أم عباس العبادي

#اللحظات الأخيرة  بين مولاتي زينب عليها السلام وأمها الزهراء عليها السلام...

#وزن التجليبة

بــعيونــچ وداع امبيــن الليلـه..
أشم ريحة يتم والفرگه بالشيله..
⟥────────✤────────⟤

ونّاتچ ضعيفه وأنخطف لونچ
ونظرات الوداع امبينه بعيونچ
الهوی انتي ييمه اختنگ دونچ
تحاچي امها ودمعها زينب تسيله

✍🏻#ام_محمد_الحجاج
⟥────────✤────────⟤

تحاچيها وتجر حسرة بأثر حسرة
يطاري الفرگة احسها تگلها چن جمرة
شعبتي گليبي لتنظريلي هالنظرة
البُعد يكتل ييمه ومالي ابد حيله

✍🏻#ولائـية_وافتـخر (دعاء العامري)
⟥────────✤────────⟤

فــراكج يالحنينة والله مــا أحمله
ريت ويــاج أمــوت ولا أظل عدلة
ربــالــي الزمــان أبغيبتــج عـلـة
يظل مطروح حملي ومحد يشيله

✍🏻#آلّشآعرهً آلــــّعــلّويِـــه آلّمٌوسويِــــۿ
⟥────────✤────────⟤

هظايم فركتج مو هظمه يا يمه
وانا اعله الهظايم روحي متعلمه
وكل مصاب يجره للله بي حكمه
اصبر وحتسب وهمومي ثكيله

✍🏻#ام_فاطمة_الزهراء
⟥────────✤────────⟤

اهمومي ثگيله وشيبت راسي
فگدتج يالحنينه وأنتي أعز ناسي
وتدرينه زماني يم حسن جاسي
يارحلة عذابي بعدچ اطويله

✍🏻#رماد_الخيام
⟥────────✤────────⟤

يظل بيتچ عليّ موحش واصد للباب
واذكر عصرتچ يمه ابدمع سچاب
ما أنسى ونينچ والضلع منصاب
بس همّچ على ولادچ على العيله

✍🏻#خادمة_أبي_الفضل
⟥────────✤────────⟤

سمعيني يزينب يمه بوصيتي
صبر ثم الصبر لو دمعه هليتي
عينچ على اخوانچ همه عافيتي
اخوچ حسين من اينام لوليله

✍🏻#ام_عباس_العبادي
⟥────────✤────────⟤

صعب فگدچ ييمه بيش اسلي الروح
العمر كله اخلصه بالبچي والنوح
شيطيب الگلب وجروحه لاهي اجروح
بعدچ يالحبيبه ياهو الأشكيله

✍🏻#خادمه_ام_الحسن_ام_مهدي_الفرطوسية
⟥────────✤────────⟤

#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

#قصيدة_التجمع_الثقافي_المشتركة

#آمـــن_قــلـبــــي_بــالحـــســــيـنـا

#وزن_ثلاث_ارباع_الشيعتي
~~ #مـــلــمــع ~~

فِي المَهَدْ أتْلو كِتابَ العاشقِينا
قَدْ جَاءَ فِيهِ فَازَ كُلُ الخَادِمِينا
رابِحـَـاً دُنــِياهُ
رابِـحَاً أُخــراهُ
وحِينَها آمَـنَ قَلبِـي بِالحُـسَينا
................

انـه ابـن ذاك الخـدم بعيـونه ضامي
وانه مـن بيـئة الدمـعة لحـب امامي
من وسـط حُـر وجنوبي كل هـيامي
اتخـرجت من المآتـم صـدري داامي

قَدْ رَأيِتُ وَالِدْيّ يُحّيِيّ الشعَائِر
فَوَجَدْنا الخُلْدَ فِيّ نَهْجْ المَـنَابِر
عاشِـقاً مــولاهُ
رَابِـحاً أُخُــراهُ
وحِينهَا آمَنَ قَـلـبِي بِالحُـسَيِنا


