کانال رسمی کالیکلا لفور

سلام خدمت اهالی محترم روستای #کالیکلا_لفور
باشیوع ویروس کرونا و حفظ سلامتی همدیگر و رعایت دستورالعمل های بهداشتی ،لطفا برای عرض تسلیت و احساس همدری با خانواده محترم مرحوم #مشهدی_نورالله_محرابی از رفتن به منزل ایشان خود داری فرمایید.

شماره تماس فرزندان آن مرحوم👇

۰۹۱۱۲۱۵۱۳۵۲ #آقای_بهروز_محرابی

۰۹۱۹۳۲۸۳۶۸۸ #آقای_هادی_محرابی

۰۹۱۱۷۸۲۷۶۸۹ #آقای_مهدی_محرابی

🕯 @kalikolaiha 🕯

‍ بخشی از شعر پنجاه بیتی ام را تقدیم میدارم به گالشون با مرام که این روزها اماده رفتن به ییلاق را دارند
مره خش بی یمو نجارکلا کوه
یواش یواش ونه بن نه بورم لو
نم نم وارش ا دارنه بونه شو
هر ور ته اشنی کولک دنه بو
قدرت خداءه گلام موج بزو
بمرده سیو دار وه ای نوج بزو
سبزه همه جاره هاکرده رفو
وازنه تلکای چله خرنه تو
شربت انجیلک ور بموءه لو
تلم پر چال ور زهره در بمو
دس بهیرم اسا کلو دسبچو
هاکره بار بزنم پشت یابو
تا دارکاله من هاکنم دو بدو
لله وه خال پشت نیشته گل عمو
چرا هداءه وه شه خالک گو
عرق کل هاءیته ونه تک لو
سجر بوم بی یم من راسا کتو
گالشی هاکنم با مشتی ببو
مشتی ببو ونه حوصله دره لو
پش چاخا ونه تن بیز بزو ابرو
دعوا دارنه شه جا نفس ننه لو
تن دارنه خسه ا کنه دو بدو
کلک سر اویا دینه حاجی عمو
دیاری وه مه جا دارنه گفتگو
اتا جا ونه دس خوانه بیره دو
از سوز سرما وه بهیه سیو
مه سگ تلار دور کشنه اعو
روجا در بیمو وه راسا وسو
مار هایته گلپر و سیا له گو
گوهر شه گردنه کونه دار لو
وشور کنه اون پل شاخ منگو
مسه سی زی تلم مار هلا نمو
لخ اشکار گو بهیه زال تو
ماشن مار پاپ پلی دارنه خرنه او
کککی اسا ءه راسا استل لو
عاروس ونه دنبال هول دنه جلو
هاها بخونم ا دارنه بونه شو
اتا اتا بی ین گو خاسه لو
اول بهار ا هسه کله شو
خسه تنه اسا مگر گیرنه خو
مه دل خوانه بورم من راسا ازرو
شه دسه بشورم بخرم پتو
جل شور نشیمه این بهار کوه
خرابه پرتاس ا دل بونه کءو
نا راه پس دارمه نا راه جلو
غم و غصه بمو مه سینه لو
انگار بمرده مه دل ارزو
عشق و عاشقی مه بیه لینگه لو
فکر و خیال مه سر چرخ گیرنه هر شو
به مثل تیکا دوک کشنه هر سو
گالشی ره رها هاکرده ببو
منزل سر که شونی نارنه سگ و سو
تلم وتلمچال بهیه پیلو
شیر و ماس ادمه بیه ارزو
دربوردنه وچون هر اتا یک سو
اتا سمنان اتا راسا فیروزکوه
ماشین دار بهینه پراید و پژو
تن کت و شلوار و لینگ کفش شیبرو
کار ندار وره که اشکینه اطو
کلاه ونه سرو چش عین رادو
بیچاره برسیه شه دله ارزو
انگار که گالش وچه نهیبو

