قناة خطباء المنبر الحسيني للقصائد

#قصائد_في_خدمة_الخطباء
#محرم_١٤٤٦
#دفن_الأجساد_الطاهرة

صورة شعرية: لسان حال مولاي الامام السجاد عليه السلام لمولاتي زينب عليها السلام...

(طور قصيدة "اگعد ياغالي" للملا محمد بوجبارة)

شفته عْلى الترايب
وي كل الحبايب
شفته وگلبي ذايب .. منّ اللّي شفته

١/شفت ابو اليمه طريح ودمه لساه دمه جاري
من ثلث تيام مرمي بلا دفن يا عمه عاري
صرت أجمع جسمه بيدي وچنها ساعةْ إحتضاري!
جرح گلبه لسّه دامي شفته وازداد انكساري

ودمعي اكثر سكبته
من صدره لمسته!!
سمحيني يعمه .. منّ اللي گلته

٢/وَسَّدِت بويه ورضيعه عْلى الصَّدر وسَّدته تالي
وِدْفَنِت كل صَحْب ابويه وأهل بيته غالي غالي
بقى عندي شخص واحد رِحْت اله ومحتار بالي
وصلت يم الكفيل الغَيِّرَت أحواله حالي

عمّي العالي قَدره
لا يمنه ولا يسره!
صدره دمه سايل .. متگطعه جثته!!


#عظم_الله_أجوركم ◾️

فاطمة علي رزق
اسألكم الدعاء
#دفن_الاجساد

#قصائد_في_خدمة_الخطباء
#محرم_١٤٤٦
#دفن_الأجساد_الطاهرة

بين مولاتي زينب عليها السلام ومولاي الامام زين العابدين صلوات الله وسلامه عليه

[قصيدة عمودية]

أرى في متنِكَ الحاني مُصابا
وفي كفَّيْكَ يابن أخي ترابا

أتتهُ وقلبُها يشتمُّ ريحًا
لمحبوبٍ عن الأنظارِ غابا

أكنتَ هناك عند أخي حسينٍ؟
بدمع العينِ مذ سألت أجابا

بلى يا عمّتي هذا ترابٌ
لقبرِ أبي تلا والقلبُ ذابا

إلى أرض البلاء وصلتُ أسعى
وجددَ ما رأت عيني العذابا

رأيتُ على الثّرى الأجسادَ صرعى
ومحنيًّا أردتُ الإقترابا

وإذ بي عند جسمٍ لم يزل من
جراحٍ يقرأ الصبرَ احتسابا

على نحرٍ له وسدتُ خدي
سألت وما سمعتُ له جوابا

جمعتُ الجسمَ في قبرٍ جليلٍ
وعند القبرِ كلُّ النّوحِ طابا



#عظم_الله_أجوركم ◾️

فاطمة علي رزق
اسألكم الدعاء

#دفن_الاجساد

*قصيدة الدفن الفجيع*


مِـن اگبـل عـلـي الـسـجـاد حـتـى يـواري المذبوح
طاح امن الفرس مكسور قلبه مختنگ ب الــنــوح


گعد يمّ الابو وناداه.. خبرني شجره ياياب
ماتنحصي طبراتك.. مختلطة بدمه وتراب
ومنّ مصايب الوالد راس الولد يَمّه شاب
گام ايظلله امن الحر
قَبَّل عَظْمَةِ المنحر
كلما رفع جسمه خر
وگام يجمّع الوالد ومن عينه الدمع مسفوح


صار يْدُور يم جسمه.. يرِش عظم الولي بالماي
مِتْيَبِّسة جراحاته.. واسمع للمصيبة هاي
ذايب جلده من الحر.. بگى مرمي بدون فياي
ثلاث ايام متوذر
صدره كله متكسر
عليه وليده متحسر
يگلّب بيه يمين يسار بلكت ترد بيه الروح 😭


او لمن علت وناته.. نهضت كل أسد وياه
جعل يمشي ويخط بالگاع.. وهْي تحفر بممشاه
ولمن نظر صوب حسين..صار يلوج ويصرخ آه
جيبوا بارية نلمّه
واصل للنهر جسمه
لمّوا لحمه وعظمه
وصاروا يسحبوا النشّاب من جسم الولي المجروح


سِنَد هالبارية بصدره وصار ينزّل المظلوم
وكل ماطاح شي منه شاله والگلب مضروم
واذا بالصوت من نحره وسّد طفلي المفطوم
مصابه تره خانِگني
رغم مذبوح عانَگْني
راسه راح وي ظعني
من شال الركب ذبحوه وخلو بالثره مطروح

ميرزا علي المرهون

#دفن_الاجساد

نعي ليوم الدفنة

عندما رجع الامام السجاد سلام الله عليه الى الشام
من دفن الال الاطهار
واستقبلته مولاتنا العقيلة

تگله
چنت وين
گلي ياعلي عمه چنت وين
گلبي علمني رحت لحسين
سولفلي يعمه بدمعة العين
بعده يون لو بطل اونين

گطعت الرجه أدريه امگطع
وسهم الوگع بالگلب يوجع
تمنيت روحي اوياه تطلع
وعمري اعله عمره لون ينفع

جواب الامام السجاد (ع)
لعمته
يگللهه

الكربلا الوالي اعتنيته
عمه على الغبره لگيته
يعمه بحصيره جَّمَّعَيته
يحضر علي يعاوني ريته

