الطف موقف يصيرلي في حياتي تقريبا بعد ما خدينا من بنت هستوري ودرنا عليها إكزامينيشن نزلت من السرير واعطتني حضن 🫂♥️ 🌿ميان 🌿 اسمها يقعد في ذاكرتي خشت المستشفى الطبي كحالة DKA
جِنيـنْ..🌿 pinned «السلام عليكم ورحمة الله وبركاته لقيت عندي عدد لا باس بيه من الرسائل بخصوص مادة الأطفال وكيف نقروها وكم تاخد وقت وشن نظام الأوسكي وشن المواضيع اللي نركز عليها والمصدر اللي نعتمد عليه سامحوني المدة اللي فاتت مقدرتش نرد على المسجات كنت شوية ملخبطة والوقت…»
زي ما تعرفو المادة من 200 100 الكلنك وال 100 الثانية بين نصفي ودرجات حضور وامتحان الpaper امتحان الورقة لما تحصلي الباس فيه لا يعني انك نجحتي في المادة مجرد يأهلك تخشي امتحان الكلنك الpass في الورقة 28/70 سهل ال pass في الكلنك 60 درجة Case presentation 5 درجات يكون جماعي والاغلب يحصلو في الدرجة الكاملة 🤍 والباقي بين نصفي عليه 10 وحضور مستشفى و clinical skills
🖇الإمتحان النصفي كإنه كلنك مصغر لجنة وحدة history قبل يقولولهم شن المواضيع اللي داخلة بحكم مازال مكملوش المنهج بس دفعتنا قالولنا كله داخل اللجنة الثانية examination ثلاثة مواضيع إما Respiratory examination او chest فقط CVS examination أو pericardial فقط Abdominal examination ——————- 🖇️الكلنك فاينل الإمتحان 8 لجان وإجمالي الدرجات 100 كل لجنة 8 دقائق وفي النهاية الدكتور يديرلك case discussion اللجان كالتالي:
🖇️زوز لجان هستوري وحدة new case والثانية known case كل لجنة 15 درجة ———— 🖇️4لجان examination المواضيع معروفات VITAL SIGNS ANTHROPOMETRIC MEASUREMENTS CVS PERICARDIAL RESPIRATORY CHEST ABDOMENAL CNS LL PGALS GENERAL EXAMINATION NAPKIN AREA DEVELOPMENTAL جيبو معكم ألعاب 🧸 للأطفال🩷 عليهم درجات حيجوكم 4 من أصل اللي كتبتهم ال general look وال comments عالحالة يبوه حتى لو قالك دير chest بس او pericardial بس علق عليهم بسرعة مضيعوش الوقت كل لجنة من الأربعة عليها 12 درجة المجموع 48 درجة
شيتات الجعكي ممتازات جدا في ال examination ——————- 🖇️لجنة emergency تخشي اللجنة تلقي ورقة مكتوب فيها الحالة وقصتها بعدين تلقي أسئلة تجاوبي عليها 10 درجات —————— 🖇️لجنة diagnostic بردو تخشي اللجنة تلقي اللابتوب فيه صور قدامك خمسة صور من التالي : X-ray Blood gas Instrument Growth chart او karyotype ECG ويجيبو حتى في spot يفضل كلهم تقروهم من د علا دقة لأن PDFs متاعها أقصر وميطلعوش منهم للأمانة وكذا ما عدا ال spot ننصحكم بدكتور عبد الرحمن الجعكي عليهم 12 درجة ————— خشوا اللجنة واثقين من نفسكم في دكاترة يحبو يستفزوا الطلبة بالكلام والتصرفات بس خليكم صامدين يا جبل ما يهزك ريح وابتسموا ولما تخش صبح عالدكتور قوله كيف حالك حتى لو معاك جاف خود مصلحتك وجهك مش حيقعد عنده ولو يحاول يغلط ويشكك في معلوماتك مدوروش عااادي ولو قالك أنت مطبقتش كذا وأنت متأكد من نفسك انك طبقت قوله حااااااضر وعاود طبق ومتحاولش تناقشه (يحطلك صفر ظلم) بالذات الدكاترة الكبار
في مرضى مش متعاونين عادي كملو وان شاء الله ميأثرش عليكم وهذا الكلنك صح معتمد عالمهارات بس الحظ يلعب دور —————— ربي يوفقكم ويسهلكم كل صعب موفقين مسددين لا تنسوني من صالح دعائكم لعلكم إلى الله أقرب 🤍
