الشاعرة ام ذو الفقار إلمانيا 🇩🇪 [إسراء اللامي]

#اللهم_عجل_لوليك_الفرج_

#الشاعرة_ام_ذو_الفقار_إسراء_اللامي_

#حصريا ✅🔥🧿


#هوسات مهاويل🔥🔥🔥


مولاتنا زينب ع
وهي على ظهر النوگ. تذكرت العباس ع من برز للحومه

صاحت …..

برز عباس لحظه مانزل سيفه
الريشه رفرفت ظل يذبح بكيفه
صاح حسين اجه الصعب تخويفه

بارز يحزام حسينه
صگار الطف بعينه
ماشايف خوفه سنينه
((الخوفة///ماسامع بيها))




ماسامع ترا العباس بالخوفه
مايقبل العطوه انرفعت سيوفه
واوجوه العده صبحت مخطوفه

ناشف كل دم البيها
قائدة كوم امبجيها
ترعش حيل امخليها
((القادة// اكبالك نسوان))




حيرها وخبطها ازلام وي الخيل
صبح من طب المعتبر گلبها ليل
الحومه اتريد عطوه من الكحيل
يذبح خيل وخياله
وماظل واحد يدناله
نار ويحرگ الگباله
((حروره. //گبت بالطف))



تمت بعون الله وتوفيقه 🧿

بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل_لوليك_الفرج_

#حصريا

#الشاعرة_ام_ذو_الفقار_إسراء_اللامي_

#هوسات مهاويل🔥🧿



بس رؤس وثكيله وترهب الصدها
مثل هاي الزلم هالدنيه ماعدها
ذول أولاد حيدر والنبي جدها

ذول اربات الحربيه
واحدهم الف وميه
وداعت خدر العلويه
((الحومه// خلوها. تون))




قالع خيبره رباهم بعلمه
عالحگ والشهاده يموت الزلمه
شهيد يروح لله يعزب بدمه

صار امسابگ بالحومه
شاري الموت من ارسومه
كاتب تاريخ اعلومه

((غيره //التاريخ يسولف))



تمت بعون الله وتوفيقه 🧿

بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#_الشاعرة_ام_ذو_الفقار


#هوسات لأول يوم محرم.


ـــــــــ❋❋❋ ـــــــــــ


لبسنه اسود وعطر الحزن بينه
ندور عل الينوعي وحيل ياذينه
اسم حسين مذكور بتعازينه
بفواتحنه نذكره وننسه اهالينه
((وماننساه//اوحيد المعلب))


ـــــــــ❋❋❋ ـــــــــــ

إذا مو بالمجالس نذكر حسين
نقرأ ازيارته وماتسكت العين
يحلاله الحزن ابن الميامين
شوارعنه مواكب يسرى ويمين
((نصبوله //كل شارع چادر))


ـــــــــ❋❋❋ ـــــــــــ

خدامج يزهره ما يملون
يبيضون الوجه لمن يخدمون
اسم حسين بهدوم اليعزبون
محلاهم سوا بونه يونون
((يايومه//حسين ايهدم))

ـــــــــ❋❋❋ ـــــــــــ

ها يم عون الله يعينج الليله
من شفتي الهلال وروحج نحيله
صحتي بصوت يمه وونتج طويله
عله الخوان گلبج ذايب ادليله
((من ونت زينب//ونينه))


ـــــــــ❋❋❋ ـــــــــــ

ونت والگلب ذايب عله احبابه
اليوم ام الحزن شدت العصابه
تعاين عالولي والعتب فگ بابه
اسم الله عليك خويه من الاترابه
((اسم الله اعليك//من الحومه))

ـــــــــ❋❋❋ ـــــــــــ

تمت بعون الله وتوفيقه🧿

ام ذو الفقار اسراء اللامي


غير مبري الذمه من يجرد الاسم او ينسب الكلام لغيره شاعرة خصيمه ابا الفضل العباس ع


العمل مهدات لصاحب الزمان عج


https://t.center/kjhgkkb