_Nisa_م

#Qizlar uchun

1. Go‘zallik 🌸– Tashqi ko‘rinishingdan ko‘ra qalbingni go‘zalroq saqlashga harakat qil.


2. Ilm 📚– Ilmli qiz – nurli kelajakning ustuni. Har bir kuningda bir yangi narsa o‘rgan.


3. Sabrlilik💍– Qattiq sinovlarda sabr qilgan qalb eng chiroyli mukofotlarga loyiqdir.


4. Odoblilik ⚘️– Chiroyli so‘z va odob odamlarni qalbiga yo‘l topadi. Uni hech qachon tark etma.


5. Qur’on🌷 – Har kuni Qur’onni tingla yoki o‘qi. Bu qalbingni eng ulug‘ sevgi bilan to‘ldiradi.


6. Vaqt⏳️ – Vaqtni qadrlagin, u orzularing sari ochilgan oltin eshikdir.


7. Do‘stlik 🌼– Solih do‘st seni doimo yaxshilik sari yetaklaydi, bunday do‘stlarni topishga harakat qil.


8. Shukr🤲🏻 – Hayotingdagi kichik ne’matlar uchun ham Allohga shukr aytishni unutmang.


9. Iymon🌱 – Iymon qalbingdagi eng katta boylik, uni har kuni mustahkamla.


10. Oila💐 – Oila – sening jannating. Ularni sev, hurmat qil va duo qil.

@khujamovanisa

“Yosh uhtijonlarim, postlarim soni kamaymayaptimi? Opangizdan yana ba’zi eslatmalarni o‘qishni xohlaysizmi? 🥰

O‘zingizga, qalbingizga, ilm-u odobingizga foyda bo‘ladigan maslahatlar yozishda davom etishimni istaysizmi? Fikringiz men uchun juda muhim! 🌸

Allohim qalblaringizni nurli, hayot yo‘lingizni barokatli qilsin!”

Ona yuragi va farzandlarga mas’uliyat

Ba’zan o‘ylab qolaman: Alloh menga bergan har bir sinov va mas’uliyat aslida o‘zimni anglashim, xatolarimdan saboq olishim va to‘g‘ri yo‘lga qaytishim uchun bir eslatma ekan. Uch nafar farzandim – biri biridan shirin. Bugun qalbimda savollar charx urdi:

Hadicham – 6 yoshli go‘zal qizaloq. Uning nozik va katta qalbi bor. U bilan alohida shug‘ullanish, uning ruhiyatiga e’tibor berish men uchun naqadar muhim! Uni to‘g‘ri yo‘lda tarbiyalash, ilmli va taqvoli qilib ulg‘aytirish mening burchim.

Musom – endi 3 yoshli sho‘x va qiziqqon o‘g‘il bola. U dunyoni o‘zicha kashf qilmoqda. Unga qanday munosabatdaman? Uning sho‘xliklariga qanday javob beraman? U qo‘rqoq bo‘lib qolmasligi uchun uni yumshoq tarbiyalashim va mard, jasur ummatning bir rijoli bo‘lishiga ko‘maklashishim kerakligini anglab yetyapman.

Oysham – mittigina farishtam. Hali 10 oylik, injiqliklari bir dunyo. U har soatda nimadandir yig‘laydi, va men savol beraman: “U nimani xohlayapti? Balki qorni ochmi? Yoki uyqusi keldimi? Balki qayeridir og‘riyaptimi?” Har lahza uning ehtiyojlarini anglashga harakat qilaman. Uning xotirjam uyqusi, sog‘lom o‘sishi uchun barcha imkoniyatlarni ishga solaman.

Shunday paytlarda o‘zimdan so‘rayman: farzandlarimga qanday ona bo‘lyapman?
Men hali yoshman, endigina 25 yoshni qarshi olyapman, lekin uch farzandning mas’uliyati bilan yashayapman. Alloh menga shunday buyuk vazifani topshirgani – bu uning menga ishonchi. Robbimga tavakkul qilaman, sabrimni mustahkam qil, bu yo‘lda menga yordam ber!

