İroni Tolışi Rədio

#xəbə
#خبر

Ərağçi:İron İslom Respublika votımon islomiyə inğilobi məktəbi mənbəkuye

İroni xarici koon vəzir İron İslom Respublika votımon karde zumandəti(ğıvvəş) islomiyə inğilobi məktəbiku iborətış zınə və votışe: İron karde bəzne ha şərayetədə votımon icod karde və bə çəy əsosi hərəkət karde.

Bə İRNA nəğli əsosi SƏHAB kanal xəbəş doə İroni xarici koon vəzir seyd Əbbas Ərağçi silohinə ğıvvon siyasiyə məsul şəxson sərosəriyə iclosi 14 minnə devrədə ne vote ğıvvə iyənzılm və sitəmi vədə mande qıləy tədbir və mədəniyyətış zınə ki islomiyə inğilobi səbarzətiədə tojədən bərpo bə.

عراقچی: قدرت گفتمانی جمهوری اسلامی ایران، برخاسته از مکتب انقلاب اسلامی است

https://parstoday.ir/tly/news/iran-i49536

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#xəbə
#خبر

Masalədə kosəri miladi şoə mərosim bərpo bıə.

De Nəbiye Əkrəm(s)-i kinə, Həzrəte Fatiməye Zəhro(s) vilodət və inə ruji yolqətey mınosibəti, İşəmbə rujədə, Masal şəhrıstoni şəhid Şirazi varzışi salonədə de şərifə millət və ım şəhrıstoni rəsmi şəxson iştiroki, və de xanımon hərorətinə iştiroki şoə mərosim bərpo bıə.

جشن میلاد کوثر در ماسال برگزار شد

#Həzrəte_Fatiməye_Zəhra_s
#حضرت_فاطمه_زهرا_س

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#reportaj
#گزارش_خبری

Almaniya vətəndor Azərboyconi istintoğ təcridxonədə oğətə bedə

Almaniya vətəndor Həmzə Məmmədli 1 sorisə veye ki, Azərboyconədə istintoğ təcridxonədə oğətə bedə.

33 sininə Həmzə Məmmədli 2015-minə sori Azərboyconiku bə Almaniya kuçış kardə, tibb kollecədə təhsilış sə, klinikadə doktori koməkəkə ko kardəşe.
2023-minə sori fevralədə Almaniya vətəndorətış sə əmmo, Azərboyconi vətəndorətişən oğətə.
Təxminən 6 manq bə peş, 2023-minə sor iyuli 1-də bə istə vəyə omə Həmzə Boku həvo portədə oğətə bə.
Məlum bə ki, hələ 2018-minə sor iyuli 18-də Həmzə Məmmədli barədə de Azərboycon Cinoyət Məcəllə “Bə terrorəti vanq” iyən “Bə dövləti vəynə vanq” maddon cinoyət ko oj kardə bə, əv, ğiyobi dastqir kardə bə.
Almaniya Xarici Koon Vəzorəti bə “Deutsche Welle” doə cəvobəda votə bə ki, Məmmədli vəziyyətiku xəbərdorin, Azərboyconədə holiədə dastqirətiədə bə yekganə Almaniya vətəndore. Əmmo Almaniya bın məsələ fəol mıdaxilə karde imkoniku məhrume, çumçoko Məmmədli həmən Azərboyconi vətəndore və əv bın koədə həmonə statusəda muhakimə bedə.
“Almaniya Xarici Koon Vəzorət iyən Almaniya Bokuədə səforət ın ko diğğətədə oğətedə, Məmmədli dastək karde ro de Azərboyconi hakimiyyət orqanon muntəzəm iyən penə səviyyədə əlağon oğətedə”, – vəzorəti cəvobədə ğeyd kardə bedə.

ادامه حبس شهروند دوتابعیتی در زندان بدوی جمهوری آذربایجان

https://parstoday.ir/tly/news/talesh-i49526

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#خبر
#xəbə

Mığəddəsə Məğbərəon təbərrıkinə vıron sənibəton soxtey, bə Əhli-Beyt(ə)-i xıdmət kardeyro qıləy tovfiğe

Qilonədə Vəliyyi- Fəğihi nımoyəndə votışe: şərifə pokə hərəmon ijən soxtey, həmmə mənəvi bərəkaton kənoədə, İron və İraği milləton miyono iğtisodi mıbodiləon və mədəni rabitəon inkişofi zəminəon zumand kardəşe.

