.

📍بننسى ب3 طرق:

1- خطأ بالتشفير
2- خطأ بالاسترجاع
3- اضمحلال المخزون

>> رح نحاول نفكر بحلولهن وحدة وحدة 😌✌🏻

1- الخطأ بالتشفير يعني تلقّي المعلومة أساساً كان فيه مشكلة .. متل يلي حمل غرض ورماه بمستودع مليان أغراض، أكيد وقت يجي بده ياخده رح يلاقي صعوبة كبيرة ويمكن ما يلاقيه أساساً "((
أما لو ركّز وين حطّه رح يسترجعه بكل سهولة ..

🔅 نفس الموقف تمااماً، المفروض وقت الدراسة يكون الطالب عم يدرس بكامل تركيزه وطاقته وحواسه كلها مع الموضوع يلي بين ايديه، لأنه المخ بيحتفظ بالمعلومة يلي بتعيرها انتباهك..

2- خطأ الاسترجاع بنحله عن طريق التدريب .. التدريب على استرجاع المعلومات وهالنقطة هااامّة جداً رح نتناولها ببوست عن ال Active Recall قريباً إن شاء الله ~

3- اضمحلال المخزون هو مشكلة بيولوجية طبيعية ما في منها مهرب، الحلو فيها انه ممكن الواحد ينسى نصف المعلومات بعد فترة قصيرة من تلقّيها، لكن بعد هيك منحنى النسيان بيستقرّ، يعني ما بقا ننسى شي كمان (الحمد لله 🤭)
وممكن نحلّها عن طريق ال Relearning يلي بيعمل إنعاش للمعلومات المنسيّة 😎

حديثنا ما خلص، لسا عنا شغلات عملية كتيرة نتعلمها بإذن الله 💪🏻

Stay tuned 🤩✌🏻

#إشراقة ~