بالدرجات فلازم تحضرو والمشكلة ان الحالات اللي يورونا فيها متشابهة -Know case of asthma -Hydrocephaly -DKA -Gastroenteritis -HSP -Short stature شفتها في العزل مرة - PDA مرة في الطبي المشكلة أن في الأمتحان يجيبولك حالات jaundice و blood diseaseو rheumatology طبعا هما حاطينهم في جهة بروحهم في المستشفى الجامعي والدكاترة مدخلوناش أبدًا السبب مش معروف ربي يهديهم ف الحل تمشي انت وصاحباتك يوم بروحك او تمشو عشية تمرو عالحالات بروحكم استأذنو من ولي الأمر وتوكلو تأخدو هستوري واديرو اكزامينيشن طبعا في أيامنا عندكم كيس ديسكشن تقعمزو مع الدكتور في قاعة في المستشفى وتسمعو منه الدكاترة في مستشفى الطبي ملتزمين للأمانة ويجو حتى في مستشفى الجلاء كويسين أما مستشفى الخضراء يا لطيف الدكاترة دائما غياب ولازم تقعدي تستنى فوق الساعة في المستشفى لين يرضو يطلعولك الورقة توقعي إنك حضرتي رغم إن الدكتور غايب ! ومرات تريح منهم الورقة ويسجلوك بعدها غياب وتخصم منك درجات (تجربة شخصية) في النهاية كله حظوظ وربي يجمل حظكم ———————- البوست الجاي الإمتحان النصفي والكلنك
معنى قوله (صلى الله عليه وسلم) : (اعملوا فكل ميسر لما خلق له) : أنّ كل فريق من هذين مسهلٌ له العملُ الذى اختاره لنفسه. فعلم الله نافذ في خلقه بما هم به عاملون، وكتابه الذي كتبه قبل خلقه إياهم بأعمالهم لم يضطر أحدا منهم إلى عمله ذلك" انتهى باختصار من "شرح صحيح البخاري لابن بطال" (10/ 304). 🩺🤍
🖇️Rheumatology من الشباتر اللي زرني الوقت وقريته في الأخير رغم ذلك ينجاب ومقدور عليه وتنحل اسئلته بسلاسة مافيش هلبا حالات في المستشفى هذا عيبه ويمكن تنصدمو في الإمتحان وتلقو حالة أنت وحظك ويحتاج ترتبو الأمراض في جداول لانه شابتر يعتمد على المقارنة الأمراض فيها هلبا من ناحية Rx وDx وركزوا على الأعمار ومن عنده systemic symptoms وفيه اللي فيهم renal symptoms وفيه اللي فيهم respiratory symptoms لو درتوهم في جداول حتجاوبوا مية مية بإذن الله
🖇️Blood🩸 الفرق بين sickle cell anemia و ال thalassemia اهم شي Dx و Rx مهمات كلهم حتى ال fanconi anemia ركزوا في AD و AR و XL
الشيت بصفة عامة مهم في الكلنك والورقة
🖇️CNS🧠 بردو مهم هلبا كله مهم والدكتور ف المنصة في أمراض شرحهم بجدول مقارنات سهلوا عليا هلبا الأمانة GBS يحبوه و seziure والأنواع كله مهم م فيه م تلوحو من الأخير
🖇️Infection 🦠 Already داره الدكتور في جداول بارك الله فيه شابتر يحتاج حفظ حفظ حفظ أفتحو اليوتيوب تلقو نيمونك تسهيلا للحفظ اهم شي ال viral infection و ال Bactria ال parasites 🦠 اقل أهمية لو زركم الوقت مروا على ال TB وال enterobiasis
🖇️Nutrition🥛 من الشباتر السهلة وفي معلومات مارة علينا من الكومينتي د عادل التاجوري كان شارحه بطريقة ممتعه الزيادة هيا الفرق بين Brest feeding وحليب الفورميولا أهم تحفظوهم صم شراب أمية وحتى معادلات حساب الوزن والطول والأجهزة اللي يستخدمو فيها وال normal range وكذا
🖇️Genetic كله سيندرومات نعرفوها من قبل Down syndrome Turner syndrome Edward syndrome وفي غيرهم بس هادو اكثر أمراض common وجابو منه حتى في الكلنك ركزوا منهما ال AD و AR و XL محور أسئلة يحبوه جدا ابدعوا في اسئلته في امتحاني😍😁 قبل ميركزوش عليه بس توا شكله غيرو السياسة
بالنسبة لمادة الأطفال مادة حلوة بس دسمة وتبي تكرار مرة واثنين وثلاثة ان امكن وحل هلبا أسئلة سيمسترات سابقة عيبها في الوقت قصير جدا يعتبر خمسة شهور بين بيد سايد مستشفى يوم بعد يوم فصعب تحصلو الوقت الكافي لدراستها بس بعون الله كله يهون أول اسبوعين زي ما نعرفو محاضرات نظري فقط يفضل تحضرو بصراحة أهم شباتر النظري
