#يامهدي ➰✨ومضة من أحزان الامام الحجة المهدي (عج) مقطوعات شعرية بقلم خادمة آل محمد ص…
✨➰✍🏻.
وياك وياك… اخذنا نشاركك الهموم
عيناك عيناك… ما تجف دمعها دموم
محني الضلوع. تجري دموع
تعيش بغربتك مظلوم
يامهدي يامهدي. يامهدي يامهدي
➰➰➰➰➰دلينه مكانك وين
يالگلبك يعيش بهم
نجيلك والدمع بالعين
ويمّك ننصب المأتم
يا مهدي ندري بكل حين
لمصايب كثره تتألم
بخدك هالدمع محفور
والمدمع يسيل دموم
➰➰➰➰➰➰يا مهدي مصيبتك صعبه
ومثلها لا يمر عالبال
تنوح لزينب بغربه
وتبچي هالدمع همّال
ونوبه تنوح عالمذبوح
وتذكر راسه عالعسّال
تواسي عمتك زينب
بمدمعها على المظلوم
➰➰➰➰➰➰➰#نعم_ياصاحب_الزمان…
ما زالت الدموع جاريه والرزيه باقيه ليومٍ بأمر الله عزوجل بظهورك لكي تأخذ بثأر اهل بيتك ع فحينها تجف الدمعة وتبرد الجمرة آه آه واطول حزناه…
السلام على جفنك الذي يسيل بدل الدموع دما… وكيف لا وانت لا زلت تعيش مأساة كربلاء لهذه اللحظات ساعد الله
#قلبك_سيدي_ومولاي… ..
يروي الواعظ الحاج ملا سلطان علي التبريزي قائلاً :-
تشرفت في عالم الرؤيا برؤية حضرة بقية الله أرواحنا له الفداء
فقلت له : مولاي .... يذكر في زيارة الناحيه المقدسه أنكم تقولون في مخاطبة
جدكم الغريب الامام الحسين عليه السلام فلأندبنك صباحاً ومساءً ولأبكين عليك بدل الدموع دما~~
فهل هذا صحيح . ؟ ؟ !
فقال عليه السلام :
نعم هذا صحيح
فقلت : اي مصيبه هي التي تبكي عليها بدل الدموع دما . !
❓المصايب كثره يا مولاي
ياهي تألمك اكثر~~
مصيبة عمَك العباس
لو جاسّم لو الأكبر~~
تضل تنحب ليل نهار
لجدك عالثرى موذر~~
ياهي افجع لروحك
تألم گلبك المالوم~~
#أهي_مصيبة_علي_الأكبر . ؟ ؟
فقال عليه السلام : لوكان علي الاكبر حياً لبكى هو ايضاً على هذه المصيبه دما. اه اه
❓كنها مصيبة العباس
تنوح وتبكي عالكفين~~
الگمر عالمشرعه مرمي
وراسي منطبر نصين~~
عظيمة طربته عالراس
وسهم يطفيها اويلي العينً~~
وثاني عين عالمخيم
بلهيب النار تشبّه الگوم
نعم#قلت_أهي_مصيبة_العباس .؟؟!
قال عليه السلام: لا .... بل لو كان العباس حياً لبكى عليها ايضاً
قلت : هي مصيبة سيد الشهداء إذن .!
❓كنها مصيبة المذبوح
بالطف منگطع نحره
عظيمة مصيبته مطروح
ثلاث تيام عالغبره
دمه من النحر مسفوح
اويلاه وجثْته متْوذْره
وداست صدره خيّاله
وزينب تنظر المظلوم
قال عليه السلام : لا ... لو كان سيد الشهداء حياً لبكى دماً عليها ايضاً
قلت : إذن أي مصيبه هذه . ؟ ؟ !
❓المصايب لي تعددها
تشعل بالگلب الونين
لكن الاعظم واصعب
يهالوادم اخت الحسين
بين عداها مسبيه
ولعباس تدير العين
عين على النهر ظلت
وعين تعاين المظلوم
#قال#عليه#السلام_ان_هذه_المصيبه هي سبي كهف المخدرات
#زينب عليها السلام
❓انوح لعمتي زينب
وروحي تنوح بالحسرات
من اذكر بالطف تسلب
خدرها تجري هالعبرات
مصيبة تهدّم الحيلي
سبيه تروح للشامات
تطب المجلس الخمّار
وتتفرج عليها الگوم
الشاعرة الحسينية
خادمة آل محمد ص
✍🏻