاسكت عن عمايلها ولازم اتكلم قالت لي انو هي شغاله مع الشيخ والمره ديل من زمان بتجيب ليهم البنااات طبعا ديل ناس دجالين بغشوهم انو بحققو ليهم العايزنو وهم في الاخير.. سكت
مسافه بعدين قال استغفرالله. رؤيا سودت لي وشي مافي انسانه طبيعيه بتعمل العملتو دي قالت انو لمى كان في عندها واحد دايراهو ومشو للشيخ دا عشان يغشها وتلف راسو وبعدين تجيب ليهو لمى كانت بتعرف بشغلهم وساكته

توفيق عاين لصالح وظهرت ملامح الدهشه على وش صالح
صالح: منو الكانت عايزه تلف ليهو راسو لمى
مبارك: مابعرف ياولدي صراحه ماسألتا كان همي القاهم بس وقتها بعدين رؤيا وصفت لي البيت دا وقالت لي نحصلهم
توفيق: استغفرالله العلي العظيم واتوب اليه البنات ديل الانسان ماعارف يقول شنو
مبارك:بكرا ان شااءالله حاودي رؤيا القسم واخليها تقول العارفاهو واذا ربنا اراد ليها تنحبس مابقدر اعمل شي
توفيق:ممكن ربنا يسترها ومايتكلمو عنها الراجل والمره واذا مااتكلمو ماتوديها
مبارك:بتقول في شنو ياولدي معقوله ياتوفيق دا حق ناس هي ظالمه ناس كتاار
توفيق:ماظلمت غير لمى وتطلب منها العفو وخلاص
مبارك:بس عشان قلبي يرتاح حاسوقها برضو ونشوف اذا لمى بس ولا في بنات غيرها بس الحق علينا نحنا مااهتمينا بيها وماعرفنا نربيها نحنا اهملناها وخليناها تصل لهناا

توفيق وصالح طلعو
صالح:الكانت حتلف ليهو راسو انا صح وانت بتعرف عشان كدا كنتا عارف مكان بيت الشيخ

توفيق:خلينا نقول انها كانت لحظة شيطان وزي ماشايف الموضوع اتحل بدون اضرار كتيرة

صالح:كانت عايزه تكتبني عند شيخ
توفيق:زي ماسمعت هو ماكان شيخ هو دجال
صالح:لا حولا ولاقوة الابالله معقوله انا طول الوقت كنتا مع واحده زي دي كنتا واقف بحاول اساعد فيها وهي بتعمل كداا
توفيق:العفو ياصالح اعفي ليها لمى ظلمتك وظلمت امها ادوها فرصه
صالح:انا ما لي علاقه بيها من الليله خليها تحمد ربها اني مااشتكيت عليها بعد الكانت ناويه تعملو يلا اشوفك في ساعة خير
واتحرك مشا توفيق جرا نفسو وهزا راسو ومشا
_______
مزدان كانت راقده جنب امها وهي بتحكي ليها كمية الرعب الحست بيه الباب دقا قالوا اتفضل جا داخل مقداد
مزدان: سبحان الله دقا الباب
مقداد: عايز اتكلم معاكم
: اتفضل ياولدي
مقداد: انتي يامزدان متاكده انو ماعملو ليك شي وماداسه عننا حاجهه

توفيق: اتكلمي يارؤيا
رؤيا: مابعرف عنهم شي يااخ ماعارفاهم وين انا الحيعرفني شنو
توفيق: رؤؤيااا "قال اسمها وهو يصك على اسنانو" اخير تتكلمي عشان لو في شي نقدر نتجاوزو من بدري
مبارك: اتكلمي يارؤيا انتي بتعرفي شنو
رؤيا قامت وقالت مابعرف شي ومشت
حاج محمود: خلاص ياحاج يمكن بالجد مابتعرف خلينا مانضغطها ودعوهم ومرقو توفيق جا قريب من مبارك
توفيق: اضغطها شويه ياعمي انا حاسس انو رؤيا بتعرف شي
مبارك: بتعرف حاجه مهمه انت ياتوفيق
توفيق: خلي رؤيا تحكي ليك
توفيق طلع ومبارك مشا لرؤياا
_____
مبارك دخل لرؤيا وهو ماسك عصايه في يدو
مبارك: من وقت كنتي صغيره وانا مابضربك وبقول صغيره مااستعمل معاها اسلوب الضرب بس انتي اخلاقك بااظت يا رؤيا بقيتي ماشايفه قدامك لا ام لا اب لا كبيير لا صغير ولا اي زول عشان كدا الضرب الماضربتو ليك قبييل حاضربك ليهو اسي اذا ماوريتيني لمى ومزدان وين وممكن يكون الحصل معاهم شنو وماتفتكريني بتكلم سااي وماحاعملها انتي حتتكلمي وكل مااحسك بتكذبي حاضربك ونبدا تربيتك من اول وجديد...


يتبع
بسم الله والحمدلله توكلت على الله ولا حولا ولاقوة الابالله

*#سلسلة_اتدري_من_يزيل_الهم*
*#وماذا_عن_من_انجباني6*
*#سارة_بشرى_عبدالله*

رضيت بالله ربا وبلاسلام دينا وبمحمدصلى الله عليه وسلم نبيا ورسولا


كانت مفاجاءة لي لمى شوفة صالح في القسم الاتنين في نفس اللحظه قالو لبعض"انت/ي بتعمل/ي شنو في القسم"
صالح: جيت ازور صحبي
لمى: قبضو امي
صالح اتلفت وشافهم مدخلينها ولمى دخلت ووراها الجماعه وصالح لحقهم

لمى: صالح المرة دي متهمه امي انها سرقت دهبها بس امي ماشالتو متهمينها ظلم سااي طالما صحبك شغال هنا عليك الله ساعدنا خلي يطلعو امي من هناا

صالح ابتسم ليها
صالح: شايفه انو الانسان مابيقدر يتحمل ولاخدش صغير في امو

لمى سكتت صالح دخل مشا لصحبو بعد مسافه جو طالعين الاتنين سواا ابتساام كانت رافضه نهااااائي انها تتنازل الا يجيبو دهبهاا توفيق وقف جنب لمى
توفيق: انتي لسه واقفه عايزاهم يحاكمو امك على حاجه ماعملتها منتظره شنو لسه عشان تجيبي الدهب راجع
لمى بقت تتلفت تعاين لامها وتعاين لصالح
توفيق: دا الهو الكنتي عايزه تعملي ليهو العمل صح سبحان الله شوفي امك اتقبضت بسبب الدهب الكنتي حتأذي بيهو نفس الانسان الحاليا واقف بجاهد عشان يطلع امك من مشكلتها فعلا ان كيدكن عظيم امشي وجيبي الدهب
لمى: بس اذا جيبتو حيقولو انو انا سرقتو
توفيق:طيب مادي الحقيقه بعدين لسه حتفكري في نفسك ماشايفه حالة امك لمره واحده فكري في امك