عمه الشمس غيرت لونه
لا تنشدين اعليه شلونه
تمنيت راسه على امتونه
وردت الزچيه اوياي عونه

ثلث تيام ظل حسين مطروح
بحر الشمس ياعمه  مذبوح
غصبن مشينه وعنه انروح
وعفناه نظرنه اعليه مشبوح

يگللهه
دفنت الحسين ورحت ادور
علنهر رايه وگطع منحر
لگيته وذر عمي امطبر
لو شفتي عمه شلون منظر

مطروحه رايه ويمه الچفوف
لا راس عنده وفاگد الشوف
لسه بجسمه طبع السيوف
دفنته وعليه دم دمعي مذروف

ودفن الشباب شلون فجعه
لميتهم جاسم وربعه
طفيتهه يمهم الشمعه
سكنوا گبر ما بعد رجعه

اتگله عمه
بالمگبره صاروا سويه
وارسومهم عنت عليه
هيهات منهم بعد جيه
جسام والاكبر واخيه

لخادمة الرسول واهل بيته
ام احمد الساعدي

#دفن_الاجساد

#تقرأ_باطوار_مختلفة
#دفن_الأجساد
#السجاد ع يروي دفنة الحسين ع لعمته السيدة زينب عليها السلام :



رِجع زين العباد ينوح    ومنّه يفح عبير اتراب
ركضت زينب تشمّه      على هدومه تُرب الاحباب

تعال يا علي السّجاد        واروي وفصّل الحاله
منهو العاونك قلي           ولبو فاضل منو الشاله ؟
قالله يبت حيدر             اخوكِ  اباريه اوصاله
انهدم حيلي وانا جَمّعه    وشفت جرحه البعد ما طاب

حِملته وعَدِّد اصوابه      واشوف اوصاله متطّشرة
بلا راسه بلا صُبعه         وبنينه اجسامه متوذره
شفت دخان من المنّحر   لإن ايام على الغبره
تمنيت اندفن وياه        واشكيله فعل الجناب

#يعني ما فعلوه بزينب الهاشمية .. ما فعلوه بسكينة ، برقية

بعد مصاب يشيّب الراس  أحكي واسمعي التّفصيل
نَزلته  بوسط لحده          وقِعَدْت أنعى ودموعي تسيل
لن نحره حِكي وياي       بُعُد طفلي عليّ اثقيل
وَسدّه يا علي و خليه     على صدري وهيل اتراب

#واذا بزينب عليها السلام سألته بنّي كيف وسدت أبيك الحسين ، كيف وجهته ناحية القبله
(وهوّ رأس ما عنده) ..آآآه يا حسين

فَصّلِي لا تخفي عليّ       حيرانه انشده بالي
شلون احسين خليته      وراسه بالرّمح عالي
صاح وترجف الكلمات     دفنته والدّمع هالي
بوسط نحره الأبو بِسته   ورويته بمدمعي السكاب



🖊خادمة ابي الفضل

#دفن_الاجساد

انْعَادَتِ اللِّيلَه فِجِيعَةْ مَقْتَلَه
مِنْ وِصَلْ زِينِ الْعِبَادِ لْكَرْبَلَه
عَالْأُبُو طَاحِ بْدَمِعْتَه يْقَبِّلَه
يْگِلَّه بِيكِ شْسَوَّتِ خْيُولِ الْعِدَه
-----------------------
بُويَه لِيشِ مْگَطَّعِ وْصَايِرْ وِذَرْ
مَا بُگَه بْصَدْرَكْ ضِلِعْ إِلَّا انْكِسَرْ
غَارِگِ بْدَمَّكْ يَبِنْ سَيْدِ الْبَشَرْ
بْكِتْرَكِ چْفُوفَكْ گِطِيعَه مْمَدَّدَه
-----------------------
مْسَلَّبِ وْعَارِي وِسَافَه عْلَه الثَّرَى
وْچَبْدَكِ الطَّايِحْ فِجَعْنِي مَنْظَرَه
حَرْمَلَه بْسَهْمِ الْمُثَلَّثْ طَشَّرَه
هَالْجَرِحْ يَا مُهْجِتِي شِيْضَمِّدَه
-----------------------
جِيتَ الِمَّكْ جِيتَ اوَارِيكِ بْگَبُرْ
انْطِينِي مِنْ صَبْرَكْ يَبُو الْيِمَّه صَبُرْ
گَلْبِي لِمْصِابَكْ يَضَيْ عِينِي جَمُرْ
عَالْوَلَدْ كَلْفَه يِوَسِّدْ وَالِدَه
-----------------------


#دفن_الأجساد
#محرم_١٤٤٦هج
حسن خنافر العاملي

#دفن_الاجساد

#جديد
#نواعي
وكأني بالإمام المهدي عجل الله تعالى فرجه الشريف مخاطباً عمته زينب عليها السلام ..

طور : سامحيني

عمه زينب .. عمه زينب
ينكسر گلبي امن اشوفج بس تونين
عمه زينب .. عمه زينب
أدري ما يبرى ابديلچ جرح الإحسين

عمه زينب .. عمه زينب
يا شريكة حزني وآلامي والإدموع
عمه زينب .. عمه زينب
گلبي مو بس المُصابه والله مفجوع

گلبي مجروح .. گلبي مجروح
وتنزف آلامي على جرحچ يَعمه
گلبي مجروح .. گلبي مجروح
شفتي چم آلام چم ضيم اويه هضمه !


