وصيت مولاتي الزهراء الى امير المؤمنين (عليهم السلام) قصيده الزهره بالليل وصت نعشي ينشال خلف اجنازتي ما اريد الانذال ❥❥❥❥ـــــــــــــ❁❁ـــــــــــــ❥❥❥❥ اريد بليل يا حيدر تدفنون تشيل اجنازتي من تنام العيون وصيتي اهل السقيفه مايحضرون الصگط جنيني وصارچتال الزهره بليل وصت نعشي ينشال ✍العلويه الاء ❥❥❥❥ـــــــــــــ❁❁ـــــــــــــ❥❥❥❥ ارید ابلیل تدفني یکرار عن عين الصحابه الحرگو الدار ذوله النبتو بلظلع مسمار دمي بعتبتي يالوالي من سال الزهره ابلیل وصت نعشی ينشال ✍الميرزه ام ليلى الخاقاني ❥❥❥❥ـــــــــــــ❁❁ـــــــــــــ❥❥❥❥ لحد الموت اضل غضبانه منهم دنيا واخره ما ارضى عنهم الي اجمعوا بالباب كلهم انذال الزلم يشباه الرجال الزهره بليل وصت نعشي ينشال ✍️العلويه الاء ❥❥❥❥ـــــــــــــ❁❁ـــــــــــــ❥❥❥❥ الباب الي ایدگه جان جبریل حركوه ابحقدهم هدو بحيل اریداجنازتي تدفنها بلیل وتضل امصیبتي تقراها الاجیال ✍🏻المیرزه ام ليلي الخاقانی ❥❥❥❥ـــــــــــــ❁❁ـــــــــــــ❥❥❥❥ دموعك جن مطر من هسه ليه يابو الغيث ووداعك منيه روحي مفرفحه كلي شبديه بجفوفك الطيبه اترابي ينهال طالبةالزهراء ❥❥❥❥ـــــــــــــ❁❁ـــــــــــــ❥❥❥❥ تمت القصيده بأقلام شاعرات رابطه #الطفوف #منتدى_القلم الفاطمي اللهم عجل وليك الفرج