قناة خطباء المنبر الحسيني للقصائد

#يوم_العاشر
#وزن_الحدي
#اخر وصايا الإمام الحسين ع لأخته السيدة زينب ع



جِيتك أنوح وحايره
ومرعوبه من شِفت الجرى

اشحال الضلوع من السَّحق
بعيني شِفتها متكسره

عمري فِدا لكْ يالحنين
وصوتَك حزين  اشغيّره !!!

أشْرّ على إفأده ويقول
ونّك يا زينب اشماكبره

آه     آه     


روحي لخيام العايله
لمّي عيالي الهاربه

عوفيني يا ضنوة علي
جرحْ البنات اشمصعبه

راحن بناتي بالفلات
كل وحده تركض نادبه

لن السياط اعلى المتن
تِطبع أثرها ولاهبه

آه    آه   

صَبري رقيه الخايفه
بخَربة أجيها وتنتظر

وسِكنه ورباب ام الولد
ربي يمدهن بالصبر

وروحي الشريعه الجاريه
وطفي عِبيهن تستعر

وقطره لذيذة من الشرب
إسقي بناتي التِحتضر


🖊خادمة أبي الفضل

#وفاة السيد أم البنين ع
#وزن - الحدي



حَسَت  منيتهه  احضَرت
      دموع اعله خدهه تگاطرت
بدفنتهه    ويلي    تحيرت
       لا  عمد   عدهه   ولاتچيه

منوتهه    لولاد     اتحضَر 
       أم   وگطع    بيهه   الدهر
بلچن    يگصرون   السفر 
       ويلَحِگون   اعله    الوفيه

يولاد     حيدر       يازلم 
     انتو   وي  عباس    الشهم
ساعاتي   بيكم   آنه  اهم
       وبكل صباح  وكل  مسيه

بيضتوا وجهي  ويه الولي 
        وهمومي   بيكم   تنجلي 
لفراگكم    دمعي    يهلي 
       واليوم   حضرتني  المنيه 

مفجوعه  خلّصت   العمر
      وخلافكم    ماظل    صبر
سهرانه    ليلي    وانتظر
      عبراتي   ودموعي  جريه

آه    اشكبرهه   امصيبتي
      أنحب   واجر    بحسرتي
منهو    اليشيل   جنازتي
      نمتوا  عسن  نومه  هنيه

لمن    يوسدوني    بلحد 
      چني      أعاين      للولد 
لا  واحد   المنكم     يرد
      والفاتحه    يقراهه   ليه


#سمير_الصالحي
#النجف_الأشرف

الليالي الفاطمية
#لسان حال أولاد الزهراء ليلة تشيعيها ع:
#وزن_الحدي



يابويه رييض بالنعش
خليهه يمي للصبح

بالظلمه لا تدفن ورد
ادريهه ترفه وتنجرح

امي تحب صوت الفجر
ضي بالمگابر مايصح

تحب نسمة الغبشه التهب
بالمگبره باچر تشح

ترفه امي ماتحمل ضنك
ضيجه الگبر بي تنذبح

حگ الله ام اثمنطعش
مثل الحمامه الهه جنح

مو بالنعش لفهه الچفن
طبع الزمن كلش وكح

حضن امي بي غافي التراب
وغافي وسط عيني جرح

..
أم محمد الحجاج

إِبنكْ شَهَم وَفَّى الْوَعَد
نِعمِ الْأُخو وْ نِعمِ السَّنَد
غَدرِ انْضرَب رَاسه بْعَمد
قُوميله يا أُمّ الْبِنِين

بْنفسه عُبَر بينِ السُّيوف
وْمَا هَمّه قِطعوله الْچُفوف
بْدَمّه ارتوَت أَرضِ الطّفوف
وِجْروحه فِدوه لِلْحسين

راحِ القُمر بَسْ بِالغدِر
وْكسرِ الْفَقد ما يِنجبر
بُو اليمَّه قَلبَه يِنفطر
دَلَّاله يشعل بِالحنين

وْزينبْ عَلَى خُوها تِنوح
جِثّة الْكفيل بْلايه روح
وْريحِ السَّبي عْليها تِفوح
وِاستقْبلَتها بِالوِنين

#وزن_الحدي
#لحظة_يخويه_دنتظر
#أم_البنين
#أبو_الفضل

كتابات حسينيّة

الليالي الفاطمية
#لسان حال أولاد الزهراء ليلة تشيعيها ع:
#وزن_الحدي



يابويه رييض بالنعش
خليهه يمي للصبح

بالظلمه لا تدفن ورد
ادريهه ترفه وتنجرح

امي تحب صوت الفجر
ضي بالمگابر مايصح

تحب نسمة الغبشه التهب
بالمگبره باچر تشح

ترفه امي ماتحمل ضنك
ضيجه الگبر بي تنذبح

حگ الله ام اثمنطعش
مثل الحمامه الهه جنح

مو بالنعش لفهه الچفن
طبع الزمن كلش وكح

حضن امي بي غافي التراب
وغافي وسط عيني جرح

..
أم محمد الحجاج