#Study_Skills 🤹🏻‍♀️📚 السلام عليكم أصدقائي 👋🏻 بتكون قاعد بأمان الله عم تدرس ما بتلاقي إلا ايدك راحت للموبايل .. وهوووب فيس بوك .. بحجة انك ملان 👻 #الملل مشكلة شائعة بين كتير من الطلاب، وهو آفة العلم.. لكن شو أسبابه يا ترا؟ 🤔 • ابتعاد موعد الامتحان نسبيّاًً بيخدعك، وبخليك تحس بطول الأمل وانه لسا معنا وقت! • بالنسبة لمخّك (الحريص بإفراز الدوبامين 🥱) ساعة على فيس بوك بتضحك فيها شوي وبتشوف أشياء جديدة، أحسن ما تقعد تتفتل بين فصول التشريح.. • تخيلك للملل بأنه الوحش يلي أول ما يجي لازم تهرب منه بأي وسيلة !! يعني من الآخر.. عطوني الحل لاني مليت XD ماشي 😎 • أولاً بدك تحط ببالك انه الملل شعور عادي جدّاً وطبيعي، وهو مُلازِم لأي عمل بيتطلب وقت طويل.. • ما في داعي ترتعب إذا مليت، بإمكانك ببساطة "تتجاهل" شعورك بالملل وتكمل عادي. طنش صديقي طنّش 💆🏻‍♀️ • علاجك للملل عن طريق تصفح الميديا بفاقم المشكلة ما بحلّها للأسف 💔 • بوقت الراحة ممكن تقوم تغسل وجهك، توقف عالشباك شوي، تتوضا، تعمل أي شي غير الموبايل.. • العلاج الجوهري للملل هو الدافع القوي والهدف الواضح 👌🏻 كل يوم راجع أهدافك، انت ليش عم تدرس؟ وشو أهدافك من ورا هالجهد كله؟!! 🏆🎖🎖 القليل من الصبر بحلّ كتير مشاكل 🤩 كل التوفيق نتمنى لكم 🙏🏻💭 إشراقة ~