لمى طلعت طواالي ومشو وراها رؤيا وقفتها
رؤيا: ماشه وين يابت
لمى: اكييد ماحاخلي امي في الحاله دي وانا عارفه مكان الدهب وممكن اثبت براءاتها
رؤيا: بس وقتها حيعرفو انك سرقتيه
لمى: مابهم
لمى طلعت ورؤيا وقفت
لمى: ماحتمشي معاي
رؤيا: لا حدي معاك هنا والموضوع اتدخلت فيهو الشرطه انت حره بعد دا
رؤيا مشت على بيتهم جات مزدان ختت يدها في كتف لمى
مزدان: انا بمشي معاك ارح
لمى: المكان دا مابنفع معاااك
مزدان: مامشكله المهم نطلع امنا من هنا
لمى ابتسمت ليها ومشو سواا على مكان الشيخ
_____
توفيق وصالح بتكلمو كتيير مع المرة وهي مصره جداا اذا دهبها مارجع مابتتنازل فالضابط قال يدخلو ام لمى الحراسه
صالح: لا دقيقه استنى
عاين للمرة
صالح: دهبك دا بيعادل كم كدا تقريبا
ابتسام: عايز تديني ليهو قروش ولاشنو
صالح: ماعارف خلينا نحاول نلقى حل وسط
ابتسام: مافي غير جية الدهب
صالح: انتي بتكبري الموضوع خلينا نحاول
ابتسام: انا مااديتها دهبي عشان تسرقو وماالقاهو بعد يومين
صالح:قالت ماشالتو
ابتسام:وانت مصدق؟بعدين علاقتك شنو انت بالموضوع
صالح:خلينا نقول فاعل خير
ضحكت ضحكة استهتار واتلفتت على الضابط
ابتسام:انا ماحاتنااازل
الموضوع طاال شدييد لغاية اذان المغرب لمى ومزدان ماجو صالح اتلفت على توفيق
صالح:لوسمحتا انت بتعرف لمى صح
توفيق:اي
صالح:طلعت قبييل واتأخرت جداا
توفيق:انا عارف هم وين بس بالجد اتأخرو خلينا نطلع نمشي انا وانت نشوفهم اتأخرو وين
صالح:وين هم
توفيق سكت
توفيق:خلينا نمشي بس
______
رؤيا رجعت البيت وحكت لامها الحصل كلو بدون ماتدخل نفسها في الموضوع
: لا حولا ولاقوة الا بالله مستحيل اصدق انو رانيا تعمل كدا
رؤيا: انا بصدق انتي ماشايفه البت كيف حط الجره على فمها تطلع البنت لامها
: ماكانت صحبتك بعدين انت طالعه لي اسي
رؤيا: اي
: هه فعلا
تاني فجاءة عاينت ليها
: رؤيا انا بتمنى انو مايكون ليك اي علاااقه بالحصل داا
رؤيا: اطمني
_____
توفيق وصالح مشو على العنوان
صالح: لمى حتعمل شنو في مكان زي دا؟
توفيق: ماعارف
دخلو جوه وما كان في زول لا لمى لا مزدان لا الشيخ لا المرة الكانت في توفيق بقا يتلفت
توفيق: الراجل دا مشا وين
صالح: ياتو راجل
توفيق: فتش ياصالح قلب البيت دا الا مايكونو هناا
فعلا فتشو وقلبو البيت واي محل ومالقوهم طلعو طوالي على الحله اتلاقو مع مقداد وابومزدان
: شفتو مزدان او لاقتكم خلال اليوم
توفيق: نحنا حاليا بنفتش عليها هي ولمى
مقداد: اختي بتعمل شنو مع الحيوانه ديك
صالح: بدون اهانات لوسمحت
توفيق: خلونا نسأل رؤيا ونشوفها لو بتعرف حاجه
كللهم مشو على بيت ناس رؤيا ودقو الباب وفتح ليهم مبارك
مبارك: وعليكم السلام ياجماعه اتفضلو اتفضلو
دخلهم وضيفهم ونادى رؤيا تجيب مويه وشااي فاتكلم ابومزدان اسمو محمود
حاج محمود: لا يامبارك يااخوي ماعايزين شي نحنا بس عايزين نسأل رؤيا سؤال
مبارك مشا نادى بتو وجات معاهو
حاج محمود: كيفك يابتي
رؤيا: تمام
توفيق: الحمدلله
عاينت ليهو فطوالي قالت الحمدلله
حاج محمود: بتنا لمى وبتنا مزدان مفقودين فقلنا نسألك لو بتعرفي حاجه
رؤيا بقت تضغط يدينها مع بعض وهزت راسها لالا

لمى: نحنا عارفين مواضيعك كلها بدون فايده
رؤيا: دي مالها قال
لمى: بري
اثناء كلامهم جا توفيق وقف بمسافه كوويسه منهم
توفيق: لمى ورؤيا بدون كلام كتيير منو العايزين تأذوهو ومشيتو للشيخ عشانو
الاتنين نططو عيونهم بخلعه ومزدان اتخلعت قبل مايردو جات عربية شرطه وقفت قدام بيت ناس لمى كلهم انتبهو ليها ثواني والشرطه طلعت سايقه رانيا وهي بتبكي وابتسام واقفه لمى اتخلعت اكترر جرت وهي بتنادي على امها وكللهم وراها
لمى: استنو انتو مودين امي وين بتقبضو اي زول وخلاص
ابتسام: امك سرقت دهبي ولغااية ماتورينا ودتو وين حتكون في القسم
لمى: دهبك
رانيا: لمى انا ماشلتا دهبها صدقيني يابتي ماشلتو
ركبوها العربيه واتحركو وكللهم طواالي اجرو ركشه ومشو ورا عربية الشرطه وصلو القسم دخلو امها وكللهم وراها اثناء توتر لمى اضاربت مع زول
: لمى
لمى: صاالح




يتبع...
اعوذ بكلمات الله التامات من شر ما خلق🤍🍂

توفيق: انا اتزوج بتك رؤيا
مبارك: ايووون
توفيق: بس هي ماحتوافق وواحد من شروط الزواج القبول مستحيل توافق
مبارك: انت موافق؟
توفيق: يا عمي انت ماقصرتا معاي ابدا ولو في اي شي بقدر اعملو اجزيك بيهو على عمايلك معاي ايا كان ماعندي مشكله عايزني اتزوج بتك اذا هي وافقت ابشر تب بكرا دا بعقد
مبارك: خلاص على بركة الله
توفيق: بس لازم هي توافق
مبارك: متين وافقت على كلامنا هي
مبارك مشا وخلا توفيق واقف بفكر

توفيق: ياربي التسهيل من عندك
_____
مزدان اتلاقت مع مقداد جنب الباب
مقداد: كنتي وين ياحضرة المنقبه
مزدان: عندنا توعيه عايزين نعمل عليها ممكن حتى انت تشارك
مقداد: اه عليك الله كلام فاضي مالي علاقه بيه
مزدان: انت اعرفو عن شنو اول
مقداد: ماعايز
مزدان: مقداد
مقداد: يابت مابتسمعي انتي قلنا ماعايز ماتزهجيني

دخل البيت وطوالي على المطبخ مزدان مشت اطمنت على امها

: اها يابتي ان شااءالله اقنعتيهم
مزدان: حتى ماوقفت تسمعني بس غايتو كلمتها توري رؤيا اني عايزاهم ضروري عارفاهم ماحيشتغلو بي بس عملتا العللي
: ربنا يسهل بس
مزدان: اميين
______
الصباح بدري لمى ورؤيا طلعو واجرو ركشه توفيق كان جايي من شارع المركز شافهم لمن ركبو الركشه ومتحركين انتبه انهم متوترين وبتلفتو وشايلين شنطه كبييرة في شعور سئ اتحرك جواهو حسا انهم ماناوين على خير وبعد كلام ابو رؤيا معاهو حسا نفسو مسؤول منها اذا غلطت فطلع ركب ركشه واتحرك وراهم طواالي هم مشو كانت حله بعيده والبيت زاتو زي المهجور عامل كيف كيف من بعيد بتخاااف منو بتاع الركشه زاتو اتوجس من المكان اول مانزلو طار بركشتو مشو دخلو البيت وتوفيق ورااهم لغااية مادخلو للشيخ جوه وهو بيستغفر
لمى: في واحد عايزاهو يكون ليي بس ومايعااين لأي زول تاني ومايسمع كلام زول غيري وابقى ليهو انا الامر والناهي
: الشي دا بكلفك كتييير
طلعت شنطة الدهب وختتا قدامو
لمى: ماقدرتا اصرفو قروش عشان كدا جبتو دهب
: اعرفو كيف اصلي وماتقليد
لمى: بتقدر تفحصو عند اي زوول
: تمام
طلع ورق وقلم شكلهم غريب
:اكتبي اسمو واسم امو
كتبت اسمو واسم امو وراها بالتفصيل تعمل شنو وتجيب ليهو كم حاجه وفي جيتها الجاايه الموضوع دا بخللص
لمى ورؤيا انبسطو وقالو ليهو تمام وجو طالعين توفيق ادسا لغااية مامشو هو دخل للشيخ
: اتفضل عايز نعمل ليك شنو
توفيق: الطلبو منك البتين ديل ماحتعملو
: انت ماليك علاقه وهم دفعو حق شغلتهم انت ادفع ومابعمل
توفيق: مابتخاف من ربك انت حتأذي ليك انسان حتى مابتعرفو
: اطلع برة
توفيق: اذا ما لغيت الشي العايز تعملو حابلغ الشرطه
: اعمل الدايرو
توفيق: جدا
توفيق طللع وهو بيفكر منو العايزين يأذوهو لو كان بعرفو كان حذرو اتصل بمجد وقال ليهو خلينا نتلاااقى ضروري وفعلا اتلاقو وتوفيق حكا ليهو الحصل بالتفصيلل
مجد: لاحولا ولاقوة الابالله لاحولا ولاقوة الابالله هو لسه ناس الدنيا ديلل كدا
توفيق: ياريتنا لو بنعرف الولد كان حزرناهو
مجد: خلينا نمشي نسأل القرو فيها الا مايكون في زول بعرفهم
توفيق: انا حاسأل رؤيا
مجد: مستحيل توريك
توفيق: ماعلى كيفها اذا ماورتني بهددها اني حاوري ابوها وحادخلها السجن حتخاف وحتتكلم
مجد: حاول ان شااءالله نقدر نلحق الولد
توفيق: موعدهم بكرا حنحلها الليله ان شااءالله وربنا يقيف معانا
______
ام لمى متوترة في البيت الباب دقاا فتحتو جات ابتسام
ابتسام: كيفك يارانيا
رانيا: الحمدلله اتفضلي
دخلت وضيفتها وجابت ليها مويه
ابتسام: معليش انا مستعجله جيبي لي الدهب خليني امشي عشان مسافرة طواالي
رانيا بقت واقفه وبتدعك بيدينها
رانيا: الدهب كان قاعد في الدولاب بين الملابس
ابتسام: قصدك شنو بكان قاعد
رانيا: حاليا مافيش من امبارح لي الليله قلبتا البيت كلو بس مالقيتوماعارفه مشا وين قلتا يمكن دخل حرامي وشالو او
ابتسام رمت الكبايه في الارض
ابتسام: انتي بتهظري ولاشنو؟ كيف يعني جا حرامي وشالو بتغشي في منو انتي لغاااية امبارح الصباح مش بخشمك قلتي لي الدهب قااعد حصل ولا ماحصل
رانيا: حصل
ابتسام: عايني خلي الحركات دي اذا شلتيه انتي اتكلمي
رانيا: ماشلتو صدقيني ماشلتو
ابتسام: انتي عارفه الدهب دا بيساوي كم؟ يعني حياتك العايشاها دي ممكن يغيرها لي 360درجه فاشنو اعترفي قولي الحقيقه وديتي الدهب وين