وكأني بها تخاطبه :

انكسر ظهري .. انكسر ظهري
من شفت جدك يعمه غاب عني
انكسر ظهري .. انكسر ظهري
فرگته كلشي خذت يا عمه مني

وغاب بدري .. غاب بدري
عمك العباس من ظل عالشريعه
غاب بدري .. غاب بدري
آيا مهدي وضاعت اخلافه الوديعه


طور : الفراق [ مالي غيرك ]


آيا مهدي .. عمتك زينب سبوها
آيا مهدي .. عالهزيــــله ركّبوها
آيا مهدي .. ابحبل وابسوط اضربوها

آيا مهدي .. هالهزيله يســروني
آيا مهدي .. عمه چم مره اضربوني
آيا مهدي .. لو بچت عيني اشتموني

آيا مهدي .. بت علي آنه وسبوني
آيا مهدي .. بالخرايب گعـــدوني
آيا مهدي .. ابراس الإحسين افجعوني
___
#فاطمة_كريم
٢٠٢٤ م

#دفن_الاجساد

((وصول الإمام السجاد عليه السلام الى كربلاء))

يا كربله جيتك ابحالي
وخليت في سجني اعيالي
اشسويتي في جثة الوالي
وهي جثته صارت اقبالي

جيتك ابحفر لهلي ارموس
وخلّفت عماتي بلحبوس
يا كربله في وين لشموس
هاليوم بدفنهم بلا روس

(جسد الحسين (ع) أمامه)

رديت بويه وقلبي اهموم
وهيّ جثتك بويه يمظلوم
وألمس ابكفي جسد محطوم
ونحرك بعد هو ينضح ادموم

(يوصي (ع)بحفر القبور)

اتحرك يويلي بالكسيرة
ويحكي ابعبراته الغزيرة
في هالمحل حفروا حفيرة
بنواري أجساد العشيرة

(سؤال من بني أسد)

هالشاب مثل البدر كنه
اثمنتعش ما زاد سنه
عن هالعشيره امباعدنه
وينه يبو محمد تدفنه

(أجابهم عليه السلام)

دسمعوا مني يا محبين
مشطور قلبي الذبحه شطرين
اتسألوا ابحسره ندفنه وين
بدفن الأكبر جانب حسين

خطط الخطة بالترايب
وقاموا يحفروا ابقلب ذايب
ونادوا ادفنوا أنصاره الحبايب
الا حبيب ابقبر جانب


(ولما أرد دفن والده(ع))

اتحرك ابحسره وزاد لونين
وكل خطوة يخطو ابدمعة العين
سألوه يبو محمد الى وين
قلهم ابدفن جثة حسين

احنى على الوالي ابعبره
بيشيل جسمه اشلون صبره
وبسما رفع بيدينه ظهره
انفتحت يويلي اضلاع صدره

متحيّر ودمعه يسيله
ولنه قطع قوله ابعويله
بالبارية جسمه بشيله
جيبوها لجل امه البتوله

مقدر اشيل الولي ابهالحال
اموزع ابويه اشلون ينشال
ما قصروا في جسمه لنذال
وبالبارية بجمع هالوصال

جمّع ابوه ابفيض لدموع
جملة اصاله ويه لضلوع
ولنه ينادي آه مفجوع
ضايع اليه خنصره المقطوع
وقطعة لقلبه ابسهم مشلوع
والله لغسّلهم بالدموع


حصّل الخنصر وسطة القاع
وقطعة افاده حلو لطباع
وركّبه ابكفه وقلبه ارتاع
وخلى القلب ما بين لضلاع

(يسألونه وهم في حيرتهم)

انسألك يمن لمصاب فته
وطول العمر تجرى دمعته
جسم الولي كله جمعته
وراسه معاه منشوف جبته
جاوب ومتصدعه مهجته
ميقدر ابويه ايفارق اخته

من جيت ما وقّف ونينك
وخدك امغمر دمع عينك
بالبارية بتشيله وينك
خلنا يبو محمد نعينك

(معي من يعينني)

لا تحسبوا برفعه وحدي
عندي من يساعدني عندي
يخفف عليه ألم وجدي
وصلت الزهرى ويه جدي

جدي النبي ايشيّع حبيبه
وحيدر معاه ابهالمصيبة
وتعوّل عليه امه النجيبة
والحسن لجله شقّ جيبه

اسمع من الزهرى الولوال
من شاهدت جسمه ابهالحال
بالبارية متوزع أوصال
وكل قطعة مختلطة بلرمال
وبدى اليه المصطفى شال
لكن حسافة ابغير شيّال

واحنى عليه سيد الكونين
وشاله معاه خير الوصيين
والحسن ساعدهم بلونين
واللي اشدها يا مسلمين
صرخات مكسورة الضلعين
على حسين واويلي على حسين


(آخر وداع قبل دفن الحسين(ع))

من نزّلوا المظلوم قبره
أحنى عليه شبله ابحسره
واعلى النحر يسكب العبره
ايودع وظل منحني ظهره
بيقبّله ولن زفر زفره
ويلاه ولن قبّله ابنحره

من عاينوه تجري ادموعه
صاحوا انحلتنا ابهالفجيعة
دفنه ابعجل يبن الشفيعة
راسه ارفعه ونادى ابروعه
صبروا الى امه الوديعة
تحمل لي اجنازة رضيعه

