يالحسن يالحسن يمسموم يالحسن يالحسن يمظلوم ▪▪▪▪▪▪▪▪▪▪ جينه نحظرسيدي التأبينك بأربعين حسين وامشيعينك احنه مشايه اوحشدناخينك شيعتك مولاي صدنه بعينك بالمحن بالمحن والاهموم بالمحن بالمحن يمسموم ▪▪▪▪▪▪▪▪▪▪ شيعتك مولاي احنه اونفتخر نذكر امصابك يبن سيد البشر نلطم اعالراس واندگ الصدر عالجبد مولاي بالسم انفطر والنعش والنعش سال ادموم والنعش والنعش يمسموم ▪▪▪▪▪▪▪▪▪▪ اليوم اجيت ام الشهيد ارعاهه تريد من عندك شفاعه اوجاهه ابكل سنه التشيع ابنهه اوياهه اوخاف تعثر سيدي اتلگاهه بالدمع بالدمع تجري ادموم بالدمع بالدمع يمسموم ▪▪▪▪▪▪▪▪▪▪ اليوم بمصابك نواسي المنتظر اوندعي للباري يعجل با لامر للفرج مولاي كلنه ننتظر يحظر التشيع وايشيد الگبر بالگبر بالگبر روحه اتحوم بالگبر بالگبر يمسموم ▪▪▪▪▪▪▪▪▪▪ لشاعراهل البيت عليهم السلام خالد عامر الزيادي