لفور سرزمین زیبایی

🌺🌼🌸🌺🌼🌸🌺🌼🌸🌺
@lafoormycountry

#پیر_بته_مثال

#هراز_او_همیشه_پندیر_خیک_نیارنه_خرسم_ایارنه

اتا بیه
اتا نیه
اون قدیم مدیما
اتا چپون، هرازه روخونه ور
گسفن چرا دا
اتا روز کوهستان وارش بوارسه
شلاب جقتده شلاب
شر شر شر
دره دره
این دره اون دره
سل سل
چوره اوبورده
خنه ره
بنه ره
گالش منزل ره
چپون جا بنه ره
خیک خیک راغون و پندیر اویه دله راهی
چپون بدیه که
اویه دله نم چشی سیویی زنده
خده ره بزو هرازاو
لدکش لد کش
سرو تن شیر
خیک ره بیاره بدیه که
پندیر خیکه
دونی که چپونا
پندیره النه خیک دله که موندگاره ویشترم هسه
که خله خش مزه هم هسه
دواره دواره دواره
خشحال و بال در بیارد
که پندیر خیک بیته
چند روزه دیگه
دواره شلاب بمو
چپون باته آجاان
این دفع کشم بورم اویه دله و
پندیر خیک بیرم
بدیه که اتا گت خیک دراینه
بزو به او...
گت خیک دماسیه
خیکم وره دماسیه
ناگمون سرساب بیه که خیک نیه
خرس هسه
هر جانکندونک بیه
فرار هاکرده
از اون موقع
رواج دکته که
هراز او همیشه پندیر خیک نیارنه
خرسم یارنه

#قصه_ها_متل_ها

روایت از استاد
#علی_حسن_نژاد

@lafoormycountry
🌟💥🌟💥🌟💥🌟💥🌟

🌺🌼🌸🌺🌼🌸🌺🌼🌸🌺
@lafoormycountry

#پیر_بته_مثال

#پارسال_پیر_خاسا
#امسال_کاسنی

اتا بیه...
اتا نیه...
ایشالله همه ی شما سلامتی دارین

اتا پیرمردی بیه
قدیم مدیما مریض بیه
ناخش احوال!!
هر کی ام ونه زن و وچه ره باته که...
پیره دوا کاسنیه
کاسنی تل هسا...
اما خاسیت ها دارنه
وچه این در اون در...
این دوکه اون دوکه
این دشت اون دشت...
این لار اون لار
اما اون سال کاسنی در نمو
پیرم بورده به رحمت خدا
خدا شمه رفتگونه بیامرزه
سال دیگه همه ی اون جاهایی که این وچه کاسنی دنبال دنیه ره دواره بورده
بدیه که اتاخله کاسنی دارنه
اه و ناله و افسوس باته که هی
پارسال پیر خاسه ا
امسال کاسنی
این ضرب المثل خانه باوه که
اون موقع ای که فرصت ونه فراهم بوه
امکانات ونه دوه دنیه
امکانات موقعی بدست آدم اینه که صفحه
از دست در بورده

#قصه_ها_متل_ها


استاد #علی_حسن_نژاد

@lafoormycountry
🌹🌷🌹🌷🌹🌷🌹🌷🌹