شاف الرضيع وغاب صبره
واحتار من نزّله ابقبره
ولن الأبو اينادي من نحره
وأشّر يويلي صوب صدره

يبني علي السجاد تدري
بعد الأحبة انكسر ظهري
وبفراق لكبر راح صبري
وظل الدمع من قلبي يجري
ووحدي لا تتركني ابقبري
ووسد رضيعي فوق صدري

يا مهجتي خبّر الشيعة
كل من اليّ يرخص ادموعه
بويه عقب كسرة اضلوعه
نايم على صدره رضيعة



ومن عاين الأكبر عضيده
لن الدمع خدّد اخدوده
وخلى الحفرة مو بعيده
وصوب الأبو نزّله بيده

وارى ابوه وصاح وجعان
ونزلت على قلبه الأحزان
بويه يبن خيرة النسوان
لا غسل لا لفوك بأكفان
وأعظم عليّ يا عالي الشان
بالبارية تندفن عطشان


وسفه على المظلوم وسفه
بالبارية جسمه اللفه
واي طاغي هاللي بيه تشّفى
ومن زند ابويه قطع كفه

بويه اسالوني هالمسلمين
وقلي شقلهم يا ضيا العين
ابهالحال صدق ابتدفن حسين
اتنزله ابقبره وراسه في وين

(سؤال اهاج حزن السجاد (ع))

ياللي دفن أهله الأماجد
وشيّع ابوه اعلى السواعد
وما شفنا مثلك ابد فاقد
ليكم بقى بالشاطي واحد

ليكم جسد بالنهر مرمي
شفناه وظل الدمع يهمي
وبعده الجسد والنحر يدمي
شيصير ليكم قال عمي

هاللي تذكرونه يهالناس
بالعلقمي ذبحوه لرجاس
جثة بلا اكفوف وبلا راس
هذا ترى عمي العباس


(ولما وصل لدفن عمه(ع))

عمي يبو النفس العطوفة
وعند النهر قطعوا اكفوفه
ياليت حال اختك تشوفه
في السجن خلوها الكوفه

والله عجب كلكم تنامون
متدروا السبايا حالها اشلون
كلهم بساميكم يندبون
وامدللتكم وسط لسجون


عبد المحسن الكنگوني

#دفن_الاجساد

#جديد
#نواعي_دفن_الأجساد_الطاهرة
.
.
مجاريد :

جيت لدفنتك  والگلب ذايب
امگطــع لگيتــك عالترايب
ما مثل يومك بالمصايب

بيدي أجمّــع بويه جسمك
امطشر يبو السجـاد لحمــك
وغسلك صُبح من فيض دمك

يحسين بويه اشلون أدفنك
وما ظل عضو سالم والله منك
والله ما مثل يومك وحزنك

حاير أنزلك يالأبو اشلون
وانته بالكلب يا بويه مطعون
وجسمك ويلي امفتت ومطحون

الميت عالترب راسه يخلوه
وإنته اعله الرمح راسك يشيلوه
وثلث تيام عالغبــره يعوفوه
____
#فاطمة_كريم
٢٠٢٤ م

واويلا ..واويلا

...


ماتنوصف جروحه
البيده يدفن روحه
يبچّي السماء بنوحه
الله يعين السجاد
.....
ومصيبته شديده
اليدفن الغالي بيده
وعينه تصد وريده
وعليه نوحه يزداد
......
بالطف يصد ضحايا
اخذتهم المنايا
كل ساعه يندب هايه
جثه تمرد الفّاد
.....
من شاف ابو بلاراس
جمراته تجوي الاحساس
وناده يعم يعباس
وسفه ضعنّه ينگاد
.......
ميريد هذا عمره
صد للذبيح ونحره
ومطحون ويلي صدره
وبكربله حيله باد
.....
الشاعر محمد حسن ضيغم

#دفن_الاجساد

#دفن_الاجساد

◼️◾️القصيدة◾️◼️

ضُلُوعُ أبيِّ ِالضّيمِ يُؤلِمُ حالُها
حوافرُ تلكَ العادياتِ تنالُها
وظلَّ ثلاثاً بالعرآءِ وصحبُُه ُ
ضَحايا ترَوَّت مِن دِماها رِمالُها
حُسينٌ عَفيرٌ تُحرِقُ الشمسُ جِسمَهُ
وأظلَمَت ِ الدُنيا وغابَ هلالُها
ولم يَحظََّ في غُسلٍ وماوُرِيَّ الثَرىٰ
عليهِ هَوَت بعدَ السماءِ جبالُها
إلىٰ أن أتىٰ زَينُ العبادِ لدفنِهِ
وقد شاكَتِ الجِسمَ الشريفَ نصالُها
فَجَمَّعَ أشلاءَ الذبيحِ وخُنصُراً-
بِوَسْطِ حَصيرٍ -كانَ فيهِ اكتمالُها
وأنزلَهُ ملحُودةَ القبرِ وانحَنىٰ
لِتقبيلِهِ والعَينُ زادَّ انهِمالُها
فلم يرَ ثغراً طالَما كانَّ باسماً
وفيهِ شِفاهٌ لا يُقاسُ جمالُها
فَكم مرة ٍ قامَ النبيُ بِلَثمِها
ومٍخصَرةُ الباغِي هُناكَ تَطالُها
فضَّجَ يُنادي بعدَكَ الحزنَ سرمَداً
وياليتَ مني الروحَ حانَ ارتحالُها

#سمير_الصالحي
#النجف_الأشرف


———————————-
🌑 بحر طويل
عن لسان شريكة الحسين ع زينب ع ..