Bə Qiloni Tele-Rədyo aqentəti raporti əsos, Ostani Ətəbate Aliyat mıtəbərrikə vırəon ijən soxtey ğərorqoh iclosədə ki de Qiloni ostandar və kali mudiron iştiroki bərpo bıə, Qilonədə Vəli Fəğih nımoyəndə, de təkid bə ım ki millət bəpe de Ətəbate Aliyat mıtəbərrikə vırəon ijən soxtey öərorqoh fəaliyəton oşno bıbən ijən votışe: ım ğərorqoh qıləy mərdumi təşkilote ki Əhle Beyt(ə)-i zıney və dini erjinə mədəniyəti bəyji kardey cəhəto, bo Ətəbate Aliyat mıtəbərrikə vırəon ijən soxteyro qəp peqətedə.

Im iclosədə ijən Qiloni ostandar Hadi Həğşınos votışe: ım ğərorqoh de mərdumi koməkon qırdə kardey vositə, tosə ısət Ətəbate Aliyat mıtəbərrikə vırəon ijən soxtey baxşədə vey təsirinə qəmon peqətəşe.

İjən ım iclosədə Qiloni Tele-Rədyo mudir de işorə bə ostani mediya mərdumi bey votışe: Qiloni Tele-Rədyo de fəxrinə əsəron istehsol kardey və muxtəlifə bərnoməon soxtey vositə, milləti veyə həmkoəti zəminə icod kardəşe və iştimoiyətədə Ətəbate Aliyat mıtəbərrikə vırəon ijən soxtey, inkişofi cəhəto, dəvardəku vey cəhd bəkay.

بازسازی عتبات عالیات توفیقی برای خدمت به آستان اهل بیت علیهم السلام است.

https://parstoday.ir/tly/news/talesh-i49524

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#خبر
#xəbə

Rusiyə:Almaniyə dışmenə hərəkəton becəvob nibəmande

Rusiyə Almaniyədə bıə səfiri bəyonış kardə ki,çe Berlini Ukrayna bə Moskva ələyh zumand kardero har qıləy dışmenə hərəkət becəvob nibəmande.

Bə Mehr xəbə aqentəti sitat vardə Səhab şəbəkə məlumoti əsos;Rusiyə Berlinədə bıə səfir Serqey Neçayev çı Almaniyə har qıləy anti-Rusiyə hərəkəton nəticəon barədə xəbərdorəti kardə holədə bəyonış kardə ki,çe Berlini bə Moskva ələyh dışmenə hərəkəton həm bə Kiyevi "Taurus" kəşinə raketon vığandey və həmən Almaniyə çe amerkə kuto iyən miyonə mənzilinə rəketon ğəbul kardey planon əhotə kardedə. Həmmə kəs zıneydə ki,çı Almaniyə “Taros” rəketon çe Rusiyə de Ukrayna miyono canqi meydonədə bıə vəzyəti əvəz nibəkarde.

روسیه: اقدامات خصمانه آلمان بی پاسخ نمی‌ماند

https://parstoday.ir/tly/news/world-i49520

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#xəbə
#خبر

Musighi təhğiğiyə iclos

Rizvonşəhrədə, Tolışi musighi təhğiğiyə iclos bərpo bıə.

برپایی همایش پژوهشی موسیقی در رضوانشهر

#Tolışi_Musiği
#Rizvonşəhr
#موسیقی_تالشی
#رضوانشهر

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#xəbə
#خبر

İroni bə Avrasiya ixrocot 21 faiz inkişofış kardə

İroni bə Avrasiya ixtisodiyə itifoği uzv bə məmləkəton ixracat dəvardə 9 manqi mıddətdə, dəvardə sori muğayisədə erji cəhəto 21 faiz və qonəti cəhəto 22 faiz inkişofış bə.

Bə telerədyo aqentəti nəğli əsosi SƏHAB kanal xəbəş doə bə İron İslom Respublika qumroki xususiyə eloni əsosi dəvardə 9 manqədə təğribən 3 milyon 860 həzo ton İroni mol de 1 milyardo 500 milyon dollar erji bə Avrasiya ixtisodiyə itifoği 5 qılə uzv bə məmləkəti ixracat bə.

Eyne holədə dəvardə sori 3 milyono 170 həzo ton ironi mol və istihsol de 1 milyardo 240 milyon dollar erji bə ım itifoği uzv bə məmləkəton ixracat bə.

