قناة خطباء المنبر الحسيني للقصائد

#قصائد_في_خدمة_الخطباء
#محرم_١٤٤٦
#دفن_الأجساد_الطاهرة

صورة شعرية: لسان حال مولاي الامام السجاد عليه السلام لمولاتي زينب عليها السلام...

(طور قصيدة "اگعد ياغالي" للملا محمد بوجبارة)

شفته عْلى الترايب
وي كل الحبايب
شفته وگلبي ذايب .. منّ اللّي شفته

١/شفت ابو اليمه طريح ودمه لساه دمه جاري
من ثلث تيام مرمي بلا دفن يا عمه عاري
صرت أجمع جسمه بيدي وچنها ساعةْ إحتضاري!
جرح گلبه لسّه دامي شفته وازداد انكساري

ودمعي اكثر سكبته
من صدره لمسته!!
سمحيني يعمه .. منّ اللي گلته

٢/وَسَّدِت بويه ورضيعه عْلى الصَّدر وسَّدته تالي
وِدْفَنِت كل صَحْب ابويه وأهل بيته غالي غالي
بقى عندي شخص واحد رِحْت اله ومحتار بالي
وصلت يم الكفيل الغَيِّرَت أحواله حالي

عمّي العالي قَدره
لا يمنه ولا يسره!
صدره دمه سايل .. متگطعه جثته!!


#عظم_الله_أجوركم ◾️

فاطمة علي رزق
اسألكم الدعاء
#دفن_الاجساد

#قصائد_في_خدمة_الخطباء
#محرم_١٤٤٦
#دفن_الأجساد_الطاهرة

بين مولاتي زينب عليها السلام ومولاي الامام زين العابدين صلوات الله وسلامه عليه

[قصيدة عمودية]

أرى في متنِكَ الحاني مُصابا
وفي كفَّيْكَ يابن أخي ترابا

أتتهُ وقلبُها يشتمُّ ريحًا
لمحبوبٍ عن الأنظارِ غابا

أكنتَ هناك عند أخي حسينٍ؟
بدمع العينِ مذ سألت أجابا

بلى يا عمّتي هذا ترابٌ
لقبرِ أبي تلا والقلبُ ذابا

إلى أرض البلاء وصلتُ أسعى
وجددَ ما رأت عيني العذابا

رأيتُ على الثّرى الأجسادَ صرعى
ومحنيًّا أردتُ الإقترابا

وإذ بي عند جسمٍ لم يزل من
جراحٍ يقرأ الصبرَ احتسابا

على نحرٍ له وسدتُ خدي
سألت وما سمعتُ له جوابا

جمعتُ الجسمَ في قبرٍ جليلٍ
وعند القبرِ كلُّ النّوحِ طابا



#عظم_الله_أجوركم ◾️

فاطمة علي رزق
اسألكم الدعاء

#دفن_الاجساد

#تقرأ_باطوار_مختلفة
#دفن_الأجساد
#السجاد ع يروي دفنة الحسين ع لعمته السيدة زينب عليها السلام :



رِجع زين العباد ينوح    ومنّه يفح عبير اتراب
ركضت زينب تشمّه      على هدومه تُرب الاحباب

تعال يا علي السّجاد        واروي وفصّل الحاله
منهو العاونك قلي           ولبو فاضل منو الشاله ؟
قالله يبت حيدر             اخوكِ  اباريه اوصاله
انهدم حيلي وانا جَمّعه    وشفت جرحه البعد ما طاب

حِملته وعَدِّد اصوابه      واشوف اوصاله متطّشرة
بلا راسه بلا صُبعه         وبنينه اجسامه متوذره
شفت دخان من المنّحر   لإن ايام على الغبره
تمنيت اندفن وياه        واشكيله فعل الجناب

