🌻🌻🌻🌻🌻💠#ترانهے تبرےورزگر
🌱مَسّه ورزگرتِه ڪارو باره گمه
🌱 نِه گیرے زَمی ته ڪِل وڪاره گمه
🌱زَرینه وَرزا جِد و اَزالِ گِمه
🌱تِه جِینگا سَره ڪیمه نِفاره گِمه
🌱اَ
ے بیمو بهار منم بهاره گِمه
🌱ڪوڪی چِمره دلِ قراره گِمه
🌱تیم وتیم جار اولی لَته چی بَوِه
🌱ته زَمی زیار مَرز و بَره چی بَوِه
🌱ڪمڪ وڪایر ڪَلدار ڪیله چی بَوِه
🌱میراب میڪارشوپه ڪیمه چی بَوه
🌱اَ
ے بیمو بهار منه بهار چی بَوِه
🌱ڪوڪی چِمره قال وقرار چی بَوِه
🌱گَنیما جاے مَسّه نشا ر بَیته
🌱ویلا جاے ڪر ڪوله ڪپار بَیته
🌱هف پشتِ غریب اَمه دیماربَیت
🌱سر ِڪلا ڪم تَنِ قوا ر بَیته
🌱اَ
ے بیمو بهار مِنَم بهاره گمه
🌱نَنِشا زَمی تیم و تیم جار گمه
🌱بِره چلچلا بووشم پَر بزنِمِ
🌱صِب پی نماز زَمی ر سر بزنِم
🌱ڪَر کوله کپا رجینکا سر بَزنِم
🌱جینگا بورِم و شه دلِ کَر بزِنِم
🌱اَیّ اینه بهار منم بهاره گِمه
🌱ڪوڪی چمر و دلِ قراره گِمه
🌱زَمۍ بَنِشم دیما آباد هاڪِنم
🌱لَته لِتڪا ر دِواره شاد هاڪنم
🌱بورِم زَمی سر بَبا ر داد هاڪِنم
🌱خدا نَڪِنه خدا ر یاد هاڪِنم
#حجتمقیمیمقدمⓂ️ @kolyek_nur♢♢♢♢♢♢♢♢♢♢♢♢♢♢♢♢♢