افزایش ۲۱ درصدی صادرات ایران به اوراسیا

https://parstoday.ir/tly/news/iran-i49528

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#خبر
#xəbə

seonist rejimi bə İsmoyl Həniyyə terror kardey etırofış karde

seonist rejimi 1minə vəzir bo 1minə kərə rəsmi surətədə israyilış Fələstini İslomiyə Mığoviməti Hərəkoti siyosiyə ofisi navnə rəyis "İsmoyl Həniyyə" terror məsul elonış karde.

seonist rejimi 1minə vəzir "Yesrayil Kats" dışanbə şəv bə Yəməni zidd qıləy təhdidinə sıxanədə bo 1minə kərə oşkoə surətədə etırofış karde ki, israyil Tehronədə "İsmoyl Həniyyə" terrori məsul bıə.

Kats bə Yəməni muhimmə infrastrukturi və ın kişvəri rəhbəron hucum bardey təhdid kardey iddiyoş karde ki, Yəməni infrastrukturi bombardımon bəkay.

اعتراف رژیم صهیونیستی به ترور «اسماعیل هنیه »

https://parstoday.ir/tly/news/west_asia-i49522

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#xəbə
#خبر

Tolış şəhrıstoni cımə İmomi de şəhidon inəon vindemon

Bə Həzrəte Fatimə Zəhro(s) səadətinə vilodəti mınosibəti, Tolış şəhrıstoni cımə İmom de şəhidon inəon iyən ailəon vindemonış karde

Bə Həzrəte Fatimə Zəhro(s) səadətinə vilodət iyən jen və inə vırə əziz qətey mınosibəti və de Tolış şəhrıstoni cımə nımoji ğərorqoh hovəon mərkəzi cəhd, Tolış şəhrıstoni cımə İmom Huccətul İslom vəlmuslimin Nurzad, ım şəhrıstoni cımə nımoji bərpoəkə ğərorqoh kali uzvon və şəhidon koon və şəhidi idorə sədr de Şəhidon İsmail Əhmədi, Ərdeşir Huseyni inon və Şəhid Seyd Əli Nəbəvi həyot həmro vindemonışon karde.

به مناسبت ولادت باسعادت حضرت فاطمه زهرا(س) و گرامیداشت مقام مادر و روز زن, حجت‌الاسلام والمسلمین دکتر مجتبی نورزاد امام جمعه شهرستان تالش و برخی از مسئولین این شهرستان با مادران معظّم شهیدان اسماعیل احمدی و اردشیر حسینی و همسر مکرّمه شهید سیّد علی نبوی دیدار کردند.

https://parstoday.ir/tly/news/talesh-i49512

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#خبر
#xəbə

İroni silohinə ğıvvon fərmondə: fələstinı mığavimət zılmkoə nizomi həğiğiyə simaş nışon do

İron İslom Respublika silohinə ğıvvə fərmondə votışe: Fələstin və Ğəzzə mığavimət, sultə nizom və səhyoniyə rejimi notəmizə simaş nışon do.

Bə telerədyo aqentəti nəğli əsosi SƏHAB kanal xəbəş doə İron İslom Respublika silohinə ğıvvon fərmondə qeneral mayor seyd Əbdulrəhim Musəvi əlovəş karde Fələstinı mığavimət dıştə zumandə hərəkəton, dınyo həmmə odəmon çəşi vədə qıləy tojə simaş oj kardə və cinayətkaron və fəribkaron həğiğiyə simaş bə aləm və tarix nışonış do.

فرمانده کل ارتش ایران: مقاومت فلسطین چهره واقعی نظام سلطه را نشان داد

https://parstoday.ir/tly/news/iran-i49516

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#xəbə
#خبر

Ənsarullah yolə uzv: seonist rejim de Yəmənıjə ğıvvon mıborizə kardey ğadir ni

Yəməni Ənsarullah hərəkoti siyosiyə rəyis təkidış karde bə inki, çəmə hucumon bə Amerkə aviya mıdofiyə sistemış səhv kardey bois bəy və bo ıştə tərəfiku bo otəş qətey xoto bə Amerkə hərbiyə təyyorə suğuti bois be və votışe: seonist rejimi de Yəmənıjon mıborizə kardey ğadir ni, boçimi xoto əkəsonku ki, bəvonku himoyə kardən komək tələb kardə.