شاعر: #آقای_بهروز_محرابی

🗂 @kalikolaiha 🌿

‍ ‍ این چند بیت شعرم راتقدیم میدارم به مادر عزیز وارجمندم مرحومه مغفوره #حاجیه_خانم_آمنه_امیری که پدرم نزد این خانواده شریف روزگار خوب و خرمی داشته است یادش گرامی باد جهت شادی ارواح تمامی مادران خاصه این مادر گرامی صلوات
خوامه قصه بوم قصه بسیار
قصه بوم از یک زن عرضه دار
بوم از خاله امنه پر کار
تن خسه داشته نداشته قرار
مهر و محبت بیه ونه بسیار
من ونه مهمونا وه م جان مار
دشت وصحرا و سره کرچال کار
ناشو معلوم بیه ناروز بهار
تیرنگ خو داشته وه بیه بیدار
صواحی که بیبو اسبه زوءه بار
کانه ملک سره کرده هدار
مشتی عمو جان بیه ونه پیشکار
خنه محرم بیه به مثل برار
زمسون توبه کرده از دس کار
سال که بیبو وه کرده قرار
گوره راهداءه راسا تیر بزار
بهار ماه بهی بو چرده زوءه دار
کوکی سر دارا خونسه زار زار
تیکا پر کشیه این دارو اون دار
جیک جیک کرده همه جاره زوءه جار
تسکا دار سر کلاغ کرده قار قار
اویزون هاکرده گیسه ره ولگار وازوءه تو خرده ممرز واشدار
ولیک ته تی یواش بیه ویشار
ونوشه گلام ره بزوءه کنار
ستاره واری بهیه دیار
بچابچا ونه ور بتته خار
چتر بزو همه جاره ککی مار
همه ور اموءه زنبور زنار
کلوی ته تی سر بیتنه کار
بگردم‌خداره دارنه پشتکار
چه بساته وشونه خله پر کار
ش تنه خارسه دارلو‌گلنار
خالک گوگزا ونگ کرده تلار
بارک بن اسا تازه تلم مار
مرم کرده چرخ زوءه دور تلار
خوی جا راس بیه پر شیر خنار
ونگ واکرده اون قشنگ اشکار
سر شاخ بهینه م طاوس و سلنار
خدا قوت داءه ش جان برار
صدا زوءه که مشتی گو ره خار دار
چرده بءیر هاده گوگ و گوگ مار
بیار هیمه که تش هاکنم تلار
دم داءه‌چایی ره نخرده نهار
باغه دور هاکنه بتاشه تیردار
وارش بمو بو ونه کار بیه زار
چکمه ونه لینگا دوش ولگ بیه بار
اگر دم بزه بو‌ افتاب شیه مار
اتا خله مونسه خنه کار
بی شوم بینه وچون خو شینه بی مار
ای جان خدا ته وره نگهدار
فردا ونه سر بزنه ش تیمجار
بنشه زمینه وه تک و تنار
اتی دم بزنه هنیشه نفار
عرق درشیه ونه چار بند جار
مگر بتونه وه بهیره قرار
گنه زودباشم که افتاب بورده مار
نشا نی یه بمونسه چندتا کار
چتی ونه بوه م کار بیه زار
م دل پءی دره کار دارمه بسیار
ای دادو‌بیداو ای جان برار
وچون در بوردنه بهیه تنار
خور نارنه از ونه کار و بار
روزو شو کشنه وه چش انتظار
کدورت در بیارده ونه دمار
صورته چین هدا اسا چنده خار
کمر دلا بیه غم روزگار
لینگه درد جا چتی اینه کنار
قدو قوت بورده تن بیه نخار
اسا پیر بهیه ش درد گرفتار
جز خدا ندونه ونه دل زار
بی خود نیه وعده هدااون دادار
بهشته زیر پا دارنه جان مار
مار نءو ملکه پروردگار
خنه سو هسه خدا نگهدار
صبر خدا دارنه هسه خش رفتار
وچون که ونه جا کننه دیدار
تمام غم و غصه شونه کنار
دنیای بی وفا هاکردی چی کار
امان ازدس ته اوف ای روزگار
مهر و محبت گم بیه جان مار
اون عشق ووفا بورده کنار
غم سنگینی کنه اون چار بند جار
انگار دله سر هایته لم ولوار
بد‌بیه زمونه نارنه اعتبار
طول کشنه ادم بهوه ویشار
مثل قدیم واری نکنه کار
امان از دس این چرخ روزگار
ندونه ادم ره کفنه چی کار
شاید‌برسه روز بوه شوی تار
غم و‌غصه بهوه شام و‌نهار
مشتی عمو بورده سر بیه قرار
دیگر اون هیرا هیرا بورده کنار
نخر غصه اسا ته ای جان مار
انگار که این دنیا هسه بازی جار اتی انه اتی شوننه تنار
خدای پیش لنگنه همه کار
به حق پیغمبر نویم گرفتار
ریکا فرهاد‌ بیه شه مار پاکار
با مهر و محبت بیه خش رفتار
برو اقا فرهاد م جان برار
که دلتنگ تومه ندارمه قرار
ندومه کجه دری چیه ته کار
ارزو دارمه من هاکنم دیدار
هر کجه دری اسا مره یاد دار