رانيا: انتي يعني مابتعرفيني ياابتسام انا مابشيل حاجه ماحقتي
ابتسام: شكلك ماحتتكلمي تمام يازوله
طلعت من البيت ومشت رانيا قعدت وبتبكي
رانيا: ياربي الدهب دا مشا وين

رؤيا ولمى راجعين في الشارع وقفتهم مزدان
مزدان: ياجماعه قلتا ليكم عايزه اتكلم معاكم

*#سلسلة_اتدري_من_يزيل_الهم*
*#وماذا_عن_من_انجباني5*
*#سارة_بشرى_عبدالله*


اللهم إتنا في الدنيا حسنه وفي الاخرة حسنه وقنا عذاب النار

لمى رجعت بيتهم ودخلت طواالي على المطبخ بدت تفتش وتقلب امها جات
: يابت بتعملي في شنو حتخربيه وماحتنضفي حاجه عارفاك انا
لمى: كدي اسكتي ماوقتك اسي بالجد
: اسكتي دي لي انا انا امك يابت
لمى: ياالله يااخ انتي شنو محل ماامشي بتجي وراي طالعه خليت ليك المطبخ زاتو

طلعت لمى من المطبخ وهي بتفكر تعمل شنو
لمى: اصلا بيتنا مانافع اكييد ماحالقى شي عشان ابيعو
دخلت غرفة امها بقت تقلب في الدولاب وتفتش الادراج لقت دهب

لمى: عليك الله شوف المرة دي بتها لو نامت جيعااانه مابتهتم لكن همها تدس دهبها مني طيب انا بوريك الليله
شالت الدهب لمتو في كيس مخده ورجعت ملابس امها وطلعت سريع على غرفتها غيرت ملابسها ودخلت الدهب في شنطه كبيره وطلعت بدون ماامها تنتبه وهي في الطريق وقفتها بت منقبه
: لمى بركه اللقيتك اسي كنتا جاياك
لمى: انتي منو كمان
: مزدان
لمى: ياالله ماكان ناقصني غيرك عايني مافاضيه ليك انا اسي نتكلم بعدين
مزدان: طيب عايني كلمي رؤيا برضو عايزه اتكلم معاكم الاتنين
لمى: نشوف
وفطتها ومشت سريع اجرت ركشه ومشت اول محل دهب كللهم بطلبو منها فاتورة وهي مامعاها الفاتورة حقتهم في واحد لاحظ ليها متوترة خصوصي لمن سألها من الفاتورة

: الدهب دا حقك
لمى: اي لييه
: معناها لازم يكون عندك فاتورة مافي زول حيرضى يشيل منك الدهب دا كلو بدون فاتورة
لمى: طيب تمام
شالت الدهب وطلعت ضربت لرؤيا حكت ليها الحصل
رؤيا: اوك خلاص ماضروري تبيعيه امشي للشيخ واديه الدهب هو بيساعدك
لمى: تمشي معاي
رؤيا: تمام حافظي على الدهب لغاية بكرا نطلع سواا
لمى: تمام
لمى رجعت البيت جاتها امها
: لمى كان في دهب في غرفتي شفتيه
وشددت على جملتها
لمى: لا
: لمى اخير ليك اتكلمي عدييلل وقولي الحقيقه الدهب دا ماحقي مسكتني ليهو ابتسام امانه وانتي عارفه المرة دي صعبه كيف عشاان كدا لو شفتيه اتكلمي
لمى: اقول كم مرة اني ماشفتو
امها قعدت جنبها براحه
: لمى يابتي لو شفتيه اتكلمي ماحاشاكلك بس المرة دي عاادي ممكن تدخلني السجن اذا مالقت دهبها
لمى: مااااشفتوووووو ماسمعتيني اعيدها تاااني ماشفتوووووو ياااخي ماشفتووو
: تمام
امها طلعت مشت
لمى: قايلاني عويره وحاصدق كذبتك دي وارجعو ليك بسببك انا خسرتا صالح وبسببك حارجعو بما انك امي فيديني بدهبك
ختت شنطة الدهب تحت السرير فجااءة اتذكرت مزدان
لمى: والكريهه ديك كانت عايزه مني شنو كماان اكييد عايزه تملاني بكلامها المعروف دااك بس ماعندي ليها حااااجهه
_____
رؤيا بتغسل في الملابس وهي زهجانه وفي نفس الوقت بتسمع في اغاني هابطه جا ابوها داخل اول شي عملو قفل الاغنيه
: استغفرالله العظيم صليتي واحده من صلواتك اليوم؟
رؤيا: صليت اي
: رؤيا اياك والكذب قولي الحقيقه
رؤيا: والحقيقه في نظرك شكلها كيف ايا كان الحاقولو انت ما حتصدقني عشان كدا قلتا ليك العايز تسمعو بس

رفع سبحتو كان عايز يضربها بيها بس وقف
: ياريتني لو ضربتك من كنتي صغيره كنتي احترمتي ابوك وماختيت في بالي انك بتي الوحيده ومالازم اضربك طلعتي مخروبه شدييد وبعد دا الانسان زاتو ماعارف يعمل شنو ويصلح غلطو كيف بس حتشوفي حاعمل فيك شنو اصبري عللي بس

ابوها طلع وهي بتعاين لي ماحتكذب انها ماخافت خافت شدييد
رؤيا: ياربي عايز يعمل شنو
بقت تفكر وماطلع شي في بالها،،،ابوها طلع من البيت ومشا لتوفيق
: كيفك ياولدي
توفيق: الحمدلله في نعمه ياعمي مبارك انت كيفك
: الحمدلله الحمدلله بس
توفيق: خير ياعمي في حاجه
: رؤيا كرهتني خلاص انا بسببها حاجن وابدا القط من الكوش
توفيق: الله لايقدر
: رؤيا انسانه عنيده ومابتسمع الكلاااام نهااائي وبقت تعصي كلااامي وامها دي تناديها عشرة مرات حتى تمشي ليها بزهج دا كلو بسببي انا ماعرفتا اربيها ودلعتها زيااده انا خايف عليها من سوء الخاتمه ربنا مابخلي حق الوالد وبياخدو في الدنيا قبل الاخرة انا ماعايز بتي تبقى عااق انا وامها متحملين وساكتين

توفيق: عشان كدا ياعمي انا عامل توعيه حاتكلم عن الوالدين وعايز كل بنات واولاد حلتنا يكونو موجودين وان شااءالله معاملتهم بتتغير

: بتي دي لا توعيه لاشي مابغيرها انا بس عايز منك شي تااني
توفيق: اتفضل ياعمي اذا بقدر مابقصر
: تتزوجها
توفيق الكلمه اترددت في اضانو كم مرة وسكت مساافه بعدين عاين لمبارك
توفيق: معليش ياعمي انا حاسي اني سمعتك غلط ممكن تعيد انت عايز مني اعمل شنو
مبارك: تتزوجها تتزوج رؤيا بتي انت حتقدر تغيرها

توفيق: والله ماعارف اقول ليك شنو
علي: كلو لخير ياولدي
توفيق: طيب اسمعني انا عايزك في قصه تانيه او بلاصح عايز استأذنك
علي: احكي لي

