د ملي دفاع وزیر مولوي محمد یعقوب مجاهد په کابل کې د سعودي عربستان له سفیر فیصل طلق البقمي سره وکتل. دې کتنه کې ښاغلي مجاهد په کابل کې د سعودي عربستان د سفارت بیا پرانستل ارزښتناک ګام بللی او زیاته کړې یې ده، چې دواړه هېوادونه د عقیدې او فرهنګ له مخې شريکې اړیکې لري. د یاد وزارت په وینا؛ دې کتنه کې د سعودي عربستان سفیر ویلي، چې هېواد یې له افغانستان سره د بشري، اقتصادي او سیاسي همکاریو لا پراختیا ته ژمن دی. #ملي‌تلویزیون