قبل كل شي عسبي في العيد منكم تدعمونا بمشاركة الصفحة ودعوة الأصدقاء انتم كرماء وأنا استاهل
🙃المندي اليمني :- طيب بقلك ايش يميزه
اول شي :- البهارات وهذي موضوعة سهل بقلكم كيف نسويها .
ثاني شي :- المافي الحطب وطريقة طباخته فيه ونكهة الحطب باللحم.. ولانه تقريباً أغلب البيوت ماعنده هذا الشي بقلك كيف نسويها بطريقة ثانيه .
1- بهاراتي انا للمندي :- ( ملعقة كبيرة ملح + نص ملعقة صغيرة ملح صيني + نص ملعقة صغيرة ثوم بودر + نص ملعقة صغيرة بودرة بصل + نص ملعقة فلفل ابيض + ربع ملعقة صغيرة زنجبيل مطحون + ربع ملعقة صغيرة كمون + ورشة خفيييفه هيل مطحون + رشة خفيييفة لون صفار الزعفران هذا حسب الرغبة ممكن بداله بقصة زعفران + ملعقة كبيرة زيت ) هذي المقادير للكمية الي واضحه معاكم في الصورة .
2 :- نغسل اللحم ونسوي فيه فتحات وغمض عيونك واتخيل اللحمه ظهرك الي يوجعك ودلللكه
🤩😍 خليها تتغلغل بالبهارت .
3 - اهم نقطططه بنبخر اللحمه نلصي فحمه خشب مش فحم سفري وبنسوي بقشرة البصل دهن حيواني ( شحم بيت الكلوه )
ونحط الفحمه بعد ما تلصي تماماً فوق الشحم ونغطي
🤩خمس دقائق ونلف اللحم بورق الزبده والقصدير ونكتمه تماماً .. ونخليه ياخذ نكهة البهارات والتبخيرة لمدة ساعتين
✌️بعدها انا لصيت الفرن ع انقص دراجة من 6 الصباح لين 1 ظهر .. خلووووه يتسوي ع رااااااحته واطمنو ما بيسحب غاز خااالص كانه شوله صغيرة ..
وهباااااااااااا يخرجلكم اللحم زببببده ذاااايبه
بعد هذي الوصفة صدقونا ماعد بتعرفو مندي المطاعم
✌️#ملاحظات :-
1- الطريقة تنفع للدجاج للحم الغني للبقري اي شي .
2- ممنوع تفتحو ع القصدير تشوفو اللحم استوت أو لا وترجعوها الفرن .. ع طول يتغير طعمه (يخرب الطعم )
3- مافيش فرن ممكن تستخدموه بالضغاط عاد لو تفرشو قاع الضغاط بنيسه نظيفة ( نيس حق البناء ) وترطبوها بكوب ماء وتحطو اللحم ع شبك تطلع جميلة .
#Memo_chef#ميمو_شيف