توفيق حكا ليهو عن البرنامج العايز يعملو وعايز مزدان تساعدو في اقناع البناات عشان يحضرو البرنامج وحكا ليهو عن التوعيه بالتفاصيلل

علي: والله ياولدي كلامك سمح وجميل واي حاجه لكن بنات الحله دي معاملتهم كعبه مع مزدان صراحه فماعارف اذا هي بتقدر تقنعهم لكن غايتو انا بكلمها واشوف هي بتقول شنو لو وافقت على خيرر

توفيق: طيب تماام كلمها ووريني ردهاا عشان نبدأ لانو بالجد شباب الزمن دا بالغو مع اهاليهم والله

علي: تماام ان شااءالله
توفيق ومجد طلعو وطوالي علي نادا مزدان حكا ليها بجية توفيق وكلااامو

مزدان: بالجد انا حافرح اذا شاركتا في موضوع زي دا وحتى ندخل مقداد معانا
علي: اي والله بتمنى انو يستفيد منها
مزدان: خلاص تمام بكرا ان شااءالله بعزمهم عندي في البيت هناا وبتكلم معاهم وان شااءالله يقتنعو




يتبع...
اللهم اغفر لنا🤍🦋

*#سلسلة_اتدري_من_يزيل_الهم*
*#وماذا_عن_من_انجباني4*
*#سارة_بشرى_عبدالله*


لا اله الا انت سبحانك اني كنت من الظالمين

مزدان كانت بتصلي وبتدعي ربنا يهدي اخوها مقداد ويتعامل مع اهلهم بطريقه احسن خلصت وقامت ابوها ناداها مشت عليه

: مزدان كلمي امك وجهزو نفسكم حنرحل من الحله دي
مزدان: معقول ياابوي حنرحل من البيت الاتولدتا فيه وعشتا كل حياتي فيه
: طيب يابتي نعمل شنو اذا مارحلناا حتقدري تتحملي نظرات البنات واتهامهم ليك حتتحملي ينادوك اخت الحرامي حتقدري تعيشي في الحله دي واللطخه دي ماحتطلع منك وريني انتي بتقدري؟

مزدان: بس الناس مهما عملنا بتكلمو
: قبل مااخوك يعمل عملتو ماكان في زول بتكلم يابتي بس بعد دا ماحينسو حتى لو مرت سنين واخوك كبر وبقا جد حيجي احفادو يقولو ليهو صحي انت سرقتا من بيت مرة عايشه براها الحكايات الزي دي مابتتنسي عشان كدا احسن خلينا نرحل مكان لا بعرفونا فيه لا بنعرف زول امشي يابتي اسمعي كلامي ووري امك خلينا نطلع من هنا

مزدان هزت راسها وقالت حاضر ومشت لامها جوه ورتها كلام ابوها وامها وافقت وقالت ليها خلينا نبدا نجهز حاجاتنا
____
لمى طول الوقت ماسكه تلفونها بتتصل على صالح وبترسل ليه رسائل وهو مابرد بقت تبكي اخر شي قالت ليهو ياترد علي ياانتحر.. لمن قرا الرساله رجع ليها هو
لمى: اخيرا ياخ يعني الا اهددك حتى تتصل
صالح: عايزه شنو يالمى
لمى: ماعارفاك ليه كبرتا الموضوع كدا ماقصدي شي انا والله ماقصدي انو امك بتمثل يعني
صالح: اختصري
لمى: عايزه نتصالح خلاص مابتحمل زعلك مني
صالح: لمى
لمى: عيونها
صالح: انا ماعايز اتصالح معاك لو كنتي بتعرفي قيمة الام حتى لو بمقدار ذرة انتي اساسا ماكان اتكلمتي عن امي كدا ولا كان عشنا المواقف دي صدقيني مافي زول اهم من امك ومالازم اصلا يكون في اقعدي كدا وفكري مع نفسك واتذكري اتذكري ذكرياتكم من انتي صغيره امك عملت ليك شنو وانتي رديتي عليها بشنو وياريت ماتتصلي علي تاني واساسا ماحتقدري تتصلي لاني حاحظرك يلا مع السلامه وقتنا القضيناهو مع بعض كلو كان غللط ياريت تتعلمي منو

وقفل الخط لمى بقت تحاول تستوعب كلام صالح وانو نهى اي شي معاها وماعايز يتواصل معاها تاني بس لانها اتكلمت عن امو امها نادتها مشت ليها بزهج وهي بتتنفض

لمى: اها في شنو يااخ من قبيل لمى لمى لمى كرهتيني اسمي دا ماممكن اقعد لي كم زمن كدا براي محتاجه لاني اقعد برااي ممكن تخليني على راحتي ماممكن كل دقيقه لمى مافي عندك جيران اطلعي حومي يااخ ريحني من اني اسمع اسمي كل شووية

امها كانت بتعاين ليها مخلوعه ولجوطتها دي
امها: انتي مضايقه مني للدرجه دي ومن اني بناديك
لمى: ايوا مضاايقه وحتى مضايقه جداا شوفي ليك شغله غيري والا حافكر في موضوع مشيتي لابوي بشكل جدي وقتها تتمنيني وماتلقيني

ومشت دخلت غرفتها كانت بتفكر في طريقه تصالح بيها صالح فطلعت جات قاطعه في امها وامها كانت بتبكي ومشت لرؤيا
لمى: صالح قطع علاقتو معاي وقال لي تاني ماتصل ليه وحيحظرني
رؤيا: دا بعد يوم القعده وكلامك عن امو صح هو كمان بالغ
لمى: بالغ شدييد يعني قلتا شنو انا للدرجه دي
رؤيا: يازولة خلييي بالنااااقص اولاد ادم كتااار ماتهتمي ما الا هو
لمى: بس انا عايزه صالح
رؤيا: خلاص تمام عايزاهو شدييد كداا
لمى: طبعاا
رؤيا: المابجيبو الحنين بجيبو شيخ الدمازين اكتبي عند شيخ بس واحصلي عليه
لمى: بس الشيخ بكون عايز قروش كتييرة
رؤيا: الا مايكون بيتكم فيهو شي بتباع بيعي حاجه تكون ثمينه كدا وبتجيب قروش كوويسة وبي قروشها حلي موضوعك وشوفي صالح تاني لو عاين لزول غيرك

لمى: معاك حق تمام اسي دا ماشه اشوف لو في شي في بيتنا بيتباع

___
توفيق بتكلم مع مجد حاول انو يجمع ليهو اكبر كميه من الناس خصوصي من حلتهم اولاد او بنات عشان الكل يسمع المحاضرة عن الوالدين يمكن الناس معاملتها تتغير مع اهلها مجد وافق بس بقو محترين كيف بقدرو يجمعو الناس كلهم ويتكلمو فقررو يمشو يتكلمو مع رجال البيت ويستأذنوهم اولاا وفعلا دا الحصلل بدو يدقو البيوت ويستأذنو الابهات عشان برنامج التوعية
مجد: ياتوفيق انا حاتكلم مع ناس بيعملو ايفنتات وبخليك تشارك بجو كميات كبيرة
توفيق: انا عايز اركز على اولاد وبنات حلتناا ضروري هم يحضرو عشان معاملتهم السيئه دي مع اهلهم
مجد: في بت عايشه مع امها في البيت داك نجيبهم كيف
توفيق: نشوف بت عمي علي بتساعدنا
مجد: دي الاسمها غريب دي
توفيق: اي ياها
الاتنين اتحركو على بيت ناس مزدان وشافو تجهيزاتهم
توفيق: خير ياعمي
علي: طالعين نشوف لينا بيت للايجار قررنا نرحل خلاص
توفيق: ليه ياعمي معقوله لكن تمشي تخلينا وين
علي: السمعه الخلاها لينا مقداد دي مابتتنسي والله نحنا بنمشي في الشارع والناس بتأشر عليناا بقينا مابنقدر نطلع الشارع وماحنقدر نتحبس في البيت ومابنقدر نعمل شي اها الحل شنو قول لي انت