#يعني ما فعلوه بزينب الهاشمية .. ما فعلوه بسكينة ، برقية

بعد مصاب يشيّب الراس  أحكي واسمعي التّفصيل
نَزلته  بوسط لحده          وقِعَدْت أنعى ودموعي تسيل
لن نحره حِكي وياي       بُعُد طفلي عليّ اثقيل
وَسدّه يا علي و خليه     على صدري وهيل اتراب

#واذا بزينب عليها السلام سألته بنّي كيف وسدت أبيك الحسين ، كيف وجهته ناحية القبله
(وهوّ رأس ما عنده) ..آآآه يا حسين

فَصّلِي لا تخفي عليّ       حيرانه انشده بالي
شلون احسين خليته      وراسه بالرّمح عالي
صاح وترجف الكلمات     دفنته والدّمع هالي
بوسط نحره الأبو بِسته   ورويته بمدمعي السكاب



🖊خادمة ابي الفضل

#دفن_الاجساد

انْعَادَتِ اللِّيلَه فِجِيعَةْ مَقْتَلَه
مِنْ وِصَلْ زِينِ الْعِبَادِ لْكَرْبَلَه
عَالْأُبُو طَاحِ بْدَمِعْتَه يْقَبِّلَه
يْگِلَّه بِيكِ شْسَوَّتِ خْيُولِ الْعِدَه
-----------------------
بُويَه لِيشِ مْگَطَّعِ وْصَايِرْ وِذَرْ
مَا بُگَه بْصَدْرَكْ ضِلِعْ إِلَّا انْكِسَرْ
غَارِگِ بْدَمَّكْ يَبِنْ سَيْدِ الْبَشَرْ
بْكِتْرَكِ چْفُوفَكْ گِطِيعَه مْمَدَّدَه
-----------------------
مْسَلَّبِ وْعَارِي وِسَافَه عْلَه الثَّرَى
وْچَبْدَكِ الطَّايِحْ فِجَعْنِي مَنْظَرَه
حَرْمَلَه بْسَهْمِ الْمُثَلَّثْ طَشَّرَه
هَالْجَرِحْ يَا مُهْجِتِي شِيْضَمِّدَه
-----------------------
جِيتَ الِمَّكْ جِيتَ اوَارِيكِ بْگَبُرْ
انْطِينِي مِنْ صَبْرَكْ يَبُو الْيِمَّه صَبُرْ
گَلْبِي لِمْصِابَكْ يَضَيْ عِينِي جَمُرْ
عَالْوَلَدْ كَلْفَه يِوَسِّدْ وَالِدَه
-----------------------


#دفن_الأجساد
#محرم_١٤٤٦هج
حسن خنافر العاملي

#قصائد_في_خدمة_الخطباء
#دفن_الأجساد_المقدسة
#محرم_١٤٤٥
(وزن الطويل)

جاوب گلبي يالسجاد .. بيا حال الأبو دفنته؟!
ظامي بعده اخويه حسين .. لونّك ماي شرّبته!

١/شلون بگبره وسدته .. وماكو راس يتوسد
گلي الگطّعوا جسمه .. شلون بگبر يتمدد؟!
ما واحد عليه عانك؟ .. وِجروح الجسد ضمّد؟!
جاوَبها يعمه آه .. منِ العاينتهِ وشفته

٢/بدال الراس خليته .. النحر يا عمه عالتربان
وشلت الخنصر المگطوع .. وبقايا من گلب عطشان
الرضيع وياه نزّلته .. وهاجت بالگلب لاحزان
وبصبري ودمع عيني .. گبره الغالي ودّعته

٣/دفنته ورحت للكافل .. لقيته على النهر مطروح
بلا يمنه ولا يسره .. دامي وجسمه كله جروح
گتله عمي يا عباس .. بعدك حاشى ابطل نوح
وگتله الك من عمتي .. سلام ويمّه سلّمته