Yəməni Ənsarullah hərəkoti siyosi ofisi uzv Muhəmməd Əlbəxiti, ın kişvəri tojə hodisəon barədə votışe: çəmə taktikəon təsirin bıən və ın taktikoən Ğəzzədə Fələstini millətiku Yəməni himoyə kardə əməliyoti sıftəku bəştə hədəfon dast pəydo kardeyo mıvəffəğ bıə.

عضو ارشد انصارلله: رژیم صهیونیستی قادر به مقابله با نیرو‌های یمنی نیست

https://parstoday.ir/tly/news/west_asia-i49508

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#خبر
#xəbə

Papa:israyili bə Ğəzzə tanqə kardə hucumon vəhşiyonəy

Dınyo katolikon lider Roma Papa Fransisk ijən həm çe seonist rejimi bə Ğəzzə tanqə kardə həvo zərbəonış məhkum kardə və ımış vəhşiyonə hərəkətış hisob kardə.

Bə Tele-Rədyo xəbə aqentəti işambə ruji sitat vardə Səhab şəbəkə hisoboti əsosən;Dınyo katolikon rəhbər Papa Fransisk ıştə hasornə Milodi mırociyətədə çe israyili cımə ruji çəvon miyono hırdən həm bıə minimum bə 25 qılə fələstıjon maqi səbəb bıə həvo hucumon işorə kardə holədə votəşe:"Hırdənon bombardımon be...ım barbarətiye".Im canq ni.Çımı dıl dəje,əve ımonım voteyım piye.”.

پاپ: حملات اسرائیل به نوار غزه وحشیانه است

https://parstoday.ir/tly/news/world-i49518

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#xəbə
#خبر

Sallivani iddiyo:Trampi devrədə de İroni nuvə roziyətiro fırsət mevcude

Amerkə milli əmniyyəti mışoviri iddiyo kardəşe ki,çın kişfəri vıjın bıə prezdent Donald Tramp de İron İslom Respublikə atomi roziyəti bə dast vardero əsosə rol ifo kardey bəzıne.

Bə İRNA sitat vardə Səhab şəbəkə məlumoti əsos;bın miyono AİŞ-on milli əmniyyəti mışovir Cek Sallivan i şambə ruji Suriyə hukuməti suğuti bədiqə çı İron iyən mığoviməti məhvəri zəyifəti iddiyo kardə holədə,çe İslomi Respublikə ıştə atomi doktrina əvəz kardeyku ıştə norohətçətiş ifodə kardə.

De CNN-i sehbət kardə Sallivan həmçinin iddiyoş kardə ki,AİŞ-ın ısətnə prezdent Co Baydeni administrasiyə çe İroni nuvə silohi icod kardey ğəroriku norohəte və bə Trampi komandə çe təhlukə barədə məlumot doəşe.

ادعای سالیوان: فرصت توافق هسته‌ای با ایران در دوره ترامپ وجود دارد

https://parstoday.ir/tly/news/world-i49506

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#xəbə
#خبر

Masal şəhrıstoni şəhid Mohebbi stadionədə, Həşi 1403-1404 fəsli Qiloni futboli ali liqaədə, Şəhrdori Masal nomo nıvcıvonə komanda ğəhrəmonəti şoə mərosim bərpo bıə.

جشن قهرمانی نوجوانان شهرداری ماسال درلیگ فوتبال برتر گیلان فصل ۱۴۰۳ _۱۴۰۴ در ورزشگاه محبی ماسال
#futbol
#فوتبال

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#خبر
#xəbə

İslomi İnğilobi yolə rəhbəri: məntəğə milləton qıləy çokə tale məntəğədə icod bəkan

İslomi inğilobi yolə rəhbəri, Həmas, Hizbullah miyono bardeyu bə sionist rejimi heç qılə hədəfon bə nəticə nırəseku işorəş karde və votışe: məntəğə şərofətinə milləton de Xıdo yoliyəti nəhsə rejimi rişə pebəvaten və məntəğəyu qıləy çokə tale icod bəkan.

