🖇️Rheumatology من الشباتر اللي زرني الوقت وقريته في الأخير رغم ذلك ينجاب ومقدور عليه وتنحل اسئلته بسلاسة مافيش هلبا حالات في المستشفى هذا عيبه ويمكن تنصدمو في الإمتحان وتلقو حالة أنت وحظك ويحتاج ترتبو الأمراض في جداول لانه شابتر يعتمد على المقارنة الأمراض فيها هلبا من ناحية Rx وDx وركزوا على الأعمار ومن عنده systemic symptoms وفيه اللي فيهم renal symptoms وفيه اللي فيهم respiratory symptoms لو درتوهم في جداول حتجاوبوا مية مية بإذن الله 🖇️Blood 🩸 الفرق بين sickle cell anemia و ال thalassemia اهم شي Dx و Rx مهمات كلهم حتى ال fanconi anemia ركزوا في AD و AR و XL الشيت بصفة عامة مهم في الكلنك والورقة 🖇️CNS 🧠 بردو مهم هلبا كله مهم والدكتور ف المنصة في أمراض شرحهم بجدول مقارنات سهلوا عليا هلبا الأمانة GBS يحبوه و seziure والأنواع كله مهم م فيه م تلوحو من الأخير 🖇️Infection 🦠 Already داره الدكتور في جداول بارك الله فيه شابتر يحتاج حفظ حفظ حفظ أفتحو اليوتيوب تلقو نيمونك تسهيلا للحفظ اهم شي ال viral infection و ال Bactria ال parasites 🦠 اقل أهمية لو زركم الوقت مروا على ال TB وال enterobiasis 🖇️Nutrition 🥛 من الشباتر السهلة وفي معلومات مارة علينا من الكومينتي د عادل التاجوري كان شارحه بطريقة ممتعه الزيادة هيا الفرق بين Brest feeding وحليب الفورميولا أهم تحفظوهم صم شراب أمية وحتى معادلات حساب الوزن والطول والأجهزة اللي يستخدمو فيها وال normal range وكذا 🖇️Genetic كله سيندرومات نعرفوها من قبل Down syndrome Turner syndrome Edward syndrome وفي غيرهم بس هادو اكثر أمراض common وجابو منه حتى في الكلنك ركزوا منهما ال AD و AR و XL محور أسئلة يحبوه جدا ابدعوا في اسئلته في امتحاني😍😁 قبل ميركزوش عليه بس توا شكله غيرو السياسة 🖇️Vaccination أحفظو جدول التطعيمات الليبي تمشي أموركم 🖇️Developmental ممتع جدا بس يبي تمرين وحفظ وتمري عليه أكثر من مرة 🖇️Immunity أقل شيت أهمية وكله ميكرو وربي يعينكم اللي ما تحبوش الميكرو آخر نصيحة من توا حاولوا اديرو تجميعات DD يساعدوكم هلبا والله البوست الجاي على البيد سايد