Duoim:
"Ey Robbim! Farzandlarimga yaxshilik bilan g‘amxo‘rlik qilishni menga nasib qil. Ularni dunyo va oxiratda baxtli, foydali, ilmli va taqvoli bandalaring qatoriga qo‘sh. Menga o‘z yo‘lingda sabr, hikmat va quvvat ato et, ilohim!"

Aziz onalar! Farzand tarbiyasi – bu oson emas, lekin eng savobli amallardan biri. Har bir daqiqa, har bir mehrli so‘z va har bir duo – ular uchun eng qimmat sovg‘a. Tavakkulimiz Allohga, mehnatimiz esa ularga, insha Alloh!

#kech bo'lganda kelgan fikrlarim
@khujamovanisa

Jon berish oson deb o'ylaysanmi..?
O'n soniya nafas ololmasang, qanday azob chekishingni bilasanmi..?

Bilmaysan..!
Jon berish eng buyuk azobdir...
Nega ekanini bilasanmi..?
O'limdan keyin hammasi tugaydimi..?
Iymoning qayerda qoladi..?
Oxiratga bo'lgan iymoning qani..?
Qabr azobiga iymoning qani..?
Huddi dunyoda abadiy qoladigandek sevma uni…
Dunyo hayoti oxirat qoshida bir nafasdir..!
Bir nafasdan ham qisqadir..!

Sen faqat eshitgansan u haqida lekin uni ko'rmagansan..!
Lekin ko'rishinga oz qoldi..!
Senda hali yo'l bor har bir nafas olib chiqarar ekansan senda imkon bor, vaqt bor shuni unutma..!

Bilamizki Allohning marhamati, g'azabidan kuchlidir..!
Lekin buni bilgan holatda sen afsuslarda davomiy bo'lsang Alloh senga qanday marhamat qiladi..?
Alloh taolo: "Bandalarning eng yaxshisi tavba qilguvchilardir",
demaganmidi...
Albatta, aytgan sen buni juda ham yaxshi bilasan..!

Unutma...
Balki erta kelmas..!

°al_afsoh

@khujamovanisa

"Qalbni poklash" (Shayx Muhammad al-Buti): "Bizning qalbimizning eng katta kasalligi — dunyo va uning maqsadlariga muhabbatdir. Agar qalbga dunyo muhabbati kirsa, haqiqiy baxtni va Allohni unutamiz."

@khujamovanisa

"Allohga qaytish" (Fahriya Ya’qub): "O'zgarish uchun avvalo qalbni tozalash kerak. Qalbni poklash, nafsni jilovlashdan boshlanadi. Agar qalb pok bo'lsa, uning ichida nur to'lar, unda Allohning rahmati bo'ladi."

@khujamovanisa

Yangi biznes boshlagan Hadichaning sarguzashtlari)
Dadasi onasi uchun buyurtma beribdi mahsus tayyorlanibdi puli oldindan olingan emish))
Bu har xil rangdagi toshlar qo'shilgani uchun biroz qimmat bo'libdi, dadasi biroz kelishtir qizim yooq siz mani tushuning 10 mingdan pastiga berolmayman:)

"Hayotingizdagi kichik yaxshiliklarni ko‘ra bilish va qadrlash – baxtning kalitidir. Har bir kichik hodisada shukr qilish uchun sababni izlang, chunki baxt gohida katta narsalarda emas, balki kundalik mayda-chuyda ne’matlarda yashiringan bo‘ladi."

@khujamovanisa

Hojar onamiz uchun duo

Allohim, Hojar (alayhassalom) onamizni o‘z rahmating bilan mukofotla. Ularning sabr-matonati, fidoyiligi va tavakkulidan bizga ham nasiba ber.

Allohim, ularning go‘zal xulqlarini bizga o‘rnak qilib, qalblarimizni iymon va sabr bilan to‘ldirgin. Ularning oyog‘i ostidan oqib chiqqan zamzam suviday rizqingni va barakatingni bizdan ham darig‘ tutmagin.