🏴لنوح اعله الغريب سنين
عمري وگلبي شيصبره
🏴حسين بكربله مذبوح
ظامي ومنگطع نحره


🏴 تمسي اعله الترب عاري
وغسلك صار من دمك
لا والد يجيك الْيَوم
ولا جد الوصل يمك
تمنيت الزچيه وياي
تحضنك وآنه أشتمك
لچن يحسين ماخوذه
غصب مسبيه متيسره

🏴عاده الميت يجهزوه
أويحضروله غسل واچفان
أويشيعونه اويزتــونه
الگبره ويحضر الدفان
بس انته يخويه ابگيت
طريح بحومة الميدان
تسحگ خيلهم ظهرك
والأضلاع متكسره

🏴ثلث تيام يابن امي
نايم ياشبل حيدر
تحوطك چثث أنصارك
والعباس والأكبر
أبحر الشمس ياويلي
سليبه اثيابك موذر
روحي شاغت وناديت
وينچ يمه يازهره

🏴ياوسفه أروح شلون
وكل همي أظل انعاك
أنوح وألطم الخدين
لحد ما أندفن وياك
صدگني يبو السجاد
ماأگدر عله فرگاك
بناتك وي غرب تمشي
وبيهن أبقه متحيره

🏴أمشي اعله الهزل للشام
وراسك يالولي گبالي
يصد ليه وأعاين ليه
واهو اعله الرمح يبرالي
تسيل دموع منه ادموم
أظن متفجع لحالي
بعد الخدر مچتوفه
ونار بگلبي متوجره

#سمير_الصالحي
#النجف_الاشرف


🏴عن لسان الإمام زين العابدين ع
🏴
من عگبك مصايب عَلي يـارات
ابقهر واعداك حيل وياي يـارات
يبويه بلحدك اني اندفن يـارات
ولا اشوفك وذر فوگ الوطيه

🏴
يبو السجاد انه السجاد بيداي
أموت وياك يا مظلوم بيداي
أوسدك باللحد يحسين بيداي
و گلبي عليك نيرانه سريه

#سمير_الصالحي
#البصرة_الفيحاء

#دفن_الاجساد

*الامام زين العابدين ع يعزي عمته زينب ع* لحن. الجفيري♪
الوالي دفنته بالگبر
لكنه مگطوع النحر
ومهشّمه عظام الصدر
المأتم يا زينب انصبي
〰〰〰〰〰〰
شفت الطعن فوق الطعن
وجسمه ولينه بلا دفن
مسلّب لثوبه والكفن
لمصابه نوحي وانحبي
〰〰〰〰〰〰
جنازة طريحه عالصعيد
وعالغبره وسّدت الوريد
واويلي عا مصاب الشهيد
راحن بناته بالسبي


خادمة آل محمد✍🏻

#دفن_الاجساد

*لسان حال زينب (ع) توصي علي السجاد بدفن وغسل اخيها الحسين (ع)*
اخذ دمعتي وبيها اغسل المذبوح
شيله عن التربان لا تخليه مطروح
لم اوصاله من البيده وضمد جروح
واحفرله گبره بعجل بالله يا دفّان

❃❃❃❃❃❃❃❃

أدري الغريب بلا دفن متغيره علومه
مذبوح نحره وغسله من دمومه
مرضوض صدره ومسلّبه هدومه
لا ظل عضو سالم ويلي عالتربان

خادمة آل محمد✍🏻

#دفن_الاجساد

الثالث عشر من محرم *دفن الاجساد*
لحن اسمع عتابي~
يا عمه شلته وبيدي دفنته
لكن بلا راس حزّوا رگبته
〰️〰️〰️〰️〰️
دفنته بگبره ~ رْضِيعه عا صدره
وغسله من دمه النبله بنحره
〰️〰️〰️〰️〰️
ما حصّل اكفان~ وبْلا يا دفّان
بالشمس مطروح ~ ثْلاثه عالتربان
〰️〰️〰️〰️〰️
فوگ البراري ~ واويلي عاري
شيعته بيدي ~ وأظلم. نهاري
〰️〰️〰️〰️〰️
ويم الشريعه ~گمر الطليعه
موزّعه اوصالع چفوفه گطيعه
〰️〰️〰️〰️〰️
أنصار الِْحسين ~ واحد وسبعين
بيدي دفنتهم~ كلهم مطاعين

خادمة آل محمد ✍🏻

#قصائد_في_خدمة_الخطباء
#دفن_الأجساد_المقدسة
#محرم_١٤٤٥
(وزن الطويل)

جاوب گلبي يالسجاد .. بيا حال الأبو دفنته؟!
ظامي بعده اخويه حسين .. لونّك ماي شرّبته!

