#Study_Skills 📚📚🖇 السلامُ عليكم 😄 وأخيييراً وصلنا لمرحلة البدء من #تفعيل_مود_النردنة 🤓✅ بالبوست الأول صححنا مفاهيمنا وأعدنا ضبط البوصلة، وبالتاني حمّينا وجهزنا البيئة، هلأ رح نقعد على مكتب الدراسة ونتعلم بخطوات عملية كالعادة كيف بنبدا !! 7- بضع دقائق فقط ! ⏳ بوقت الخمول وضعف الهمة إذا حمّلت نفسك عمل كتيييير صعب فمن السهل تتجنبه وتسوّفه، لانه بشكّل منطقة خطر .. لهيك قسّم العمل لأجزاء صغيرة سهل انك تعملها. فمثلا من الصعب دراسة مادة 30 محاضرة على قعدة وحدة، لكن دراسة محاضرة وحدة ليست بتلك الصعوبة. فينا نقسم العمل، فنقول انه رح ندرس 10 صفحات ولما نخلصهن بننتقل للي بعدهن، أو نقسم الوقت فنقول انه رح ندرس 5 - 10 دقائق فقط .. يلي هوي شي سهل وما بده كبير مجاهدة. 8- البدء نصف المعركة 🚀 اكسر دائرة القلق والتفكير والكسل بانك تبدا ! ابدأ ولو بخطوة وحدة مثلاً بلش تتعرف عالمحاضرة، حط هايلايت على العناوين العريضة، اعمل تشجير للمواضيع المطروحة، شوف فيديو عن الموضوع بعدين سجل شو استفدت منه .. وحاول تكون هالبداية ممتعة شوي ")) غالباً أصعب خطوة هيي أول خطوة، والبدء بيكسر حاجز المقاومة، وتذكر نحنا ممهدين لهي الخطوة عن طريق تحديد الهدف وتقبل المشقة وتحضير البيئة وغيره. 9- رفيقك النيرد 👨‍🎓 من أكثر المحفزات فعالية - بأي مجال نافع - على الإطلاق هو انه يكون الك رفيق فيه ! تعوا لقلكن، نحنا بطبيعتنا بنحب الأُنس وبنحب حدا يشاركنا الطريق، صح؟؟ بهون الموضوع عليي لما لاقي رفيقتي عم تعاني من نفس الصعوبات وتتعامل معها، وبحفزني جداً اعمل تحدي (كمثال) بيني وبينها 💪🏻 هي الخطوة لحالها الها تأثير سحري عالإنتاجية والنفسية يا رفاق ! 10- دوبامين 🤹🏻‍♀️ ببرنامجك الصارم خصص وقت للمتعة، مثلاً بالساعة الفلانية من النهار ما رح ادرس شو ما كان الوضع، هي مخصصة لراحتي .. وبكون أحسن إذا بتعمل وقت المتعة مكافأة على إنجازك المطلوب .. خصوصاً برمضان فيه كتير عبادات وأجواء حلوة تجدد النشاط وتُوقد الهمم وتروّح عن النفس. نقّي واستحلي 🌙 11- أيها العبد .. الزم مقامك 🙌🏻 وصلنا للخطوة 11 يلي كان لازم تكون رقم 1 >> استعِن بالله عزّ وجل .. استعين فيه استعانة #حقيقية، استعانة العبد الفقير الضعيف المكسور، يلي ما بيقدر يحرّك ساكن من دون معونة ربه جلّ وعلا .. يا جماعة نحنا من دونه لا شيء، لا شيء حرفياً، نحنا من دون معوتنه ورحمته سراب ! ادعي بصلاة الفريضة أو بجوف الليل انه الله سبحانه وتعالى يفتح لك خزائن الهمة والفهم والعلم، ادعي يُعينك ويسدّد رميك، ادعيه يتولّى أمرك وينوّر قلبك ويُذهب همك وغمّك .. ادعي يسهّل عليك الدراسة ويقرب لك البعيد وييسّر عليك كل عسير 🤲🏻 يتبع 👇🏻 @Ishraaqaa