Allohim, bizni Hojar onamiz kabi o‘z oilamiz, farzandlarimiz uchun fidoyi, Allohga to‘liq ishonuvchi bandalardan qilgin. O‘sha muborak onamizga bergan ajr va martabadan bizga ham ozgina bo‘lsa-da ulush nasib etgin.

Robbimiz! Hojar onamizni jannat ne’matlari bilan siylagin va bizni u zotlarga jannatda yaqinlardan qilgin. Amiyn, yo Rabbil alamiyn!

#duo

@khujamovanisa

Hojar onamiz: Sabr va Tavakkulning Mukammal Namunasi

Hojar (alayhassalom) onamizning hayotlari sabr, iymon va fidoyilik timsoli bo‘lib, har bir muslima uchun ibratdir. U kishi Allohning sinovlariga chiroyli tarzda dosh bergan, Uning rahmatidan hech qachon umid uzmagan buyuk ayol edi.

Ibrohim (alayhissalom) Allohning buyrug‘i bilan Hojar onamizni go‘dagi Ismoil bilan birga bugungi Makka vodiysiga olib keldilar. Bu joy o‘sha vaqtda suv va hayotdan butunlay xoli, kimsasiz cho‘l edi. Allohning amri bilan ularni o‘sha yerda qoldirib ketayotganda Hojar onamiz shunday so‘radilar:

– Ey Ibrohim, Alloh bizni shu yerda qoldirishni buyurdimi?
Ibrohim (alayhissalom) "Ha," deb javob berganlarida, Hojar onamiz qalbiga tinchlik kirdi va shunday dedilar:
– Agar Alloh buyurgan bo‘lsa, U bizni hech qachon yolg‘iz tashlab qo‘ymaydi.

Sabr va Sa’y Amalining Sabog‘i

Vaqt o‘tib, go‘dak Ismoil chanqoqdan yig‘lay boshladi. Hojar onamiz suv qidirish uchun Safo va Marva tepaliklari o‘rtasida yugurdilar. Bu sa’y 7 marta davom etdi. Nihoyat, Allohning rahmati bilan kichkina Ismoilning oyog‘i ostidan zamzam suvi chiqdi. Bugungi kunda har bir musulmon haj va umra ibodatida Hojar onamizning shu sa’y amallarini takrorlaydi.

Ibratlar:

1. Allohga to‘liq ishonch va tavakkul: Hojar onamizning so‘zlari bizga shuni o‘rgatadiki, Allohga suyanib, Unga bo‘lgan ishonchni hech qachon yo‘qotmaslik kerak.


2. Sabr va matonat: Hayotning eng qiyin sinovlarida ham, sabr qilsak, Allohning rahmati bizni yolg‘iz qoldirmaydi.


3. Ayolning ulug‘ligi: Bir ayolning sabr va harakati nafaqat oilasiga, balki butun insoniyat uchun ibrat bo‘ldi.



Hojar onamizni eslash har birimizga Allohning sinovlariga shukr va sabr bilan qarashni o‘rgatadi. U kishining hayoti – muslima ayol uchun ma’naviy mustahkamlik, iymon va kuchning mukammal namunasi.

Farzandlarimizga ham Hojar onamizning hayotini o‘rgataylik. Chunki ular o‘z sabru tavakkuli bilan dunyoni o‘zgartirgan ayollar safida abadiy qoldilar.

— Alloh Hojar onamizdan rozi bo‘lsin va ularning sabridan, Allohga bo‘lgan ishonchidan bizni ham nasibador qilsin!⚘️

@khujamovanisa

“Ayolning qalbi – oila yuragi. Agar siz baxtli va ilhomlantiruvchi bo‘lsangiz, butun oila baxtiyor bo‘ladi.”

@khujamovanisa

Namoz – sizni Allohga yaqinlashtiruvchi kalit

Aziz opa-singillarim, hayotingizda namozni boshlashni orzu qilib, ammo qadam qo‘yishga qo‘rqayotgan bo‘lsangiz, bilingki, bu hissiyot Allohning sizga bergan hidoyat nashidasidir. Namoz – bu qalbni poklovchi, hayotni o‘zgartiruvchi va oxiratni obod qiluvchi ibodatdir.

