#تقدیم_به_ییلاقی_های_عزیزمیس زنون حِمن چه با صفاهه
گالش و چپونونه چراگاهه
هر ور ته اشنی مازرون پیداهه
گو و گوک زاهه زنگ صداهه
کولک بار دور چشمه فرش و لاهه
پیتک میا بیره راه نا پیداهه
به مثل زمسون پر سوزو واهه
امه اسپرز ونه زیر پاهه
اونجه گذر پر چایی کیجاهه
صبح تا غروب گالشون هاها هه
هر کی ندونه بهشت خداهه
ونه بنه گل زرد طلا هه
میون محله او چنده بچاهه
بازی جار گالشون کیجاهه
افتاب که بوه اوی سر دعواهه
اینها همه کار لطف خداهه
هلینک محله ونه ورکاهه
اونجه شیخ داود هیرا هیراهه
خش لفظ مردیا بی ادعاهه
مه عمو خارک اسمون ماهه
منظور قاسم عمو وه با صفاهه
میون نجارون پنجه طلا هه
یا در اسپرز یا نجار کلاهه
رضا اقای خنه وه سر راهه
صبح تا نماشون ونه سفره لاهه
انگار امه مشتی مهدی بباهه
دلسوزو مهمون دوس و بی ریاهه
امامزاده حسن ونه پناهه
گالشون ونگ رس و اقاهه
بیست وشش که بوه اونجه غو غا هه
کشتی تموم نیی جنگ و دعواهه
#شاعر :
#آقای_بهروز_محرابی📸 #آقای_ابوذر_عبدی🌼 @kalikolaiha 🌼