#عظم_الله_أجوركم ◾️

فاطمة علي رزق
اسألكم الدعاء

أطوار_مختلفة
#دفن_الأجساد
#وصول الإمام السجاد ع لدفن والده الحسين ع



إجيت الكربله من بعيد .. أوسّد والدي بلحدَه
أدِفنَه وجمرتي تِلهبْ .. واقيم النّايحه عنده
أجَمّع اوصاله الموذره .. بس الراس ما عنده
ابقطعة باريه ويلاه .. وادفنه الذّابِله كبده

#واويلاه أراد بنو أسد أنّ يساعدوه على دفن الحسين ، نادى إن معي من يعينني عليه 💔

ثلاث ايام بوسط صحرا .. ولقيت الحاضره أمّه
عبايتها كفن لحسين .. ووجها اتخضِّبه بدمّه
شِفت إيده بلا اصبع .. ودمومه مخِضّبه جسمه
تقوم وتوقع من الهم .. وتساعدني على لَمّه


🖊️خادمة أبي الفضل

أطوار_مختلفة
#دفن_الأجساد
#وصول الإمام السجاد ع لدفن والده الحسين ع



إجيت الكربله من بعيد .. أوسّد والدي بلحدَه
أدِفنَه وجمرتي تِلهبْ .. واقيم النّايحه عنده
أجمّع اوصاله الموذره .. بس الراس ما عنده
ابقطعة باريه ويلاه .. وادفنه الذّابِله كبده

#واويلاه أراد بنو أسد ان يساعدوه على دفن الحسين ، نادى إن معي من يعينني عليه 💔

ثلاث ايام بوسط صحرا .. ولقيت الحاضره أمّه
عبايتها كفن لحسين .. ووجها اتخضِّبه بدمّه
شِفت إيده بلا اصبع .. ودمومه مخِضّبه جسمه
تقوم وتوقع من الهم .. وتساعدني على لَمّه


🖊️خادمة أبي الفضل

#محرم
#دفن الاجساد


🏴نعي بالحان مختلفه.
#دفن الأجساد الطاهرة.


بضلع حسين يا عمه
اشوفك تحتضر تعبان..~
گاللها بدمع يطفح
شلت احسين عن التربان..~
اجيتك من دفن بويه
ودلالي إنفجع نحلان ..~
انكسر گلبي على احواله
من شفته بلا اكفان..~
حضنته وراس ما عنده
ونزلته بأسى حيران..~
أصبعه وين ما ادري
صرت دور على التربان..~
ومن كبده ثلث مفقود
انعمت عيني اشكثر ولهان..~
وبعد أكثر على صدره
أثر حافر إنرسم زعلان ••

🖊خادمة أبالفضل

🏴محرم
#دفن الأجساد


اتمهل يا علي السجاد وسع للگبر باعه
بهيده من توسد ابوك صدره مرضرضه اضلاعه
------- ------- ------- -------

وصل أرض الطفوف وشاف
لمّه على جسد مطروح..~
تسطع من جروحه انوار
مرمي عالثرى مذبوح..~
وين النايحه تنعى
أبو اليمه شعجب مطروح..~
هاذا مدلل العتره
صدره مرضرضه اضلاعه..~
------- ------ ------ -------
إجى زين العباد وگال
شلون اليوم أوسدنّه..~
يصيح بصوت باسم الله
ابويه الساع أدفنّنه..~
على ملتك أيا جداه
بحسيره اوصاله جِمعنّه..~
وينه ام الشهيد حسين
صدره مرضرضه اضلاعه..~
-------- ------- ------- --------
#مأجورة مأجورة يا ام الحسين
وصلت فاطمه حضرت جنازة الحسين بضلع مكسور وعين محمره وجسد نحيل تنادي وولداه واحسيناه

آه يا زهره آه يا زهره آه يا زهره آه

قعدت تحسب اصوابه ومنها مورمه الجفون
ظامي تندفن يمه دمع عيني الك عيون
مصابك عالقلب فجعه والأفجع ضرب المتون
يعين الله قلب زينب من تنظر أخو مدفون...
〰➖〰➖〰➖〰➖〰
خادمة أبالفضل

مجموعة الاخوات
t.center/manbarhoysayne1