ازاى نصنع خميرة طبيعية فى البيت .👇👇 تصنيع الخميرة المنزلية: رشة سكر . كوب دقيق مايه معدنيه او من الفلتر او ماء مغلى وتسيبيه بيرد خالص اولا نعرف أن الخميرة هى فطر نافع بتنشط عند درجة ٣٥ ..وتموت لو الحرارة زادت بعد ال ٤٠. علشان نبدا تصنيعها محتاجين : برطمان معقم جيدا ويتقفل كويس جدا وقلم عشان نعلم بية مستويات الارتفاع لو ماء مغلى نسيب المية تبرد ( تكون دافئة) فى البرطمان نحط الدقيق والسكر وشوية من الماء ونقلبهم كويس . العجينة بتكون زى عجينة الزلابية نقفل البرطمان كويس ونسيبه لتانى يوم بعد مايعدى عليها ٢٤ ساعه فى نفس الميعاد . نضيف شويه ماء وشوية دقيق ونقلب كمان وبرضه نخلى العجينة زى الاول . ونكرر العملية دى لمدة ٥ ايام ..اليوم الخامس هنلاحظ أن الخميرة بدأت تعمل فقاعات وحجمها تضاعف نستخدمها فى المخبوزات ( ٤ معالق لكل كيلو دقيق ). صلاحيتها تقريبا العمر كله كل ماتقرب تخلص نضيف حبة دقيق وحبة ماء ونقلبهم ونسيبهم ( وطبعا مش محتاجين نعمل الخطوات كلها ) بمجرد اننا نعمل كدة هاترجع تبقى خميرة تانى ملحوظه 👇👇 بلاش ماء من الحنفيه علشان مايه الحنفيه فيها كلور وهتبوظ معاك الخميره