Bə islomiyə inğilobi yolə rəhbəri dəftərxonə məlumat ərosnə mərkəzi nəğli əsosi SƏHAB kanal elonış kardə islomiyə inğilobi yolə rəhbəri Həzrət Ayətullah Xamenei 1 şanbə ruji 2 qılə aləmi xanımon seyyedə Həzrət Seddiğeye Kubra(s) mubarəkə vilodəti ruji əhle beyt(ə) məddahon və şairon iyən mıxtəlif qruponədə bıə cəmaətiku çandə həzo nəfəri vindımonədə, məntəğə məsələon mincumlə Suriyə həxədə bə bəzi nuktəon işorəş karde və dəvomədə əlovəş karde i qrup iğtişoşçi de xariciyə devləton plan iyən bərnomə, karde zınəşone Suriyə daxiliyə zəifətiku istifadə karde və ım məmləkətışon bə hərcu mərcı tərəfi dəkırnişone.

Yolə rəhbəri çan ruj çimi bə nav bəştə sıxanon işorə kardeədə, Amerkə 2 dimə bərnamon həxədə məntəğə məmləkətonru, yəni qıləy şəxsiyə zılmko iyən de sultə sazış əkə hukuməti bə ğıvvə rusne vəəqər mumkin nıbo ə məmləkətdə hərcu mərc və iğtişoş icod kardeku işorəş karde və votışe: suriyədə çəvon bərnomə bə iğtışoş və hərcu mərc rəsə və ısət Amerkə, sionist rejim və çəvon həmroon səbarzəti hissədə, bənə şeytonı əshab, izofə iyən mıftə qəp jedən.

Həzrət Ayətullah Xamenei ironədə ha kəsiku ki iğtişoş kardə çəyku himoyə və bəy komək karde unvanədə ğeyre oşkoə məzmunış deşmenon izofə sıxanonku qıləy nımonəş zınə və əlovəş karde axməxon qoya kəbobi buşon his kardə, əmmo ironi millət ha kəsi ki ım cəhətdə Amerkə nukəti ğəbul bıkə. Iştə lınqon jiyo bənon.

Yolə rəhbəri məntəğə əvəzon həxədə coqlə məsələ bəyonədə bə səhyonion səbarzəti nımayiş və çəvon izofə sıxanonku işorəş karde və votışe:bədbəxton şımə konco səbarz bən

Aya ım səbarzətiye ki de bomba 40 çand həzo jen və hırdənın kıştə, əmmo karde nıznəne canqi əvvələdə bəştə elon kardə hədəfonku qıleni bə nəticə rusne

Aya həmasın miyono barde və ıştə əsironın ğəzzəku ozod karde

Aya yolə şəxsiyyəton mincumləseyd Həsən Nəsrullah bə şəhodət rosneədə karde zınəne Livani hizbullah miyono barde.

İslomiyə inğilobi yolə rəhbəri, məntəğədə mığavimətış mincumlə Hizbulla, Həmas və islomiyə cihadış bəji və səbarzış zınə və bə sioniston xitob votışe: boçimi əsosi şımə səbarz bə nin bəlkə məğlub bən.

Yolə rəhbəri, sioniston nufuzış Suriyə əraziədə və çəy bəzi məntəğon işğal kardeş,mane nıbe və hətta ilə əskəri mığavimət nıkardeku iborətış zınə və votışe: ım be maneə hərəkət ,səbarzəti ni ,əlbətdə şək ni ki Suriyə ğeyrətmand və nıtarsə cıvonon şıməni çəyo bebəğanden.

Həzrət Ayətullah Xameneyi eyne holədə təkidış karde İron İslom Respublika tərəfo qıləy ğıvvə huzurış ni və votışe: Yəmən ,Hizbullah,Həmas və Cihad, canq kardedən çunki imonışon heste və əğidə iyən imunı ğıvvə əvonış bə mığavimətı meydon vardəşe nə ım ki ironi səmto bıbon.

رهبر انقلاب اسلامی: ملت‌های منطقه، فردایی بهتر را برای منطقه رقم خواهند زد

https://parstoday.ir/tly/news/iran-i49504

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#گزارش_خبری
#reportaj

Bəhruz Səmədovi dastqirəti mıddət dıroz kardə bə

Bəhruz Səmədov iyən mıdafiəkə bə təğdimoti etiroz kardəşone.

