أم عباس العبادي

#خادمة_أبي_الفضل
Канал
Логотип телеграм канала أم عباس العبادي
@omAbaasПродвигать
600
подписчиков
97
фото
15
видео
6
ссылок
نذرت العمر كله لخدمة حسين _14 _ حزيران _ 2017 م . لمتابعة القناة الثانية @AsoaatHoseneua
#اللحظات الأخيرة  بين مولاتي زينب عليها السلام وأمها الزهراء عليها السلام...

#وزن التجليبة

بــعيونــچ وداع امبيــن الليلـه..
أشم ريحة يتم والفرگه بالشيله..
⟥────────✤────────⟤

ونّاتچ ضعيفه وأنخطف لونچ
ونظرات الوداع امبينه بعيونچ
الهوی انتي ييمه اختنگ دونچ
تحاچي امها ودمعها زينب تسيله

✍🏻#ام_محمد_الحجاج
⟥────────✤────────⟤

تحاچيها وتجر حسرة بأثر حسرة
يطاري الفرگة احسها تگلها چن جمرة
شعبتي گليبي لتنظريلي هالنظرة
البُعد يكتل ييمه ومالي ابد حيله

✍🏻#ولائـية_وافتـخر (دعاء العامري)
⟥────────✤────────⟤

فــراكج يالحنينة والله مــا أحمله
ريت ويــاج أمــوت ولا أظل عدلة
ربــالــي الزمــان أبغيبتــج عـلـة
يظل مطروح حملي ومحد يشيله

✍🏻#آلّشآعرهً آلــــّعــلّويِـــه آلّمٌوسويِــــۿ
⟥────────✤────────⟤

هظايم فركتج مو هظمه يا يمه
وانا اعله الهظايم روحي متعلمه
وكل مصاب يجره للله بي حكمه
اصبر وحتسب وهمومي ثكيله

✍🏻#ام_فاطمة_الزهراء
⟥────────✤────────⟤

اهمومي ثگيله وشيبت راسي
فگدتج يالحنينه وأنتي أعز ناسي
وتدرينه زماني يم حسن جاسي
يارحلة عذابي بعدچ اطويله

✍🏻#رماد_الخيام
⟥────────✤────────⟤

يظل بيتچ عليّ موحش واصد للباب
واذكر عصرتچ يمه ابدمع سچاب
ما أنسى ونينچ والضلع منصاب
بس همّچ على ولادچ على العيله

✍🏻#خادمة_أبي_الفضل
⟥────────✤────────⟤

سمعيني يزينب يمه بوصيتي
صبر ثم الصبر لو دمعه هليتي
عينچ على اخوانچ همه عافيتي
اخوچ حسين من اينام لوليله

✍🏻#ام_عباس_العبادي
⟥────────✤────────⟤

صعب فگدچ ييمه بيش اسلي الروح
العمر كله اخلصه بالبچي والنوح
شيطيب الگلب وجروحه لاهي اجروح
بعدچ يالحبيبه ياهو الأشكيله

✍🏻#خادمه_ام_الحسن_ام_مهدي_الفرطوسية
⟥────────✤────────⟤

#تـمت_بـأقــلام ✍🏻✍🏻
⚶مجموعة شاعرات أهل البيت⚶
تأسست المجموعة ٧-٢-٢٠١٨
#بين_الباب_والحايط
#يازهراء💔😔
◾️أهداء مشاركة هذهِ المقطوعات الشعرية إلى روح خادم أهل البيت (الشاعر جبار عبدالزهرة الشويلي)◾️


بين الباب والحايط ألف حسره
صدى وآثار تشرح جمرة الزهره
العده ونيران والمسمار والسطره
عظم لمصاب خله بكل گلب عبره

✍🏻#ولائـية_وافتـخر (دعاء العامري)
✾ـــــــــــــــــــــــــ✾ــــــــــــــــــــــــــ✾

بين الباب والحايط صدرها انعاب
وينك يالولي نادت يداحي الباب
ظلعي انصاب ونت والدمع سچاب
مصابچ يالزچيه بالگلب لهاب

✍🏻#أم_عباس_الحسيني
✾ـــــــــــــــــــــــــ✾ــــــــــــــــــــــــــ✾

بين الباب والحايط جرح ينزف
دمعنه امن الضلع ليهسّه ظل يذرف
جرح باب الزچية مابرى ويجف
لمن بيرغ لبو صالح نشوفه يرف