توفيق: ماشايفو راجل كبير اهبل انت؟ ماتتراجل على القدرك طالما عامل فيها حمش
: وانت مالك كمان ولد وابوهو بتناقشو الحشرك شنو
دخلت توفيق صدمه بالجدد عاين ليهو بخلعه
توفيق: ابوك؟ انت بتتعامل كدا مع ابوك؟
: ايوا عندك اعتراض ياترى؟
عاين لابوهو البرجف ظاهر عليه عيان قعد يستغفر مسكو براحه
توفيق:خير ياعمي اهدا كدا واحكي لي براحه مالك
الراجل بتكلم بصوت رااجف:م م مافي شي ياولدي بس انا عندي سكرري والانسولين عندي انتهى طلبتا منو الدواء بس جاط
توفيق عاين للولد
توفيق:صدقني ابوك دا لو جاتو حاجه انت حتسف الترابب من الندم صدقني حتسفوو
مسك الراجل وسايقو الولد وقفو
:مودي ابوي وين
توفيق:محل انت ماقدرتا توديه المستشفى
:دا ابوي وانت ماليك علاقه بيه
توفيق:ابوك تعبان قدامك وانت واقف تتنهر فيه ماعندي زمن اتناقش معاك مع السلامه
توفيق ساق الراجل ومشا بيه مسافه طوالي الولد جا جاري وراهم لحقهم
:خلاص انا حامشي معاكم
مشو ودوهو المستشفى رقدو الوالد وادوهو اونسلين ووجبه اكلها وقالو مالازم يفوت اي جرعه توفيق اطمن على الراجل قال ليهو الله يرضى عليك وطلع بالليل كان ماشي يلاقي ابو رؤيا يدفع ليهو الاجار عايز يدق الباب لقاهو فاتح وكالعاده صوت رؤيا العالي
:كيف يعني تطلعي بدون اذني وبدون مااعرف انتي عارفه انا جيت راجع لقيت امك اتزلقت بسراميك المطبخ وواقعه وبتصرخ لو ما الجيران لحقوها الله اعلم بيحصل شنو امك دي نادتك ولا مانادتك يارؤيا

ماحبا توفيق انو يتسمع عليهم فلفا رجع وقال بلاقيه بعدين بس وهو ماشي لاحظ لعدد الاهالي الاولادهم مابعاملوهم كوويس الصوت العالي واوف المذكورة في القران بقت شي عاادي ماحبا انو يتجاوز الموضوع دا فاتصل على صحبو مجد واتلاقو

توفيق:عايز اعمل توعيه والموضوع بيكون عن الوالدين
مجد:كلامك كوويس والله لانو الناس معاملتهم مع اهلهم بقت كعبه شدييد الليله وانا ماشي شفتا اتنين توأم كانو مع امهم الاتنين بتشاكلو وامهم حاولت تفرق بينهم فواحد منهم دفرها بقسوه وقال ليها ماتزحي ياخ ماتدخلي انتي وقعت وضربت راسها وماتت في ساعتها يعني قتل امو

توفيق:لا حولا ولاقوة الابالله
مجد:المشهد مؤثر لدرجة الولد دا بقا زي المجنون وهو بيحاول يصحي فيهاا والله الانسان لو بيعرف قيمة الوالدين ياخي صوتو دا مابرفعو عليهم
توفيق:اي والله ياخي القصص دي كترت الايامات دي البت ترقد وامها تخدمها الولد يجوط ويتنهر في ابو الواحد لمن يكبر كدا خلااص اول ناس بيظهر عليهم كبرتو دي هم اهلو انا اسي مستعد اعمل اي شي في سبيل اني اشوف اهلي ولو لحظه واحده
مجد:الام نعمه والاب نعمه ربنا يحفظ اهالينا ويرحم الميتين منهم
توفيق:اميين يارب

،،،،،،،،،،
رؤيا كانت بس دموعها نازلة وهي صارة وشها لمن زهجت باعلى صوت عندها
رؤيا:ياخي انا بعلم بالغيب العرفني انها حتقع شنو ماتقعد تجوط فيني

ضربها كف لمن وقعت
مبارك:وطي صوتك وانتي بتتكلمي معااي امي اتجرحت بسببك بدل ماتعتذري واقفه كمان وبتعلي صوتك قلة ادب وفوقها عدم احترام كمااان انا اتساهلتا معاك كتيير يارؤيا بس مامشكله الوش التاني الانتي عايزاهو دا انا بظهرو ليك طيري المطبخ سريع نظفي
رؤيا:انا تعبانه حاليا
مبارك:مالي ومال تعبك مش بتطلعي تتحاومي بدون ماتوري زول يلا دا حق حوامتك طيري المطبخ اسي جيت لقيت اي شي ناااقص المرة الجايه حسابك بالسووط

مشت المطبخ ودموعها نازله بقت واقفه في المطبخ واهي بتأفأف

رؤيا: ماممكن بالجد خدامه انا في البيت دا اغسل ليهم واكوي ليهم وافعل ليهم ماممكن يكونو اهل متعبين كداا وفوق دا لمن جا على بالي اطلع ارفه عن نفسي دي جزاتي

مسكت تلفونها وضربت لي لمى
رؤيا:ابوي ضربني واتنهر فيني وحاليا دخلني المطبخ غصب عشان اشتغل ليهم
لمى:انا اساسا كنتا زعلانه من نقاشي مع صاالح جيت البيت زهجانه مما بدت تتكلم دخلتا غرفتي وقفلت الباب علي وخليتها بتتكلم مع الحيطه
رؤيا:حظك ياخ ياريت لو ماعندي اب وعندي ام بس اتصرف على راحتي

لمى:الحكاية حظ وانتي حظك كعب
رؤيا:فعلاا ياريت لو ابوي يسافر او يطفش ويخلينا زي ابوكم كدا
لمى:ياريت

،،،،،،،،،
مما مقداد جا ما اتكلم مع زول دخل نام وتاني يوم طلع اليوم كلو وجا راجع بالليل ابوهو اتكلم معاهو واتناقشو علا صوتو وجااط وعمل مشكله كسر وقال خالي ليكم البيت دا وطلع وفاات امهم تعبت بالليل داك مزدان وابوها اتخلعو ودوها اقرب مركز صحي قالو ضغطها ارتفع خلوها لغااية ارتاحو رجعو البيت كانت طول الليل نايمه ومزدان جنبها بتقرا قران وبتعاين ليها وهي بتعاااين لامها وهي نايمه بتحمد ربنا الف مرة على نعمة وجودها🧡💕



يتبع...
واما بنعمة ربك فحدث..

*#سلسلة_اتدري_من_يزيل_الهم*
*#وماذا_عن_من_انجباني3*
*#سارة_بشرى_عبدالله*


سبحان الله وبحمده سبحان الله العظيم

الليله يوم القعده لمى قامت نشيطه وبتغني ومزاجها راايق ضربت لرؤيا قالت ليها بتجهز كملت غنيها لبست ليها فستان اسود ضيق من الخصر ومفرور من تحت والطرحه في نص الراس والمكياج الاوفر وجات طالعه امها كانت بتكنس في الحوش

: ماشه وين بمنظرك دا؟
لمى: عندنا قعده شبابيه بس مااسي بعدين العصر اسي اتجهزتا عشان طالعه مع رؤيا
: انتي متاكده اني حاخليك تطلعي بمنظرك دا يااما ادخلي غيري يا اما خلي المشي
لمى: كيف يعني انا لي ساعات بتجهزز ماحاغير لبسي
: معناها مافي طلوع لا اسي لا بعدين ارجعي اقعدي اساسا في شغل كتيير في البيت عايزاك تشتغلي معااي
لمى: نعم؟! كيف يعني مااطلع بعد اتجهزتا ولبستا ومستنيني تجي تقولي لي مااطلع انتي عارفه عمري كم انا وصلتا عمر بقدر اتخذ فيه قراراتي بنفسي لو ماعاارفه اعررفي لا دقيقه يا امي انتي اسي جااااية وبعد ماانا وصلتا العمر دا تتحكمي فيني مافي شي بمنعني من المشي وهدا طاااالعه امنعيني كن قدرتي،،،
وفعلا نفذت كلامها وطلعت بدون ماتهتم لمناداتها ليها كانت عنيده وهي صارة وشها وقفلت الباب وراها طااخ بقوه لامها يعني بعمل الفي راسي مشت على رؤيا الاتنين اتلاقو في بداية الشارع
رؤيا:اها الحصل معاك شنو
لمى:اتخيلي بعد ماجهزتا قال قالت لي مافي طلوع ياااخي جاده هي طلعتا طواالي عايزه تعمل لي الحركات الكانو بيعملوها ليهم اهلهم زمان بس نحنا جيلنا جيل الانفتاح لازم نعيش حياتنا حيقعدو يحبسونا كدا المهم انتي ابوك عمل شنو

رؤيا:انتي في ابوي ولا في التاني الاسمو توفيق العامل فيها مسؤول مني ومكتر اوامرو انا ابوي ماشغاله بيهو حاشتغل بي دا المهم على حظي شكلو ابوي طلع بدري عندو شغلانيه امي حاولت تتكلم معاي عشان مااطلع بس خليتها بتتكلم وطلعتاا لاقاني الاسمو توفيق ماشه وين ولبسك ماتمام وماصح تطلعي كدا وكلام كدا كتيير فاضي مااشتغلتا بيه ولا قلتا ليهو انت بتقول في شنو وجيتك هناا

