ҶАЪФАР МУҲАММАДИ ТИРМИЗӢ КУҶО РАФТ ДИЛАМ? Дишаб, эй дӯст, чӣ пурсӣ, ки куҷо рафт дилам? Ман чӣ донам, ки куҷо рафт, чаро рафт дилам? Кокуле мушкфишон, силсилаҷунбон бигузашт, Хешро баста ба занҷири бало рафт дилам! Дину дил бурд хаташ, чашми хатопӯш куҷост? Ба Хито рафт дилам, ваҳ, ба хато рафт дилам! Фитнаи роиҳаи Ишқ магар тантана кард? К-аз пайи замзамаи боди сабо рафт дилам! Баъд аз ин фикри пизишки дилу дармон накунам, Ба Худо, рафт дилам, ваҳ, ба Худо, рафт дилам! جعفر محمد ترمذی کجا رفت دلم؟ دیشب، ای دوست، چه پرسی که کجا رفت دلم؟ من چه دانم که کجا رفت، چرا رفت دلم؟ کاکلی مشک‌فِشان، سلسله‌جنبان بِگُذشت، خویش را بسته به زنجیر بلا رفت دلم! دین و دل بُرد خطش، چشمِ خطاپوش کجاست؟ به خِتا رفت دلم، وه، به خطا رفت دلم! فتنهٔ رایحهٔ عشق مگر طنطنه کرد؟ کز پیِ زمزمهٔ باد صبا رفت دلم! بعد از این فکرِ پزشکِ دل و درمان نکنم، به خدا، رفت دلم، وه، به خدا، رفت دلم! @Jafar_Muhammad_Termizi