#xalqaro_hamkorlik 🤩 Agentlik tizimidagi taʼlim muassasalari mutaxassislari, bitiruvchi oʻquvchilarning xalqaro taʼlim grantlari, jahonning nufuzli oliygohlari, ularga hujjat topshirish tartibi, imtihon shartlari borasida bilimlarini oshirish maqsadida turli formatdagi muloqotlar muntazam ravishda tashkil etib kelinmoqda. Ayni yoʻnalishdagi navbatdagi muloqot Chet ellik turklar va qarindosh jamiyatlar yetakchiligi (YTB) bilan ZOOM platformasi orqali hamkorlikda oʻtkazildi. Unda ishtirok etgan Agentlik tizimidagi maktab maslahatchilari Turkiyaning nufuzli oliygohlarida oʻqish imkoniyatini beruvchi taʼlim grantlari yuzasidan batafsil maʼlumot oldi. Avvalroq Agentlik rahbariyati va Chet ellik turklar va qarindosh jamiyatlar yetakchiligi (YTB) vakillari oʻrtasida muzokaralar olib borilgan edi. Maʼlumot oʻrnida, bugungi kunda Agentlik tizimidagi maktablar bitiruvchilari Turkiyaning Istanbul, Izmir, Onadoʻli universitetlari kabi nufuzli oliygohlarida ham 100 foizlik grant asosida taʼlim olmoqda. Telegram | Facebook | Instagram | YouTube