Namozni boshlash uchun mukammal bo‘lish shart emas. Faqatgina qalbingizdagi ixlos va Allohga bo‘lgan muhabbatingiz yetarli. Har birimiz kichik qadamdan boshlaymiz. Faqat bir bor sinab ko‘ring. Harakat qilganingizda Allohning rahmatini va kuch-quvvatini his qilasiz.

Hayotingizni namoz bilan bezash orqali:

Ruhingiz tinchlik topadi.

Allohning himoyasini va barakasini his qilasiz.

Yuragingizda sevgi va muhabbat jo‘sh uradi.


Agar hali ham boshlab ulgurmagan bo‘lsangiz, bu o‘rinda shayton sizni orqaga tortishga urinayotganini biling. Lekin siz kuchlisiz! Allohdan hidoyat so‘rab, qadam tashlang.

Hozir o‘rningizdan turing, tahorat oling va go‘zal niyat ila Robbingiz huzurida bosh eging. Bu huzurning lazzatini his etganingizdan keyin, qanday his qilganingizni menga yozib qoldiring.

Unutmang, Alloh sizni chaqiryapti, shoshiling, Uning rahmatidan chetda qolmang!
#eslatma

@khujamovanisa

Mabodo, ayol kishi ota-onasini yoki qarindoshlarini ziyorat qilish, hammomga borish kabi zaruriy ishlar uchun tashqariga chiqishga majbur bo‘lsa, yasan-tusan qilmasdan, o‘ziga oro bermasdan, keng, qalin kiyim kiyib, erining ruxsati bilan chiqsin. Yo‘lda ketayotganida u yoq-bu yoqqa alanglamasdan, yerga qarab, yo‘l chetidan yurishi lozim. Illo, osiy bo‘ladi.

Hikoya qilishlaricha, bir ayol uyidan tashqariga chiqqanda yasan-tusan qilib yurar edi. U vafot etgach, qarindoshlaridan biri tushida uni ko‘ribdi. U Alloh azza va jalla huzuriga yupqa kiyimda boribdi. Shu payt birdan shamol esib, ayol ochilib qolibdi. Alloh taolo undan yuz o‘giribdi-da: «Uni chap tomonidan ushlab do‘zaxga tashlanglar. U dunyoda yasan-tusan qiluvchilardan edi», debdi.
#eslatma o'zimga va boshqalarga!
© Islom.uz

Tug‘ruqdan keyin onaning eng zarur 2 ta bazaviy ehtiyoji quyidagilar:

1. Jismoniy tiklanish va dam olish: Onaning tanasi tug‘ruq jarayonida juda katta zo‘riqishni boshdan kechiradi. Shuning uchun unga yetarlicha dam olish, sifatli ovqatlanish va sog‘lom uyqu juda muhim. Bu ona sutining sifatini yaxshilashga ham yordam beradi.


2. Emotsional qo‘llab-quvvatlash: Tug‘ruqdan keyin ona o‘zini ba’zan ruhiy jihatdan zaif yoki yolg‘iz his qilishi mumkin. Bu davrda unga erining, oilasining yoki yaqinlarining mehribon munosabati va dalda berishi ruhiy tiklanish uchun zarur.



Bu ikki ehtiyojni qondirish onaning jismoniy va ruhiy sog‘lig‘ini mustahkamlashga, yangi tug‘ilgan chaqaloq bilan bog‘lanishni yaxshilashga katta hissa qo‘shadi.

@khujamovanisa

"O'zgarish sizdan boshlanadi" (Fazlur Rahman): "Inson o'zini o'zgartirishga qaror qilganda, uning ichki dunyosi ham, tashqi dunyosi ham o'zgaradi. O'zgarish faqat tashqi dunyoga emas, balki qalbga ham ta'sir qiladi."

@khujamovanisa