لمى:دا مالو كمااان مايكون دايرك بس

رؤيا:بري مالي جنيت اعرس واحد معقد كدا دا نفس ماحيخليني اتنفس

لمى:يعني ابوك اسي ماعارفك طلعتي
رؤيا:لا بعدين بس يجوط ويشاكل ويسكت

ضحكو هم الاتنين وطلعو لاقو باقي صحباتهم عشان يطلعو القعده مع بعض كانو3بنات تاني كلهم نفس الطينه بعدها طلعو مشو القعده مع اصحاابهم وشلتهم طبعا شله مختلطه اولاد وبنااات والهظاار والضحك وضرب الكتف وياصحبي واخر رووقاااان مرا الظهر والعصر والمغرب وامهاتهم يتصلو مكالمه ورا مكالمه وكل واحده تفصل والبترد بتقول في الشارع جايه واحد من الاولاد قال لي لمى ردي يا لمو حبيبك شكلو مصر قالت ليهو لالا دي امي كرهتني ياخ من قبييل تتصل محسساني اني شافعه ضحك وقال لي اقفللي التلفون وعيشي حياتك فعلاا دا العملتو قفلتا التلفون وعيشتا حياااتي بعدها جا صالح ختا يدو في كتف لمى وقعد جنبها
لمى:اتأخرتا القعده قربت تخلص
صالح:امي كانت عيانه وديتها المستشفى اطمنتا عليها حتى جيت
لمى:ياخي الاهل ديلل غلبونا زاتو معقوله مانعيش حياتنا معاهم اسي زاتو يمكن امك بتمثل عليك عشان ماتخليك تطلع

طوالي شال يدو من كتفها
صالح:قلتي شنو؟بتمثل؟امي انا عايني معاملتك الزفته مع امك ماتعكسيها على امي امي انا اطهر من انها تمثل علي عشان طلعه الا امي يالمى ممكن اكون انسان مستهتر وقليل ادب واي حاجه بس امي لا امي خط احمر مابرضى فيهاا اساسا لو كنتي بتعرفي قيمة الام صحي ماكنتي حتكوني قاعده قدامي بمنظرك دا

لمى:بسم الله ياصالح انا قلتا شنو اسي روق
صالح:انتي قايلاني غبي ومصدق حكاية انك بت الهاي الهاي بابا مغترب وماما سيدة اعمال وعندنا وماعندنا اخلاقك انا بعرفها كوويس واساسا واحده بتتعامل مع امها بطريقتك دي الواحد غير انو ينظر ليها بقرف مابيعمل شي تاااني انتي بتعرفي شنو عن امي اساسا اكبر غلط عملتو اني خليتها عيانه وجيت قعدتا مع واحده مصطنعه زيك عن اذنكم يشباب

وطلع مشا وخلا لمى مخلوعه وكلهم بعاينو ليها في البضحكو وفي الساكتين بتعااين لصالح لمن اختفى الهيجه دي كلها بس عشان قالت ليهو امك بتمثل في انسان مابيرضى في امو للدرجه دي خصوصي لو كان زي صالح بتونس معاها الليل والنهاار وضحك وهظاار قامت طواالي ومشت قعدت في محل برااها
،،،،،،،،،
توفيق في المقابر بيأدي زيارتو الاسبوعيه لقبر اهلو بدعي ليهم وبيقرا ليهم الفاتحه وبتكلم معاهم شوية وبرجع بعد طلع من المقابر وخلص زيارتو الاسبوعيه لقبر اهلو وهو في الشارع لاقاهو واحد بتنهر ليهو في راجل كبير وبدفرو الموضوع حرقو شدييييد مشا علليه ومسكو

: اديني تصرف واحد بيدل على اني امك بتطلعي بدون ماتوريني وترجعي زي الماحاصل شي مخيطه الشارع على حسابك ماعندك احترام لي لانو ابوك ماف مابتشتغلي اي شي في البيت اكل انا بعملو مابتاكلي عايزه اعرف حنستمر كدا لمتين
لمى: بتحبي الدراما حب اسي في داعي للكلام دا ماكفايه انا عايشه معااك بس اصبري لمن امشي افتش ابوي واقعد معاه واخليك براك وقتها حتعرفي قيمتي انا بتك ماانسانه غريبه
: ياريتك تتصرفي على انك بتي بالجد
امها قامت ولمى اتأفأفت وقالت يالله دخلت غرفتها وقفلت الباب طااخ ومسكت تلفونها بقت تتراسل مع رؤياا،،،،
___
رؤيا ماسكه تلفونها بتتراسل مع لمى وماشه في الشارع راجعه على البيت سمعت اقيفي يابت وقفت مخلوعه دا منو الصرخ ليها كدا اتلفتت شافت توفيق جاها وهو مدنقر
توفيق:معليش بس طرحتك في نص راسك وجيتي ماره جنب اولاد اسي وكانو بعلقو عليك ممكن ترفعيها عشان خاطر ابوك
رؤيا:مالك ومالي ومالك ومال ابوي اختك انا يازول خطيبتك؟ماعندك اي سبب يخليك تتأمر علي اقطع وشك ناقصني معقدين انا كماان
واصلت مشيها وهو استغفر ومشا وفي شارعو قال جواهو
توفيق:يحليلها لو بتعرف الحياة جميلة كيف وهي ماشه في طريق ربناا بس نقول شنو ربنا يهديها ويهدينا جميعاا...🤍



يتبع...
اللهم اهدنا جميعا الى طريقك المستقيم🤍🍂

لمى:يابت الزحمه شنو
رؤيا:امبارح قبضو مقداد ود عم علي وكمال صحبو ودالشيخ بيسرقو من بيت مرت المغترب علاا
لمى: اوهااا بالجد جابوها قوية دخلو بيت علا عديلل كان يبقو مفتحين خلاااص ومايتقبضو
رؤيا: مع الاسف اتقبضو
لمى: واختو بتاعت الله قال والرسول قال العامله فيها بتنصحنا دي حالتها كيف قادرة ترفع راسها في الشارع تاني؟
رؤيا: هو نحنا حنخليها ترفعو الخبر دا لازم يعرفو ناس حلتنا وباقي الحلل المجاورة"حلل ولاصحانى وه🙂"
لمى: تستاهل لانها عامله فيها المتدينه الوحيده خلينا نوريها انو حتى بيتهم فيهو حرامي

وفعلاا بدو ينشرو الخبر عند صحباتهم والجيران توفيق كان ماري وهو شايل المصحف في يدو سمعهم بدون مايقصد وهم بتكلمو عن مقداد وكمال وسرقتهم والحصل بالليل وكيف اتقبضو هزا راسو وبقا يستغفر وكمل طريقو دقا الباب فتحت ليهو مزدان الاتنين دنقرو
توفيق: السلام عليكم
مزدان: وعليكم السلام ورحمة الله
توفيق: عمي علي موجود؟ عايزو لوموجود
مزدان: ابوي في القسم ماموجود
توفيق: في ياتو فرع
مزدان: اقرب واحد الفي اخر محطه
توفيق: خير
ومشا على القسم سمع صوت الجوطه من برة دخل ولقااهم جايطين وفي كم راجل من الحله بهينو في ابومقداد وكماال توفيق اتدخل

توفيق: ياجماعه استهدو بالله البتعملو فيه دا ماصح والله عيب منكم اعتبروهم اولادكم وماتهينو رجال كبار قدركم كدا انتو بدل ماتقيفو معاهم وتدعموهم تهينوهم كدا ماصح يااخ

: ياتوفيق ياولدي انت ماتدخل انت واحد من زينة شباب الحله ومابنغلطك ابدا بس اتنين عرر يدخلو لمرة واحدانيه في نص الليل عشان يسرقو وفوقو يهددوها كمااان دا اسمو شنو قلة شرف واحترام ولالا معقوله ماقادرين يربو اولادهم بطريقه صح في النهاية يطلعو حرامية

