#Study_Skills 📚😌 أصدقاء إشراقة الكرام 😍 بعد ما حكينا عن بعض النقاط بخصوص الذاكرة، حابّين نفوت بطرق الدراسة الفعالة بشكل عملي 👌🏻 جاهزين ؟؟ 🏃🏻‍♀️ اليوم موضوعنا رح يدور حول الSpaced Repetition يلي أحدث ثورة بعالم المهارات، كونه رفع فعالية التعلم بنسبة 40 % 🤩 وصار طريقة مُعتمَدة للدارسة خصوصاً من قِبَل الطلاب يلي مناهجهم كبيرة وبتتطلب منهم يحتفظوا بالمعلومات لفترة طويلة .. فمثلاً إذا انت طالب طب ف غالباً بتعاني من ضخامة المقررات والمعلومات المطلوب منك حفظها والتعامل معها بمرونة، وغالباً كمان قالولك انه لا بد من الإعادة والتكرار، وفوق هيك الملل شيء لا مهرب منه بسبب الكثافة .. شو الحل؟؟ الحل رح تكتشفه بعد هالفقرة: أدمغتنا ما بتستوعب أكتر من 5 - 7 معلومات بوقت واحد، وبتتميز بإعادة الفلترة والتنظيم يلي بتقوم فيها كل فترة ويلي بتحذف بطريقها بعض المعلومات. يعني تلقائياً اكتشفت انه الطالب بحاجة لإنعاش المعلومات وتمكينها لتتمكن تمام بذاكرته 🤔 هل التكرار مفيد؟؟ طبعاً مفيد .. والطالب يلي بتمر المعلومة عليه أكتر من مرة رح يكون متمكن أكتر من يلي بتمر عليه مرور الكرام لكن حتى التكرار اله طريقة يكون فيها فعّال أكتر بتعتمد على إطالة الفترة بين جلسات الدراسة 📖 مثلاً طال عم يدرس تشريح الطرف العلوي، ممكن يدرسه بتلت طرق متدرجة حسب الفعالية تصاعدياً: 1- دراسة مرة وحدة 2- دراسة 4 مرات خلال 4 أيام متتالية 3 -دراسة 4 مرات خلال أسبوعين، بفارق وقت بين الأيام كالتالي (1، 5 ، 15) >> بعض التجارب قالت انه الطريقة التالتة أعطت نتائج فعالة أفضل 200% من الطريقة الأولى ! لانه التكرار المتباعد بعزز الوصلات بين الخلايا، وبيعمل إنعاش للمعلومات المنسيّة، وبنبه الطالب على نقاط ضعفه قبل التقدم للامتحان الفعليّ. الحقيقة انك إذا اعتمدت هالطريقة بتكون عم تدرب ذاكرتك لتكون فعالة أكتر، تذكر انه التعلم والذاكرة تماماً متل العضلات، بتتطور قدراتهم إذا عرفنا ندربهم تدريب صحيح 💪 قاوم مقاومة التغيير داخلك .. وبلش تجرّب الطريقة يلي طرحناها اليوم .. لا تتوقع تلاقي نتيجة من أول يوم دراسة .. بس تحسن 200% أعتقد بيستحق المحاولة 😌 تصبحوا على جلسة دراسة فجريّة مرتّبة 🤓📚📚👌🏻 #إشراقة ~