١/شلون بگبره وسدته .. وماكو راس يتوسد
گلي الگطّعوا جسمه .. شلون بگبر يتمدد؟!
ما واحد عليه عانك؟ .. وِجروح الجسد ضمّد؟!
جاوَبها يعمه آه .. منِ العاينتهِ وشفته

٢/بدال الراس خليته .. النحر يا عمه عالتربان
وشلت الخنصر المگطوع .. وبقايا من گلب عطشان
الرضيع وياه نزّلته .. وهاجت بالگلب لاحزان
وبصبري ودمع عيني .. گبره الغالي ودّعته

٣/دفنته ورحت للكافل .. لقيته على النهر مطروح
بلا يمنه ولا يسره .. دامي وجسمه كله جروح
گتله عمي يا عباس .. بعدك حاشى ابطل نوح
وگتله الك من عمتي .. سلام ويمّه سلّمته



#عظم_الله_أجوركم ◾️

فاطمة علي رزق
اسألكم الدعاء

#دفن_الاجساد

◼️◾️القصيدة◾️◼️

ضُلُوعُ أبيِّ ِالضّيمِ يُؤلِمُ حالُها
حوافرُ تلكَ العادياتِ تنالُها
وظلَّ ثلاثاً بالعرآءِ وصحبُُه ُ
ضَحايا ترَوَّت مِن دِماها رِمالُها
حُسينٌ عَفيرٌ تُحرِقُ الشمسُ جِسمَهُ
وأظلَمَت الدُنيا وغابَ هلالُها
ولم يَحظََّ في غُسلٍ وماوُرِيَّ الثَرى
عليهِ هَوَت بعدَ السماءِ جبالُها
إلىٰ أن أتىٰ زَينُ العبادِ لدفنِهِ
وقد شاكَتِ الجِسمَ الشريفَ نصالُها
فَجَمَّعَ أشلاءَ الذبيحِ وخُنصُراً-
بِوَسْطِ حَصيرٍ -كانَ فيهِ اكتمالُها
وأنزلَهُ ملحُودةَ القبرِ وانحَنىٰ
لِتقبيلِهِ والعَينُ زادَّ انهِمالُها
فلم يرَ ثغراً طالَما كانَّ باسماً
وفيهِ شِفاهٌ لا يُقاسُ جمالُها
فَكم مرة ٍ قامَ النبيُ بِلَثمِها
ومٍخصَرةُ الباغِي هُناكَ تَطالُها
فضَّجَ يُنادي بعدَكَ الحزنَ سرمَداً
وياليتَ مني الروحَ حانَ ارتحالُها

#سمير_الصالحي
#النجف_الأشرف

———————————-
🌑 بحر طويل
عن لسان شريكة الحسين ع زينب ع ..

🏴لنوح اعله الغريب سنين
عمري وگلبي شيصبره
🏴حسين بكربله مذبوح
ظامي ومنگطع نحره


🏴 تمسي اعله الترب عاري
وغسلك صار من دمك
لا والد يجيك الْيَوم
ولا جد الوصل يمك
تمنيت الزچيه وياي
تحضنك وآنه أشتمك
لچن يحسين ماخوذه
غصب مسبيه متيسره

🏴عاده الميت يجهزوه
أويحضروله غسل واچفان
أويشيعونه اويزتــونه
الگبره ويحضر الدفان
بس انته يخويه ابگيت
طريح بحومة الميدان
تسحگ خيلهم ظهرك
والأضلاع متكسره

🏴ثلث تيام يابن امي
نايم ياشبل حيدر
تحوطك چثث أنصارك
والعباس والأكبر
أبحر الشمس ياويلي
سليبه اثيابك موذر
روحي شاغت وناديت
وينچ يمه يازهره

🏴ياوسفه أروح شلون
وكل همي أظل انعاك
أنوح وألطم الخدين
لحد ما أندفن وياك
صدگني يبو السجاد
ماأگدر عله فرگاك
بناتك وي غرب تمشي
وبيهن أبقه متحيره

🏴أمشي اعله الهزل للشام
وراسك يالولي گبالي
يصد ليه وأعاين ليه
واهو اعله الرمح يبرالي
تسيل دموع منه ادموم
أظن متفجع لحالي
بعد الخدر مچتوفه
ونار بگلبي متوجره

#سمير_الصالحي
#النجف_الاشرف

#دفن_الاجساد


قصائد مقدمة المجلس
#رقم_121

#ما_بعد_الواقعة
#الليلة_الثالثة_عشرة من المحرم الحرام
للشاعر ديوان الشيخ عبد العظيم الربيعي (ت ١٣٩٩ هـ)

1_ وقالوا لَم يُغَسَّل سِبطُ طَه
ألم يَكُ غُسْلَُه فَيضُ الوَريدِ

2_ وقالوا لَم يُقلَّب والعَوادي
تُقَلِّبُهُ على وجهِ الصَّعيدِ

3_ وقالوا لَم يُكَفَّن والسَّوافي
عليهِ نَسَجنَ ضافِيةَ البُرودِ

4_ وقالوا لَم يُشَيَّع فوقَ نَعشٍ
كَتَشْييعِ الجنائزِ للُّحودِ

5_ فَقُلتُ إذَن لِمَن في الرُّمحِ رأسٌ
يُطافُ بهِ البِلادُ إلى يَزيدِ

6_ وتِلكَ بَناتُ نَعشٍ أمْ نِساهُ
سَرَينَ توابِعاً قَمَرَ السُّعودِ

7_ أُميّةُ لا نَحاكِ اللهُ كيفَ
اعتذارُكِ عندَ أحمدَ في الوُرودِ

8_ قَتَلتِ رِجالَهُ وسَبَيتِ قَسراً
نِساهُ فهلْ هُنالِكَ مِن مَزيدِ

* * *

الشعر الدارج لشعراء آخرين :