توفيق: ياعمي كدي صلي على الحبيب
كلهم قالو عليه الصلاة والسلام
توفيق: منو فينا بتمنى انو ولدو يطلع حرامي انت بتلدي الولد بس مابتلدي قلبو عاادي جدا تتعب فيه من صغير وتربيه ويحصل شي يخليه اتغير الشيطااان شااااطر وبيشوف الناس الايمانهم ضعييف وبيشتغل فيهم على كيفوو الايمانو قوي بيقول معاذالله من كبائر الذنوب والايمانو ضعيف بيمشي ورا وساوس الشيطاان الشيطان احيانا بجي على هيئة صاحب اخ زميل اي زول بوديك على طريق ماياهو كمال ومقداد الاتنين ناس كوويسين بس حصل معاهم فترة ضعف ايمان وصلتهم للمرحلة دي حنعمل فيها شنو بدل ماننصحهم ونوعيهم ونخليهم يبقو احسن معقولة نزيد من عنادهم وقوة راسهم ونخليهم يتعاقبو كدا

ابو مقداد وابو كمال الاتنين في نفس الوقت قالو لا
علي: كلامك غلط ياتوفيق لانو اذا عفو عنهم حاليا وادوهم فرصه حيعيدو غلطهم تاني
الشيخ: لازم يتعلمو من غلطهم عشان مايكررو
توفيق: ياعمي انت زول دين معقولة بتقول كدا ربنا قال شنو قال"ومن عفا واصلح فاجره الله"كلكم اعفو عنهم واحتسبو الاجر من الكريم الرحيم فوالله لا ينسى الله عبادا عفا في سبيله وصلو كلامي للاخت علا وباذن الله تعالى يحصل كل خير خلينا متوكلين على ربنا وكل امورنا حتظبط
____
مزدان طلعت من البيت وماشه على الدكان كانو رؤيا ولمى معاهم كم بت

لمى: اوو شوفو منو الجايي مولاانا الذي غشانا
رؤيا: مولانا شنو بعد دا البت اخوها حرامي بدخل بيوت النسوان البراهم ويسرق
لمى: هههاااي اسكتي ماتذكريني اخوها دا زاتو البيقعد في الجنبات ويشاغل الماشه والجايه
: البت عامله فيها ولا المتدينه ديك واخوها خللي بالنيه
لمى: اسي تلقاها بتمثل ساااي عشان تلقى ليها عريس وفي الحقيقه هي زاتها خليها بالنيه

مزدان واصلت مشيها وماردت على كلامهم ابدا دخلت سلمت واشترت كم حاجه ورجعت البيت مشت لامها وهي بتبكي
امها: مزدان يابتي خير ليه بتبكي كدا
مزدان: مقداد خلا سيرتنا على كل لساان ياامي ماقادرة امشي في الشارع والناس بتتكلم وبقولو اخوها حتى الرجال ماريحو ابوي ولا نسوان الحله ذنبنا شنو بعمايل مقداد نحناا

امها: الناس بتتكلم وتتكلم وتسكت حتى السيده عائشه اتكلمو فيها ماحيجي يوم ويسكتو مقداد اخوك ندعي ربنا يهديه عمل عمله كعبه ومابتتعمل بس دا ولدنا مابنقدر نتخلى عنو
اثناء كلامهم جا علي داخل الاتنين عاينو ليه
علي: حيجي بعدين بالليل
ودخل جوه الاب كان ظاهر عليه مكسور ولدو بقا حرامي واتفضح في الحله والناس لمن تعاين ليه بتأشر ليه بابو الحرامي دخل جوه وهو ماعارف يعمل شنو قعد وبقا يستغفر وبيقول يارب ساعدني
______
لمى رجعت البيت لقت امها قاعده وسرحانه
لمى: مالك قاعده كدا
سكتت ماردت ليها
لمى: مابتكلم انا
: انا بالنسبه ليك شنو
لمى: اهاا بدينا مش انتي امي
: انتي متاكده من الحاجه دي
لمى: مافاهمه يعني انتي ماامي

*#سلسلة_اتدري_من_يزيل_الهم*
*#وماذا_عن_من_انجباني2*
*#سارة_بشرى_عبدالله*


سبحان الله والحمدلله ولا اله الا الله والله اكبر ولاحولا ولاقوة الابالله

مقداد وصل مكان صحبو وقعد جنبو صحبو قعد قريب منو ودنقر
صحبو: دنقر راسك عشان الموضوع خطير وانا حاتكلم براحهه
مقداد: مالك الموضوع مخدرات ولاشنو؟
صحبو: مخدرات شنو يازول ماللدرجه دي اسمعني متذكر المرة الساكنه في بداية الشارع الراقي دااك اسمها منو كان
مقداد: منو قاصد
صحبو: ياخي المرة المتزوجه راجل مغترب وعندها القروش الا بالمليارات والدهب مابتعد اسمها منو
مقداد: انت قاصد علا الغنيه ولاشنو
صحبو: بااااس ياها اي
مقداد: اها مالها
صحبو: برأيك قروش زي دي لمرة براها ماكتييرة؟
مقداد: نعمل شنو
صحبو كمال: حنقصها ليها
مقداد: كيف
كمال: خليك جاهز من الساعه12ولفوق وقتها مابس حتلقى5الف يمكن تلقى مبلغ ماحلمتا بيهو كل حياتك
مقداد:قدااااام اتفقنااا
مقداد رجع البيت بالليل مبسوط ومزاجو راايق وبقا يحلم بالقروش والدهب وحيعمل شنو بالقروش الحيلقاها كانت مزدان بتصلي بعد سلمت عاينت ليه
مزدان:الليله جيت بدري
مقداد:معقوله يامزو انتي عندك مشكله في اي شي كن جيت بدري مشكله وكن اتأخرتا مشكله اكبرر نرضيك كيف
مزدان:مزو؟دي لي انا؟
مقداد:اي ما انتي مزو اختي الحلوة المافي منها اتنين
مزدان:خير اللهم اجعله خيرر الله يدينا الخير من مزاجك الرايق دا
مقداد:امين امين مامتي وينها
مزدان:مامتك مقداد عاين عليك الله امي براها تعبانه ماتدخل تنتهر وتجوط فيها بعدين ابوي قاعد تقوم تحصل مشكله اسي
مقداد:مالك انتي يابت مشكلة شنو الحتحصل يعني
مقداد خلاها واقفه ودخل لامو جوه كانت بتسبح قعد جنبها
مقداد:ادعي لي بالله
:بدعي ليك دايما انا ياولدي
مقداد:الليله بالليل عندي شغله مهمه كدا عايزك تدعي لي اتوفق فيها وتمر على خيرر
:دي شغلة شنو البلليل وعايزها تمر على خير ابوك عارف؟
مقداد:ياربيي الزول مايقول ليك حاجه ومايكون مزاجو رايق معاك طلبتا منك دعاء بس طوالي الاسئله دي كلها خليتك زاتو ماتدعي

وقام مشاا امو اتوترت بعد كلامو وانتظرت ابو يجي عشان توريه
__
فعلا زي الساعه12بعد منتصف الليل مقداد كان طالع من بيتهم ومااشي برااحه لاقا صحبو كمال اداهو معطف لونو اسود ومعاهو قناع اسود لبسو هم الاتنين اسود في اسود ولبسو جوينتات سوداء واتحركو بقو يدبو مع الحيط ويدسو مع اقل صوت يسمعو لغاية ماوصلو البيت كان بيت كبيير بدايتو جنينه صغيره وفي سور بره الاتنين نطو السور ودخلو جوه مقداد عاين لكمال
مقداد: اها لغاااية الان تماام حندخل كيف
كمال: انا جيت وظبطتا اموري من بدري تعاال حندخل بباب المطبخ
مقداد: المطبخ عندو باب؟
كمال: اتخيل عشان تعرف المره دي عايشه كيف باب بوديك لجنينه الصغيره دي ومنها بتقدر تطلع وتدخل عااادي
مقداد: مافي انذار ولا حااجهه ممكن تفضحنا؟
كمال: لالا اطمن
مشو على جهة باب المطبخ وفتحو ودخلو برااحة
كمال: لو لقيت ليك حاجات ممكن تتباع هنا في المطبخ طوالي شيلها الليله شفتا ماتخلي شي ماتشيلو جبنا شوال كبيير

