Осиё ва Европани боғловчи “15 июль шаҳидлар” ва “Фотих Султон Меҳмет” кўприклари 18 ноябр соат 18:00 дан 19 ноябрь 06:00 га қадар миллий байроғимиз ранглари билан ёритилди. Фатих Султон Меҳмет кўприги (ФСМ) 1988 йилда фойдаланишга топширилган бўлиб, Усмонли султони Фатих Султон Меҳмет шарафига номланган. Кўприк Европанинг Ҳисарюсту ва Осиёнинг Каваклидере туманларини боғлайди. Унинг умумий узунлиги 1 510 метрни ташкил этади. 15 июль шаҳидлари кўприги - илгари Босфор кўприги деб аталган. 1973 йилда қуриб битказилган. 2016 йилдаги давлат тўнтаришига уринишдан сўнг, мамлакат мустақиллигини ҳимоя қилган фуқаролар хотирасига кўприкнинг номи 15 июль шаҳидлари кўприги деб ўзгартирилди. Кўприк Европанинг Ортакёй ва Осиёнинг Бейлербейи туманларини боғлайди.