ايذوب گلبي من اذكر المظلوم واذكر عيلته
وعيشي يتنغّص يشيعه لو ذكرت امصيبته

ما جرى بالدهر كله وما سمعنه يا شهيد
مثل يومك يبو اليمه وفعلة الفاجر يزيد
اتدوس عدوانه بحقدها على صدره بالحديد
وبالعطش يگضي او نحره السيف يفري رگبته

ما كو مثل مصيبتك والله يا حسين بهالدهر
بدل تغسيلك وتكفينك يبن سيد البشر
يرتفع راسك على الذابل وصدرك ينكسر
وبدل تشييعك بناتك من خدرها امشتته

ما جرى في الدهر كله وهالمصيبه ما جرت
جنازه ما بين الملا فوگ الوطيه اتعطلت
اعلى الثرى ظلت رميه بالعرا ما اتجهزت
وبالسبا راحت بلا والي غريبه نسوته

سمعنه إلي يموت ايجيه دفان
يحفر گبر ويفصل اجفان
ما شفنه الي يموت يظل عريان
وتلعب عليه الخيل ميدان

عادة الميت يحضروله هله
هذا ماي ايجيب ذاك ايغسله
وهذا جايب جفن ذاك ايفصله
وهذا يحفر ذاك اينزله
وهاي عاده الما جروها ابكربله
ظل ثلث تيام ابن سيد المله
الغسل دمّه والجفن ذاري الفله

مراثي الأطهار عليهم السلام

#دفن_الاجساد

⚫️ قصة الدفن وآلآمها ..
🌑 بحر طويل
🏴حضر زين العباد يريد
يدفن والده المذبوح
🏴حسين اعله الترب نايم
وجسمه بالشمس مطروح

◾️ثلث تيام ابو السجاد
محد غسله وشاله
أنصاره وأهل بيته
يمه وراحت اعياله
تعنت من بني سد ليه
نسوان انظرت حاله
ردت للزلم تنخه
بلچن لعد جسمه تروح

◾️ياحيف والف ياحيف
يظل حسين فوگ الگاع
ولاواحد البيكم حيد
يگوم وينتخي فزاع
گاموا حضروا ولاجن
حاروا بالدفن هساع
جثث ومگطعات الروس
ودمهااعله الترب مسفوح

◾️لن شافوا اعليهم جاي
فارس شهم وملثم
مرعوبين مشدوهين
ومنهو الجاي ماتعلم
وصل ليهم وگاللهم
اشعدكم عگب ماسلّم
گالوا جينه نتفرج
عطر من هالاجساد يفوح

◾️رد اعليهم وگلهم
تعالوا ندفن الأجساد
شيلوا الخوف من عدكم
سيدكم انا السجاد
احفرولي حفيره هنا
وهم سوو مثل ماراد
دفن لانصار وياهم
حبيب وظل عليه ينوح

◾️ياويلي اعله ابوه حسين
يحضنه وتنزل دموعه
موذر خنصره مگطوع
عاري مرضضه ضلوعه
بحصيره جمّع اوصاله
ويجر حسره امن اثر لوعه
بلحده نزله وشمه
ونادى ياعزيز الروح

◾️رد اعله الاخو الاكبر
يوسده بگبر ابوه حسين
محني الظهر لمصابه
ولن يسمع صدى وونين
عله صدري الرضيع بهون
نزله هنا يماي العين
جروحي ياعلي كثره
وگلبي اعله الطفل مجروح

◾️هناك ويسمع يصيحون
يم المشرعه موذر
جسد چفينه مگطوعه
ومخه سايل مطشر
ذب روحه عليه وصاح
يا عمي يا لمشكر
ياعباس تبچي عليك
ملايكة العرش و اللوح

◾️وزينب باقيه بحيره
وگلبهه اعله العليل احتار
لحد مارد تگله وين
چنت ياشبل حامي الجار
يگلها عظم الله اجرچ
يعمه بدفنة الأطهار
شاگلچ لون شفتي حسين
كثره جروحه فوگ جروح

◾️صاحت يخوتي ويلاه
صدگ مااحضرت دفنتكم
يبو السجاد ياعباس
مدري اشلون افارگكم
ولو بيدي يخُوّاني
أظل طول العمر يمكم
أبچي عليكم وانعى
ولشام العده ماروح

#سمير_الصالحي
#البصرة_الموالية


⚫️ ليلة الدفن
🏴حدي

متنطرتك ياعلي
شنهي الخبر ياعمه
گاللها رحت الكربلا
وارجعت ليچ بهمه
لحسين حرت بدفنته
امگطع وذر شيلمه
بالباريه وسط اللحد
نزّلت ابوي بگبره

ياعمه شاحچي وخنصره
مبتور ويا چفه
رديتهن بس الجسد
بلا راس حيف اوسفه
لن صوت أسمع ياعلي
يبني تراني بلهفه
عبدالله نيمه عل الصدر
ونحري اطبگه بنحره

تدرين بالاكبر علي
يم والده وسدته ؟
ويم الشريعه اعله النهر
عباس نايم شفته ؟
وزنوده مگطوعه وصحت
ياعمي من احضنته
خليت اخيك منحني
ظهره ويجر ابحسره

نادت وعبرتها جرت
ياريت اموتن يمك
واندفن آنه وكافلي
وسط التراب الضمك
يحسين ابد ما حسبت
معقوله گبر يلمك !
ياهضمتي ويالوعتي
نار البگلبي موجره

#سمير_الصالحي
#النجف_الأشرف




🏴 نعي -مجردات
السيدة ع حينما علمت بدفن الحسين ع

ياحيف خويه ماحضرتك
ولاجمّعت يحسين جثتك
ولا شاهدت وسفه دفنتك
چا موش يبن امي آني اختك!
وشلون أتحمل فرگتك !!