شغالين بنور بطاريه صغير بضو في كل مكان واي شي يعجبهم وبحسوهو ثمين بشيلو لغاية ماوصلو غرفة المرة علا كمال بأشر لمقداد يعني بهدوء بهدوء فتحو الباب برااحه وبدخلو باطراف اصابعهم جنب راسها مباشرة في خزنه يفتحوها كيف بقو يحركو فيها اثناء حركتهم بس هي فتحت عيونها لمن شافتهم صرررخت بقووة وهي بتقول حراااااامي الاتنين اتخلعو من صوتهاا كمال غتا ليها خشمها وبيقول ليها اسكتي يامرة عشان مااضبحك
مقداد: يازول خلينا نطلع بصوتها دا في ناس كتااار يمكن صحو الشلناهو دا كفاااية ارح ارح
كمال مصر يهدد المرة جاهو مقداد عايز يفكو منها بس هي بيدينها جرت قناع مقداد وشافت وشو مقداد اتخلع شال الشوال وجرى ووراهو طوالي كمال كانو مخلوعين وخلعتهم خلتهم يطلعو بالباب الرئيسي الكانو الجيران متلمين فيه فجااءة الرجال والشباب قالو ديل الحراميه اتلمو فيهم وطلعو قناع كمال في واحدراجل كبير قال مقداد وكمال معقول؟؟ الناس كلها بقت تتحسبن وتستغفر
: ياخي معقولة واحد فيكم ابوهو شيخ جامع والتاني ابوهو بيتقطع عشان يجيب لقمه حلال للبيت
النساوين دخلو لعلا اطمنو عليها وجو طالعين معاها حلفت الا تفتح فيهم بلاغ قالو ليها ديل ناس ابهاتهم محترمين بس ابت في راجل كبير عاين ليهم وقال
: شوف الولد ممكن يوصل ابو لوين
في واحد نادا ابهاتهم وبعدين جات عربات الشرطه ومشو القسم وعلا فتحت فيهم بلاغ وضربت لراجلها دخلوهم السجن في لحظتهم كانت لحظه مخزيه لاباءهم الاتنين
___
في الصباح لمى طلعت من البيت كالعاده بدون توري امها صحت بدري بس اتجهزت وطلعت شافت الناس مزدحمين وكدا قالت ديل مالهم ماشه عليهم كدا لاقتها رؤيا طالعه

لمى: طيب وامك وين من دا كلو
رؤيا: اه دي كمااان مابتقدر تعمل اي شي انا الخدامه الشغاله شغل البيت كلو عشان كداا ماحاخليهم يتدخلو فيني لمن اطلع
لمى: غايتو امي دي برضو حشريه خلاااص مامريحاااني نهااائي
رؤيا: انتي ماتمشي تعيشي مع ابوك وتطفشي منها زي ماهو عمل امك صراحه لاتطاق زي ابوي واكعب
لمى: يابت ابوي متزوج وماشغال بيناا امشي اعيش معاهو عشان مرتو توريني الويلل
رؤيا: غايتو حياتك صعبه
لمى: انتي زاتك




يتبع
مساحه لذكرالله..

لمى: انت عايز كدا
صالح: عايز اي
لمى: جدا خلاص بعملها يوم القعده وباكلك بيدي
صالح: اتفقناااااا خلي بالك من نفسك لوقتها
لمى: وانت كمااان
دخلت الدكاااان واشترت الشيبس وطلعت راجعه على البيت شافت ليها بت جارا امها في كرسي متحرك وبتونسو وبيضحكو وكانو لطيفين شدييد🤍عاينت ليهم وهم مارين لغااية ماقطعو جنبها سلمو عليها وابتسمو ليها وواصلو وهي بتعاين ليهم لغاية مااختفو من الشاارع واصلت مشيها لغااية وصلت البيت

: لمى دي انتي؟ مشيتي وين من قبييل مالك ماقلتي انك طاالعه انا بنادي وتاري انتي مااف
لمى: ياخ بتخلو الزول يتمنى انو ينتحر ماممكن الكلام الكتيير دا الله يريحني من كلامك الكتيير دا الوقت كلو كلام كلام كلام
دخلت غرفتها زهجانه وقفلت الباب امها بتنادي فيها تقول ليها تعالي ختي الغداء
: ماعاااااايزه
امها جاتها في الغرفه
امها: كيف يعني ماعايزه انا ليي ساعات واقفه في المطبخ وبعمل في الاكل ماحتاكلي
لمى: اكلك العاملاهو دا انا مادايراهو يومي عدس فاصوليا عدس فاصوليا في معسكر جيش نحنا؟ الوقت كلو عدس نفسي يوم اكل اكل زي النااس
امها: نعمل شنو يابتي دا العندنا ربك كريم علينا حتى بالعدس والفاصوليا في ناس مالاقينهم وتعبانين من عدم الاكل نحنا نحمدالله بس
لمى: اديني اجيب لي بيض
امها طلعت قروش ادتها ليها لمى عاينت ليها قالت
: دا شنوووو
: البيضه بكم هي
: دا قشر البيضه مابجيبو لي جيبي قروش عديلل
: يابتي ماعندي القروش دي بتفيدنا في شي تاني نحنا ماعندنا راجل فوق راسنا يمسك البيت
: بسبب منو مابسببك ضيقتي اخلاق الراجل لمن طلقك وارتاح منك وعقبال ارتاح انا طفشتي الراجل وشكلك حتطفشيني انا كمااان

وطلعت خلت ليها الغرفه وهي زهجاانه
___
توفيق طلع دخل الجامع لاقا صحبو هناك
توفيق: مجد كيفك
مجد: الحمدلله والله في نعمه انت كيفك؟
توفيق: نشكر فضلو
مجد: في شي مضايقك احكي يااخوي؟
توفيق: لالا ابدا بس عايز اسألك من مركز التحفيظ الفاتح في القبه مش كانو محتاجين واحد يقري الاولاد
مجد: ايوا صح
توفيق: لقو
مجد: على حسب علمي لاخر مرة مالقو بس اذا انت محتاج بسأل وبستفسر ليك
توفيق: تكون ماقصرتا يااخوي والله
مجد: خلاص تمام من شارعي دا بمشي عليهم طواالي
توفيق: جزاك الله الف خير
مجد: جزانا جميعا يارب
فعلا بعد الصلاة مجد طلع مشا على مركز التحفيظ وسأل ولقا محل شااغر لتوفيق وقال يوريه اول مايلاقيه شاف بت منقبه طالعه من مركز تحفيظ تاني دنقر راسو جاات مارة فيهو ومشت وهو واصل مشيه
______
جا داخل البيت وهو زهجان وبتنفض
: مزدان زفت مزدان وين انتي يازفت

جات جارية من جوه
مزدان: بسم الله يامقداد مالك هايج
مقداد: زول عايش معاكم عايزاهو يكون كيف يعني ع العموم ختي لي الغداء جاي تعبان امك وين
مزدان: امنا في الاوضه جوه
مقداد: المهم ختي الغداء
ومشا دخل لامو
مقداد: ياحجه ختي يدك على جيبك وطلعي لي 5الف سرريع
: من وين اجيب5الف يادوب عندنا حق الاكل والشراب
مقداد: ياخي انا ولدك متين طلبتا منك قروش اديتيني ياخي مرة واحده نفذي طلبي وابقي ام الام الزيك اخير عدمهاا
مزدان جات على صوتهم
مزدان: مقداد اخير ليك اتكلم عدييلل مع امي
مقداد: لا ماشاءالله كبرتي وبقيتي ترفعي صوتك كمااان
مسكها من شعرها بقا يجرو ليها وهي بتصرخ امو جات تزحو منها وبتقول ليهو فك اختك دفرها هناك
مقداد: زحي مني انتي كماان قروش ماعايزه تديني اعمل بيك شنو ماكفااايه عايشين في قرف وكمااان مابتعملي اي شي يدل على انك ام لا انتي كوووم والتاني الاسمو ابونا دا كوم تاااني
ابو جا على صوتو شافو جاري شعر مزدان وبيصرخ في امو جا سريع مسكو فكاهو منها
: احترم نفسك قايل مافي راجل في البيت دا ولا شنو
مقداد: اها حتعمل شنو يعني طالع زاتو وخالي ليكم البيت دا اتهنو بيه

طلع مقداد من البيت وبعدها ضرب لصحبو
مقداد: اسمعني محتاج 5الف ضروري الاسمهم اهلي ديلل مافادوني في حااجه
صحبو: انساك من اهلك انا عندي شغل بخليك تربح اكتر من 5الف
مقداد: بالجد
صحبو: اي تعال لي في الجمبه وحنتنااقش الشغلانيه عايزه تركيز
مقداد: تمام جايي عليك

وقفل منو واتحرك على جنبتهم
____
رؤيا طلعت من بيتهم وماشه على بيت جارتهم اللي هي لمى طبعا نفس الاخلاق عشان كدا صحبات

رؤيا: ياخي ابوي كرهني حياتي متسيطر وجنو يتأمر انا عايزه اعيش حياتي وصلتا لعمر كبير ولسه بيقول لي اعملي وماتعملي

لمى: اسكتي ساي ماتذكريني امي نفس الشي اسي قعدتنا الفي نهااية الاسبوع ولا كلمتها بيها عارفاها ماحترضى

رؤيا: نفس الشي قلتا بس اجيهو لابسه وجاهزه واقول ليهو طالعه بس اشوفو حيمنعني كيف