1⃣ ✍🏻 #أم_عباس_العبادي

~~~~

هلي البلخدمه كضه وخلص عمرهم
بين دمعه ونـوح وبلـطمت صدرهم
وبالمـواكب خـدمـة الـزاير تـسـرهم
وانا حـد المـوت اظـل اتـبع اثــرهم

لِعَزاءِ الـسِّبـطِ أهْـلِـيّ قْائِـمِـينَا
بَـيــنَ آهـــاتٍ وَدَمْــعاً وأنْـيـنا
مَنْ بَكَىٰ ذِكراهُ
رَابِـحَـاً أُخـرَاهُ
وحِينهَا آمَـنَ قَلـبِي بِالحُـسَيِنا


2⃣ ✍🏻#الشاعر_حسن_لعيبي_الحريشاوي

~~~~


هالخـدامـه مـن مـبـادئــنه الاصـيله
شـما نـقـدم بيــهـا نشـعـر بالقـلـيـله
أحنه غـير حسـين ما عـدنه وسـيله
شـمـا تضـيگ الدنـيا بيـنه نـعتـنـيله

نَشْكرُ اللهَ وفي الشكرِ زيـادهْ
خادمُ السبطِ له اجـرَ العبـادهْ
عـابـداً يـلـقـاه
رَابِحَـاً أُخــرَاهُ
وحِينهَا آمَـنَ قَـلبِي بِالحُـسَيِنا


3⃣ ✍🏻 #الشاعر_مهند_الحسناوي

~~~~

أمي وآنه بمـهدي لولتـلي بالحسـين
اثـواب ليـلـيه تســبّل دمـعـة العــين
وكل مسه مقتل تسولف طول الاسنين
گبـل لا اغـفـه قرتلــي طـور ياســين

مُـذْ وِلِدْتَ حُـبّـهُ بَـيِن دِمَائِـي
لِحُسَـيِنٍ أَنْتَــمِي هَـذا نِـدَائِـي
فِيّ دَمْي مَسْرَاهُ
رَابِـحَــاً أُخــرَاهُ
وحِينهَا آمَـنَ قَـلبِي بِالحُـسَيِنا


4⃣ ✍🏻 #الشاعرة_أم_محمد_الحجاج/العبادي

~~~~

المـابـچـه ابعـاشـور ماترهـمله چـاره
عالسـراط اتـعـثره چــويـات الحراره
المـجـالــس حـضـره والبـيرغ منـاره
الحـاضـر المجـلـس يكتـبـوله زيـاره

إِنْـمْا الشَـوُقَ لِـعَـاشُـوراء دِيـني
رَبّنا زِدْنِي مِنَ العِشْقْ الحُسَينِي
و‌َالــذيّ يَـهـواه
رَابِـحَـاً أُخــرَاهُ
وحِينهَا آمَـنَ قَـلبِي بِالحُـسَـيِنا