#شاعر : #آقای_بهروز_محرابی

🌿 @kalikolaiha 🌿

قسمتی از شعرم را تقدیم میدارم به همه کارگران زحمت کش شرکت زغال سنگ البرز مرکزی
دلم تنگ و دلم تنگ و دلم تنگ
فال بزومه ش سر دکته خرچنگ
بیتمه لیسانس و بیکار و سلنگ
هر کجه گردمه م سر خرنه سنگ
کارگری کمه من در زغال سنگ
تونل درون و من زمبه کلنگ
م دس بهیه سر سنگ و میس سنگ
کارگری نیه مسر عار و ننگ
ورف و وارش بونه م کار بونه لنگ
بنه بخردمه م لینگ بیه لنگ
نتومه راه بورم من زمبه شلنگ
خراب بهو وه اون معدن کارسنگ
انگار م جان جا دارنه سر جنگ
انجیل تنگه ا بخرم درنگ
ناشتی و نخردی م دل زنه چنگ
بخرم نهار و چایی پر رنگ
ماس پلاره هاکنم ضرب زنگ
باخسم بهوم من مس و ملنگ
دو بدو هاکنم به مثل پلنگ
سوار بهوم ماشین زرد رنگ
جاده لفوره دوندم فلنگ
میچکا سو بورم و دس بیرم تفنگ
بزنم جیجاق و تیکای هفت رنگ
ش اقباله ویمه م دل گیرنه تنگ
غم و غصه بورده م دیم رنگ
چند روزه تلفن مسر نزو زنگ
خور از یار نارمه بیمه گج و منگ
عشق و عاشقی م بهیه کم رنگ
جان خداره من ش دل کمه ونگ

#شاعر : #آقای_بهروز_محرابی

🍀 @kalikolaiha 🍀

#تقدیم_به_ییلاقی_های_عزیز

میس زنون حِمن چه با صفاهه
گالش و چپونونه چراگاهه
هر ور ته اشنی مازرون پیداهه
گو و گوک زاهه زنگ صداهه
کولک بار دور چشمه فرش و لاهه
پیتک میا بیره راه نا پیداهه
به مثل زمسون پر سوزو واهه
امه اسپرز ونه زیر پاهه
اونجه گذر پر چایی کیجاهه
صبح تا غروب گالشون هاها هه
هر کی ندونه بهشت خداهه
ونه بنه گل زرد طلا هه
میون محله او چنده بچاهه
بازی جار گالشون کیجاهه
افتاب که بوه اوی سر دعواهه
اینها همه کار لطف خداهه
هلینک محله ونه ورکاهه
اونجه شیخ داود هیرا هیراهه
خش لفظ مردیا بی ادعاهه
مه عمو خارک اسمون ماهه
منظور قاسم عمو وه با صفاهه
میون نجارون پنجه طلا هه
یا در اسپرز یا نجار کلاهه
رضا اقای خنه وه سر راهه
صبح تا نماشون ونه سفره لاهه
انگار امه مشتی مهدی بباهه
دلسوزو مهمون دوس و بی ریاهه
امامزاده حسن ونه پناهه
گالشون ونگ رس و اقاهه
بیست وشش که بوه اونجه غو غا هه
کشتی تموم نیی جنگ و دعواهه

#شاعر : #آقای_بهروز_محرابی

📸 #آقای_ابوذر_عبدی

🌼 @kalikolaiha 🌼

🍀کاسب دَس بِهیته فوکاو بَلو🍀

🌷 لِینگه هِمالنیه دَکِته او🌷

🌼لِتکای سیو تِیله زَنه پِشو🌻

🌸خدا قوت هاده وِنه دِیتا بازو🌸

#شاعر : #آقای_بهروز_محرابی
#عکاس : #آقای_علی_محمدی_کالی

📁 @kalikolaiha 💯