ياذينه امصابچ يالزهره ياذينه امصابچ يالزهره ➖➖➖➖➖➖➖➖➖ـ ياذينه امصاب البسمار من صابچ من باب الدار لجله العين اتهل اعبار والفگدچ ونينه ابحسره ➖➖➖➖➖➖➖➖➖ـ ظلع المكسور ايأذينه فگد المحسن عايش بينه حيدر واجروحه اتبچينه لجله العين اتهل بالعبره ➖➖➖➖➖➖➖➖➖ـ اتسيل دموم الداحي الباب سالت وي دم المحراب والهم اكبر هم من غاب بسم واچتول اخلافه العتره ➖➖➖➖➖➖➖➖➖ـ سبط الهادي الچبده انمردت من نيران السم احترگت منهه الشيعه ابفگده اتچوت والهل يوم اتضل مستعره ➖➖➖➖➖➖➖➖➖ـ لحسين انظل نبچي ابلوعه والچف عباس المگطوعه اوزينب واطفاله المفجوعه والجسمه الظل فوگ الغبره ➖➖➖➖➖➖➖➖➖ـ نقسم نتعاهد يالزهره مانخلف حبنه او يالعتره ماننسه حسين اشمايجره وايظل حسين اعظم ذكره ➖➖➖➖➖➖➖➖➖ـ لشاعر اهل البيت عليهم السلام خالد عامر الزيادي
اليوم طاح حسين طاحت فاطمه بفگد طه اتهاوت انجوم السمه 〰〰〰〰〰〰〰〰〰〰〰 بفگد طه التمت اعلينه المحن جرح ينزف ظل على طول الزمن انكسر بالباب ظلع ام الحسن وچم جرح بمصابه ظل ينزف دمه 〰〰〰〰〰〰〰〰〰〰〰 چم جرح بمصابه شفنه من الدهر بفگده طاح الليث بالراس انطبر حيدر الكرار غدروه الكفر والمصابه الشيعه تبقه امٱلمه 〰〰〰〰〰〰〰〰〰〰〰 بفگده طاح الحسن مسموم الچبد بالطشت ذب الچبد منه انمرد والنعش صابوه بسهام الحقد والگبر لليوم محد رممه 〰〰〰〰〰〰〰〰〰〰〰 بفگده طاح حسين مرمي عالثره يمه اخوته او كل صحبته امطبره اتگطعن چفين سبع الگنطره يظل يومج كربله اعظم ملحمه 〰〰〰〰〰〰〰〰〰〰〰 بفگده زينب و اليتامه امگيده اميسره للشام ودوهه العده الجدهه تشكي الظيم والهم السده والچبد صاير جمر من الضمه 〰〰〰〰〰〰〰〰〰〰〰 بفگده چم معصوم مظلوم ابغدر بين سم او چتل ما بين الكفر ظل املنه الحجه ننتظره ابصبر ايعيد حملت حيدره حامي الحمه 〰〰〰〰〰〰〰〰〰〰〰 لشاعر اهل البيت عليهم السلام خالد عامر الزيادي
انه الزهره الزچيه ياسيد البريه ======================== الگلب يسعرعلى افراگك وداوي بفگدك يصرخ ابصوته وداوي ظلعي انكسر افزعلي وداوي يبويه او جارت الدنيه .عليه ======================== يبويه اهموم الك گلبي رسلهه غرگ ببحور احزانك رسلهه تدري ابغيبتك سيد رسلهه على عيوني سطرني ابن الدعيه ======================== سطرني النذل بغيابك على العين وبكسر الظلع شدعي على العين نخيت الي قلع خيبر علي العين علي اتچتف يبويه بالوصيه ======================== غدر بينه الوكت بعدك علي دار يبويه ابغيبتك فزعو على الدار بكسرظلعي انطبرراسه علي الدر ابمحرابه وگع حامي الحميه ======================== الك نشكي هظم بينه نبينه يالتدري الجره او عندك نبئنه يريت ابكربله حاضر نبينه تشوف حسين مرمي اعالوطيه ======================== يبو القاسم بيك احنه علينه يريت ابكربله انته او علينه تشوف الخيل من هجمت علينه تشوف العيله من راحت سبيه ======================== لشاعر اهل البيت عليهم السلام خالد عامر الزيادي
ردت من الشام اضعون بدمع العين العين ندفن راسك ويه الجثه والگبرك يحسين بچينه ادموم. على المضلوم والگبرك يحسين ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, يـمـك ردت اضـعونـي يخويه اوحسرتي حسره رد فگد الرسول اليوم عـلـيـه اوغــابـت الـزهـره شفت كسرالظلع بالباب وأبـونـه اولـوعـة الـطبره وأشوفنه الحسن مسموم اوچـبـدتـه تلتهب جـمـره
اگعد يحسين اوحاچيني اوهاك الراس الراس واشلون ارجع لو تنشدني اعليك الناس الناس على الوليان. بأألم واحزان والگبرك يحسين ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، لشاعر اهل البيت عليهم السلام خـالـد عـامـر الـزيـادي