🏴 حرقة قلب العقيلة ع

⚫️ياهضيمه
ماحضرتك يابو الاكبر
ياهضيمه
ميسره وتعرفني مااگدر
ياهضيمه
والله عنك مااتعذر
⚫️ياهضيمه
من شفت جسمك مگطع
ياهضيمه
عل الترب ويلي موزع
ياهضيمه
گلبي يابن امي تلوع
⚫️ياهضيمه
لو يصح بيديني احضنك
ياهضيمه
أجمع اوصالك وادفنك
ياهضيمه
ولا أروحن دوم عنك
⚫️ياهضيمه
راح أمشي وراسك وياي
ياهضيمه
ومن اصدله تسيل عيناي
ياهضيمه
وبالدرب ياخويه سلواي
⚫️ياهضيمه
أدعي أرجع تالي يمك
ياهضيمه
وادفن الراس ويه جسمك
ياهضيمه
يمتى ازورنك واشمك !
⚫️ياهضيمه
بغربتي وبالشام تالي
ياهضيمه
بلا كفيل بلايه والي
ياهضيمه
آه من ضيم الليالي

#سمير_الصالحي
#البصرة_الموالية

#دفن_الاجساد

اجساد ضلت علارض مطروحه
أعليهم الدلال كثرت جروحه
ــــــــــــــــــــــــــــــــــــ
من عكب ما سار ضعن العايله
وعافوا الاجساد كلهه امجندله
بصوت صاحوا آه منج كربله
الوالي بالطف وسفه فارك روحه
ــــــــــــــــــــــــــــــــــ
شافوا اجساد الاهالي مكطعه
وكل شهيد الطاح دامي ابمصرعه
وزينب من ابعيد اخوهه اتودعه
موادع المذبوح وي مذبوحه
ــــــــــــــــــــــــــــ
ودّعت عباس والكلب انكسر
خويه الله وياك صاحت يالكمر
آه منك صوت صاحت يانهر
يمك ادموم الكمر مسفوحه
ـــــــــــــــــــــــــــــ
ودّت الدلال يم اخوانهه
وبيه صفحات انملت بحزانهه
هاي اختكم مشت وي عدوانهه
والله ياحيف اصبحت مجروحه
ــــــــــــــــــــــــــــــ
عكب ثلث ايام والكلب انفجع
لن علي السجاد يدفنهم رجع
ولنـّه صوت من النحر يطلع سمع
انفجر زين العابدين بنوحه
ــــــــــــــــــــــــــــــــــــــــ
من سمع هالصوت هزاه الصده
يبني اخوك الطفل امشي وشاهده
لمن تدفني علصدري وسدّه
خل اشمن ركبته المفتوحه
ـــــــــــــــــــــــ
دفن هلاجساد زين العابدين
ورجع مهظوم العياله المنسبين
كل دموعه اتصيح ويلي اعله الحسين
شلون سهم النايبات يلوحه
ــــــــــــــــــــــــــ
الشاعر /// محمد حسن ضيغم

#دفن_الاجساد


على لحن جرح المدينه

… ..

جمر المصيبه ... زايد لهيبه
ـــــــــــــــــ
حين الرجع يهمل دمع متعنّي للاجساد
رايد يواريهه الترب ويلي علي السجاد
مرّت عليه جم نايبه وجم محنه ضل تزداد
اتلث ليالي الّي جزن وكَلب الولي ماهاد
الدمعه سكيبه ... زايد لهيبه
ـــــــــــــــــ
حين الوصل للطف ندب وبحسره وبلوعه
ليش الوكت من العمر طفّاهن اشموعه
ينظر ابو فاضل بقه جفّينه مكَطوعه
والغالي محزوز النحر ومهشّمه ضلوعه
يصعب نحيبه ... زايد لهيبه
ـــــــــــــــــ
ضل يدفن انصار الابو واجمعهم ابحفره
او حفره الحبيب ابوحٌده وحط لا فته الكَبره
الله يعينه اشكّد حمل جم محنه جم حسره
مثل الحُسين او ومحنته ضل منكسر ضهره
إلْراح شيْجيبه ... زايد لهيبه
ـــــــــــــــــ
واتعنّه للشاطي او وكَف يدفن كَمر هاشم
وسفه الكَمر دامي يضل يم رايته نايم
توّه خلص من دفنته للاكبر وجاسم
ودفن الكَمر خلّه العكَل من الولي هايم
روح الغريبه ... زايد لهيبه
ـــــــــــــــــ
واصعب دفن عنده صبح مدفن ابو الاكبر
جي جسمه بسيوف العده يا ويليي اموذّر
وخلّه اعله صدره الطاهر ابنه الداميي المنحر
عبدالله ذاك المنذبح ضامي بلهيب الحر
اليدفن حبيبه ... زايد لهيبه
ـــــــــــــــــ
الشاعر محمد حسن ضيغم