#تبری_ورزگرمَسّه ورزگرتِه کارو باره گمه
نِه گیری زَمی ته کِل وکاره گمه
زَرینه وَرزا جِد و اَزالِ گِمه
تِه جِینگا سَره کیمه نِفاره گِمه
🌸اَی بیمو بهار منم بهاره گِمه
کوکی چِمره دلِ قراره گِمه
🌸تیم وتیم جار اولی لَته چی بَوِه
ته زَمی زیار مَرز و بَره چی بَوِه
کمک وکایر کَلدار کیله چی بَوِه
میراب میشکارشوپه کیمه چی بَوه
🌸اَی بیمو بهار منه بهار چی بَوِه
کوکی چِمره قال وقرار چی بَوِه
🌸گَنیما جای مَسّه نشا ر بَیته
ویلا جای کر کوله کپار بَیته
هف پشتِ غریب اَمه دیماربَیت
سر ِکلا کم تَنِ قوا ر بَیته
🌸اَی بیمو بهار مِنَم بهاره گمه
نَنِشا زَمی تیم و تیم جار گمه
🌸بِره چلچلا بووشم پَر بزنِمِ
صِب پی نماز زَمی ر سر بزنِم
کَر کوله کپا رجینکا سر بَزنِم
جینگا بورِم و شه دلِ کَر بزِنِم
🌸اَیّ اینه بهار منم بهاره گِمه
کوکی چمر و دلِ قراره گِمه
🌸زَمی بَنِشم دیما آباد هاکِنم
لَته لِتکا ر دِواره شاد هاکِنم
بورِم زَمی سر بَبا ر داد هاکِنم
خدا نَکِنه خدا ر یاد هاکِنم
🌸 شاعر
#حجت_مقیمی_مقدم🌸🌸🌸🌸💕💕🌸🌸🌸💕💕 💕 @rostaye_noj 💕#تنها_کانال_رسمی_روستای_نج
