#گزارش_خبری #reportaj Ağadadaş Ağayevi dastqirəti tələb bedəXalğ artist, mığənni Ağadadaş Ağayevi həxədə cinoyət koy ro məhkəmə tədğiğat bino bə. Bə əçey ko Boku şəhər Binəğədi Rayon Məhkəmədə diyə kardə bedə.
Oktyabri 31-də məhkəmə hozzoə iclos dəvonə bə. Məlum bə ki, bənə taxsikori bın ko cəlb kardə bə mığənni bə məhkəmə ıştə nı ome barədə teleqramış vığandə.
Hakimi, Ağadadaş Ağayevi vığandə teleqramədə səhhətədə problemon be səbəbiku prosesədə iştirok karde nızne nuşu doe elonış kardə.
Xalğ artisti koədə dı kəs – Nurəddin Cəlilov iyən Nəzakət Paşayeva bənə zərərkəşəy zınə bedən.
Nurəddin Cəlilov “Medera Hospital”i muhafizəkə, Nəzakət Paşayeva çe həmonə klinika komande.
Mığənni bə əvon de təvə qande xəsarət je, təhqir karde, xuliqanəti kardeədə ittihom bedə.
Zərərkəşəyon huğuğon mıdafiə kardə vəkili Ağadadaş Ağayevi bə məhkəmə nı ome etirozış kardə, mığənni teleqramədə de səhhəti anqıl problem be konkret əsos nıbe bəyonış kardə. Yəni əçe kon mərəziku əziyyət kəşe təsdığ kardə sobuton məlum nı beş votə.
Vəkil Ağadadaş Ağayevi məhkəməku opırtiye səbəbiku əçe barədə dastqir be ro vəsatətış ros kardə.
Zərərkəşəyonən vəkili vəsatətşon mıdafiə kardə.
Əmmo hakim ğətimko tədbiri bə dastqirəti əvəz be barədə vəsatətış təmin kardə ni.
Məhkəmə proses istə koy noyabri 14-də dəvom bəka.
Bə Ağadadaş Ağayevi de Cinoyət Məcəllə 221.3 (siloh və ya siloh ğismədə bə əşyoku istifodə karde xuliqanəti) maddə ittihom bedə. Bın maddə sanksiyədə 2 soriku tosə 5 sori ozodətiku məhrum bə cəzo nəzərədə qətə bedə.
پیگیری اتهامات علیه یکی از هنرمندان جمهوری آذربایجان
https://parstoday.ir/tly/news/talesh-i48828💠 #رادیو_تالشی 💠╭──────────╮
📡 @Radiotolishi╰──────────╯
💠 #Tolışi_Rədio 💠