✍🏻#أم_محمد_الحجاج /العبادي
✾ـــــــــــــــــــــــــ✾ــــــــــــــــــــــــــ✾

بين الباب والحايط ضلع مكسور
إجاها الما يخاف الله وعليها يجور
دموم اهواي شافتها وبعد عاشور
ومثلها زينب اتظلها ودمع مجمور

✍🏻#خادمة_أبي_الفضل
✾ـــــــــــــــــــــــــ✾ــــــــــــــــــــــــــ✾

بين الباب والحايط صدر بي دم
الملك جبريل يويلي من سمع يلطم
رسم حزن الأصابع عالصدر يرسم
يكسر چم ضلع من صدره مايهتم

✍🏻#علوية_أم_فاضل
✾ـــــــــــــــــــــــــ✾ــــــــــــــــــــــــــ✾

بين الباب والحايط ضلع مكسور
على الزهره ومصيبتها الگلب مجمور
نرثيلچ يفاطم وبدمع منثور
يسورة كوثر انتي ويا دعاء النور

✍🏻#رؤى_السلامي
✾ـــــــــــــــــــــــــ✾ــــــــــــــــــــــــــ✾

بين الباب والحايط مصيبتها
ضلع مصيوب والمحسن سگط منها
لا نام ابحضنها ولا سمع ونها
يالزغيرون أمك لا تمش عنها

✍🏻#أم_عباس_العبادي
✾ـــــــــــــــــــــــــ✾ــــــــــــــــــــــــــ✾

بين الباب والحايط تسيل دموم
هاي اعظم جريمه نفذوها الگوم
من يوم السقيفه ذاكَ المشؤوم
مطرت بالحقد عالعتره حد اليوم

✍🏻#أم_حسين_الأسدي
✾ـــــــــــــــــــــــــ✾ــــــــــــــــــــــــــ✾
#كلمة_شوگ
•• #ياصاحب_الزمان ••

كلمة شوگ تعجز بيها الحروف
جارحنه البُعد و الگلب ملهوف
يا يوم وتهل و خيالك نشوف
وخلفك سيدي نتجمع صفوف

✍🏻#ولائـية_وافتـخر (دعاء العامري)
• ━━━━━━ ❁ ━━━━━━ •

كلمة شوگ كل جمعة التمرنه
وحسرة بكبر لهفتنه وصبرنه
مناحر فدوة لترابك نذرنه
ترف ياجمعة راية منتظرنه

✍🏻#أم_محمد_الحجاج /العبادي
• ━━━━━━ ❁ ━━━━━━ •

كلمة شوگ تحلالك يغالي
طالت غيبتك وينك يوالي
يمته تعود وتنور الليالي
وتحقق لنـه كــل الأمالي

✍🏻#ام_عباس_الحسيني
• ━━━━━━ ❁ ━━━━━━ •

كلمة شوگ يالمهدي ندبناك
ماننسه أبد كل يوم طرواك
نريد العين تتكحل برؤياك
وانصارك نصير وكلنه وياك

✍🏻#رؤى_السلامي
• ━━━━━━ ❁ ━━━━━━ •

كلمة شوق أرسلها وحنيني
لجل شوفك واكحل نظر عيني
بُعدك نار تحرق تبكيني
أنطر جيتك يمتى تجيني

✍🏻#خادمة_أبي_الفضل
• ━━━━━━ ❁ ━━━━━━ •

كلمة شوگ الك اكتب يمولاي
واطرزها بحرارة دمع عيناي
واوصفلك لهفتي وانت ماجاي
ياشهگة نفس من صبحي لمساي

✍🏻#أم_عباس_العبادي
• ━━━━━━ ❁ ━━━━━━ •

كلمة شوگ اوديها وسلامي
تعرف وشكثر زايد هيامي
واتمنه أشوفك يا إمامي
حقيقه بواقعي وواقع منامي

✍🏻#علوية_أم_فاضل
• ━━━━━━ ❁ ━━━━━━ •

كلمة شوگ اوديها الإمامي
من گلبي المُحب أبعث سلامي
الك يالمنتظر زايد هيامي
أريدنك تجي اتحقق احلامي

✍🏻#أم_مهدي_الفرطوسية
• ━━━━━━ ❁ ━━━━━━ •