5⃣ ✍🏻 #الشاعر_محمد_الجماسي

~~~~

فزت بالجـنة أنه مـن امشـيت دربـه
والـبَعـد عن دربه عـاش بـدار غـربه
أدعـي ربـي للأجل دوم ابـقى قـربه
أخدمه ودمعي أهل والصدر اضـربه

للِحُسَينِ عَاشِقَاً وَالعـِشقُ طَاعَة
نِلتُ فِيّ المَحشَرِ صَكاً للشَفَاعَة
وَالَـــذيّ عَــلاهُ
رابِحــاً أخــرَاهُ
وحِيـنَـها آمـن قَلبِـي بَالحُسَينَا


6⃣ ✍🏻 #الشاعرة_دعاء_العامري

~ ٢٦ / ٨ / ٢٠١٩ ~~

🤲🏻 اللــهم عـجـل لــولـيك الفــرج 🤲🏻

~~#وزن_فائزي ~~

شگد قريـنالك دعـا
وفـاتـحة لام اربعـه

~1⃣~

وننطـر بمـصباح كل جـمعة تجيـنة
ويـرتفع صوت الدعا ويـكثر بچينة
انخرست الساناتنه وخلص حچينة
شـوگ ليك انـجـمعه
وفـاتـحـة لام اربـعه

~2⃣~

وتـعـبت ادروب انتـظـارك ياولـينه
والـعـمـر عـدلك تـنازل كـل سـنينه
يمـته نتـلاگه يـبو الـروح الحنيـنه
ننخى راعي المشرعه
وفـاتـحـة لام اربـعـه

~3⃣~

مبـعد وجيـتك تـراهـي مـو بديـنه
يمـته ترجـع مـن مـغيـبك ياوليـنه
وبينه تـخمد نـار شـوگ اتـعذبـينه
ننطر احـنه المرجـعه
وفـاتـحـة لام اربـعـه

~4⃣~

بينه شوگ الدنـيا ماتـحمل حنـينه
وانتـظارك رگّگد الـنه الحـيل بيـنه
والله لــو ننـدله دربــك چا اجـيـنه
نظـر خـلـص مـدمعه
وفـاتـحـة لام اربـعـه

~5⃣~

روحه رجعه الدرب ملت مـن مشينه
بيا ارض مانـدري يل ضـايــع علـينه
اذنوب كثرة وبيها حيل احنه انولينه
نـســأل الله ايرجـعـه
وفـاتـحـة لام اربـعـه

~~~~

#أم_عباس_العبادي
؛؛؛ ١٢ / ٤ / ٢٠١٩ ؛؛؛

❀ السلام على جبل الصبر ❀

#وزن_الرجز


ياطير بلّـغ هـلي .. گلهم وديعة علي
بالغربة وافاهـا الأجل
بالغربة وافاهـا الأجل

~❀~❀~❀ 1⃣ ❀~❀~❀~

من حگي اعتب وادري المعاتب كلف
من شوگي الكم جـفني يومـيه يرف
الشـمـل مــا يلـتـم عـگبـكـم للأسـف
بتكم وحـيدة والـزمـن كلـش صـلـف

مارحم بيه أبد .. يوميه اطوف ابلد
من بعد عبـاس الكفل
بالغربة وافاهـا الأجل

~❀~❀~❀ 2⃣ ❀~❀~❀~

الدنـيا دارت ياهـلي وعنـكم رحـت
من رحلتي بضعن السبي انه متـت
خليت اخوتي بالمصـارع وشگـلت
صرتي غريبة والاعـادي تـشـمتـت

گلبي انكسر يخوتي .. الشامت نظر ذلتي
مشونه عالنـوگ الهزل
بالغربة وافـاهـا الأجل

~❀~❀~❀ 3⃣ ❀~❀~❀~

زيـنـب غـريـبـه آنـه صـرت أم الحـزن
اگضي الليالي بحسرتي وانحب واون
اذكر مصـايب دهـري واشـكال المـحن
لاظل اخو ولاظل ولي وصبري صفـن

محتار بيه الصبر .. وانگضه بهم العمر
والحيل هل مني رحل
بالغـربة وافـاهـا الأجل

~❀~❀~❀ 4⃣ ❀~❀~❀~

آثـار بيــديــه الحــبــل تـــارك الــي
وامتوني زرگه من الضـرب ياكافلي
ماترضه زينب تنهضم چي بت علي
شو هسه ماتـت بالغـرب آآه ياهـلي

عباس خويه أطمئن .. گرب ينام الجفن
بـفراگكم عظمي نحل
بالغربة وافاهـا الأجل

~❀~❀~❀ 5⃣ ❀~❀~❀~

لمـن گـرب ليـّه الاجل بـيـن الـغرب
بچه الصخر ياموقفي كلـش صعب
العتب موش عله الاهل بس العتب
عالروح ماراحت اويـاهم يا عـجب

اندفن ويه اخوتي .. تحاذيهم رويحتي
چان الها هاذ آخر أمل
بالغربة وافاهـا الأجل

~❀~❀~❀~❀~❀~❀~❀~❀~

#أم_عباس_العبادي
؛؛؛ ٢٥ / ٣ / ٢٠١٨ ؛؛؛

@omAbaas