🖇️Neonate وليه نصيب الأسد في الأسئلة النظرية يوصل عدد أسئلته ل 15 سؤال فمهم جدا في امتحان الورقة لكن في الكلنك لا
يليه ال GIT و respiratory🖇️ مهمات جدا في امتحان الورقة والكلنك وبالذات الكلنك في الشتاء تكثر حالات الrespiratory الازما بالذات وفي الصيف زي ما قرينا احنى كان في حالات gastroenteritis هلبا الحق ولكن مش معناها ماكانش في حالات respiratory ف ركزو فيه وركزو كيف ناخدو history من المريض او ولي أمر المريض الهستوري اقروه من د علا أو د الجعكي بشرط تمشو اطبقو على الحالات عندها وفي المستشفى باش تعرفو نقاط ضعفكم وين وللعلم دكاترة المستشفى ديما مستعجلين وميعطوش ف المعلومة كاملة وكل دكتور شكل فنصيحة مش لازم تقارنو الدكاترة وتنقلو الكلام بين الدكاترة والدكتور هداكا قال وهداك قال خليكم ساكتين واسمعو بس طبقو وخودو الهستوري زي ما يعطي الدكتور عبد الرحمن الجعكي او د علا دقة نصيحة ثانية حاولوا بعده تقروا. 🩻 X-ray اغلبه respiratory و GIT
🖇️CVS بردو من الشيتات المهمة نظري وكلنك اسئلته توصل سبعة إلى عشرة أسئلة حاولو تفهموه كويس
🖇️Endocrine شابتر حلو وخفيف وشبه عندنا عليه خلفية من قبل الحق حرام يضيع واسئلته ما فيهاش فكرة 💭 ومهم في الورقة والكلنك يحبو مواضيع diabetes والcushion disease و goiter و DKA يحبوه هلبا ف ركزو فيه
🖇️Nephrology شيت مهم جدا صراحة ويبي تكرار اكثر من غيره كل مرة تقراه تحس في معلومة غايبة عليك فيحتاج من وجهة نظري ويثبت بالأسئلة مقدور عليه
لقيت عندي عدد لا باس بيه من الرسائل بخصوص مادة الأطفال وكيف نقروها وكم تاخد وقت وشن نظام الأوسكي وشن المواضيع اللي نركز عليها والمصدر اللي نعتمد عليه سامحوني المدة اللي فاتت مقدرتش نرد على المسجات كنت شوية ملخبطة والوقت يجري بيا وسهيت وتوا انتبهت فقررت بإذن الله انزل كل شي هني بعدين أبعتوا لبعض والله الموفق ولا تنسوني من صالح دعائكم🩷
عن أي حفل تخرج وأي قسم ….. ليته يعلم انه بعد عشر سنوات ، حال كليتنا كما هو عليه بل أسوأ بمراحل ليته يرى لؤم أعضاء هيئة التدريس يدرسوننا بالمزاج فصل دراسة والفصل الذي يليه اعتصام أضاعوا من أعمارنا عام ولم يرف لهم جفن وعام آخر بسبب جائحة كورونا والحرب كل دفعة تبقى في الكلية ثمانية أعوام وأزيد "لا نريد حفلا نريد أن نتخرج" حسبنا الله ونعم الوكيل نعم المولى ونعم النصير
عينة عن حقد بعض الناس على الأطباء في ليبيا وما أكثر البوستات اللي زي هادي مجرد يشوفوك خشيت طب يبدو ف نفس الدسكة "أصلا ما فيش طب في ليبيا" الأدهى والأمر يمشو يسافرو بعض الدول وبطلع تشخيصهم غلط ويرجعو لليبيا يستخسرو يقولو كلمة حق في دكاترة بلادهم ووقت يمشي الدكتور يعيش برا لأنه يبي مكان يحترمه ويقدره يلوموه وكيف تسيب بلادك وتمشي تعالج الأجانب ! متفهم شي شن يبو الله أعلم ما يعجبهم عجب ولا صيام في رجب حاجة ثانية يجيبو مريض حالات كانسر آخر مراحل يعني ما فيش حل إلا معجزة الله ترجعه سالم في ليبيا لا ! كان مات يقولو ما فيش طب في ليبيا ولو مات في بلاد ثانية من دون ذكر أسماء يقولو هذا عمره وأجله مشكلة اليوم🌝 ممرضة أخطأت وعطت حقنة ڤولتارين لحالة في الوريد وهيّا كانت المفروض في العضل (وفعلا إعطاء الحقن شغل التمريض والمسؤول عن الخطأ التمريض شن دخل الدكتور؟ الله أعلم) منزل بوست طويل عريض طايح في الدكاترة ولو كان عنده قدرة يكتب في الدكاترة هجاء لفعل !
نماذج زي هاذي مفروض نشهروا بيها لكن يلا .. رسّام يهجوا الأطباء ويقول المفروض والمش مفروض