4 manqe ki, de bə devləti xəyonət ittihomi dastqirətiədə bə politoloq, xarici mediadə Azərboyconədə idorəti band tənğıdi məqalon muəllif Bəhruz Səmədovi həxədə dastqirəti ğətimko tədbiri mıddət dıroz kardə bə.
Səbail Rayon Məhkəmədə istintoğ orqani bın barədə edaştə təğdimoti diyə kardə bə.
Təğdimot, hələ istintoğ dəvom kardə, çın səbəbiku çəy barədə vıjniyə dastqirəti ğətimko tədbiri mıddəti həniyən 4 manq ziyod karde ehtiyoc hıste əsosi edaştə bə.
Bəhruz Səmədov iyən mıdafiəkə bə edaştə təğdimoti etiroz kardəşone, çəy təmin nıbe piyəşone. Əmmo məhkəmə təğdimotış təmin kardə və Bəhruz Səmədovi istintoğ şə fəxt dastqirətiədə oğətə mıddətış tosə omə sori martə manqi 9-i dıroz kardə.
Vəkil çın ğəroriku apelyasiya şikot karde fikədə be bəyonış kardə.
Bəhruz Səmədov de Cinoyət Məcəllə 274- (bə devləti xəyonət) maddə ittihom bedə.
Əv, de Erməniston xususi xıdmət orqanon koədə taxsikor zınə bedə.
Bəhruz Səmədov ın ittihomi ğəbul kardə ni, ıştəni taxsikor zınedə ni.
Əy, dastqirəti ğəror doə məhkəmədə jə qəpədə sulhpərvər, bə muharibə əleyh be, nıvıştə məqalonən bın barədə be bəyonış kardə.
Əv hisob kardə ki, motijə karde ro de pesoxtəy ittihom kardə bedə.

افزایش مدت زندان بهروز صمداف

https://parstoday.ir/tly/news/talesh-i49494

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#خبر
#xəbə

Əlmos bandiyə məntəğədə voə bəpeşt roy okarde dəvom kardə.

حجم سنگین برف در گردنه الماس تالش و تلاش راهداران جهت برف روبی


💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#خبر
#xəbə

Amerkədə mediyaon etosniye əlovə bey

"Guardian" rujnomə London nəşr, Amerkəvıjon mediyaon etosniye əlovə beyku xəbəş do.

Bə SƏHAB kanali raporti əsos ki İrna nəğliku bəyon kardedə, "Guardian" rujnomə qıləy raportədə nıvıştəşe: Amerkə vıjniyə bıə prezdent, Donald Tramp iyən çəy mıttəfiğon bo har curnə muxalifətiro, anti mediyaon canqi meydonon icod kardey pidəşone.

Bə "Guardian" rujnomə nıvıştey əsos, de Trampi voitə, mediyaonku şikoyət, karde bəzne əvoni bə ıştəsenzura məcbur bıko.

تشدید سرکوب رسانه‌ها در آمریکا

https://parstoday.ir/tly/news/world-i49498

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#xəbə
#خبر

Qiloni iminnə tolışə sınni fərmondor elon be

De Qilon ostani tojə ostandari hıkmi zinə Tolış şəhrıstonədə Qiloni iminnə tolışə sınni fərmondor ıştə koş bino karde.

De Qiloni ostandar Hadi Həxşınosi hıkmi vositə, İrəc Şahi bənə Rizvonşəhr şəhrıstonədə iminnə sınni fərmondori təyin bıə və zinə rəsmi surəti de millət, rəsmi şəxson, Rizvonşəhri şiə və sınni alimon hevujə iştiroki elon bıə.

نخستین فرماندار اهل سنت گیلان معرفی شد

https://parstoday.ir/tly/news/talesh-i49492

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠

#خبر
#xəbə

Yəməni rəketinə hucumonku seonist rejimi tars

Xəbəriyə mənbəon raportışon do ki, de Yəməni hərbiyə ğıvvon hucumon ziyod bıey, Telavivi cənubədə kali məntəğəon pənohqoon 24 saatə bəy

seonisy rejimi medyaon elonışon karde ki, Telavivi cənubədə Hulun nomo qədə şəhri bələdiyə pənohqoon 24 sat bıey ərış sadir kardə.

In bələdiyə pənohqoon 24 saat bıey dəlilış Yəməni hərbiyə ğıvvon hucumon xoto həyəcon sədo ha ləzədə fəal bıey xoto elonış kardə.

Çimiku bənav seonist rejimi umumiyə pənohqoon naviku elon bıey əsos oj əbi.

هراس صهیونیست‌ها از حملات موشکی یمن

https://parstoday.ir/tly/news/west_asia-i49490

💠 #رادیو_تالشی 💠
╭──────────╮
  📡 @Radiotolishi
╰──────────╯
💠 #Tolışi_Rədio 💠