#Study_Skills 📚🤹🏻‍♀️ مسا الخير، مسا البركة ونفحات رمضان ")) "ما الي خلق افتح كتاب" : هي عبارة عن حالة شعورية ودراسية بمر فيها أغلبنا بعدة فترات خلال السنة الدراسية 😥 ولانه نحنا طلاب بنحب نكون فعالين ومنتجين فأكيد ما بنحب هي المرحلة وبنسعى للخروج منها بأي وسيلة. •• إشراقة جمعتلكم 11 نصيحة بتشتغل على الصعيد النفسي والإنتاجي لتتخطوا هي الحالة وترجعوا تشعلوا همتكم بهاشتاج #تفعيل_مود_النردنة 🤓 باسم الله نبدأ بالجانب الفكري و #تصحيح_مفهوم ✔ 1- أهمية الدافع ! الدافع بالتعريف هو وقود المركبة، هو الطاقة الكامنة يلي بتدفعك لفعل شيء مُفيد 🔥 حقيقةً فيه نوعين للدوافع: دوافع داخلية ودوافع خارجية .. ويسهل جداً إثبات أن الدافع الداخلي أكتر فعالية بمراحل من الدافع الخارجي. لذلك الدافع يلي بهمنا مو هو تحفيز من رفيق أو تهديد من والد أو خوف من الفحص.. عم ندوّر عالدافع الجوهري يلي نابع من جواتك، تذكّر ليش انت موجود بموقعك؟؟ تذكر ليش بدأت؟؟ بدل ما عم تطّلع على ملحق العملي أبو 200 صفحة، خود خطوة للوراء وتطلّع عالموضوع نظرة شاملة وكبيرة، الغاااية من ورا دراسة المحاضرات والملاحق، المكان يلي بدك تكون فيه بعد 5 سنين ! هالشي رح يسهل عليك تحط الدراسة بموقعها الصحيح وما تعطيها قلق أكتر مما تستحقّ. 📝 تطبيق عملي: جيب دفتر وقلم _وليس برنامج الملاحظات عالجوال_ واكتب بخط ايدك غاياتك ورؤيتك وهدفك من الدراسة، واقراهن كل ما تحس بالكسل والملل. 2- المشقّة هي الأساس 🧗🏻‍♀️ بعصر الإنترنت والتكنولوجيا يلي عايشينه عم نتعرض لحملة تجهيل. تجهييل !!! 😳 اي تجهيل، لانه عقولنا تبرمجت على مقاطع الSHORTS تبع ال30 ثانية، والمقالات القصيرة، وبرامج الPOP SCIENCE وصار من الصعب علينا نتعمق بأي موضوع. لذلك يا صديقي بدي ذكرك انه المتعة هي الطارئ لا الأساس، وانه الأساس هو "المشقة" والتعب والبذل لتحصيل أي علم نافع. على قولة إحداهنّ : "ما حدا بعيش بمدينة الملاهي! " 3- في الجامعة أنت باحثٌ صغير 🕵🏻‍♀️ بمتابعة الكلام عن ضرورة التعب لازم نذكرك بطبيعة الحياة الجامعيّة يلي ما فيها حدا يشيّك عليك إذا درست أو ما درست، عملت البحث المطلوب منك أو ما عملت، حضرت أو ما حضرت .. الجامعة هي أول تجربة بخوضها الإنسان مع "الذاتيّة" وبجرّب فيها ضرورة التحلّي بالانضباط والالتزام عاليَي المستوى. DO what you have to do 💪🏻 انت شخص واعِ مُدرك وقادر على حمل مسؤولية حياتك. >> هيك بنكون _على عجالة_ أعدنا ضبط البوصلة وعملنا Refresh لمفاهيم أساسية من الضروري جدا نكون مو بس بنعرفها، وإنما مستحضرينها معنا دائماً. 📝 تطبيق هامّ: حط على خلفية موبايلك أو أي مكان بتجي عينك عليه باستمرار المقولة المأثورة: "تلمّح فجرَ الأجر يَهُن ظلامُ التكليف" 👌🏻 نلقاكم بالجزء الثاني من تفعيل مود النردنة إن شاء الله ~ بالتوفيق لكم يا أصدقاء 🤩✌🏻 #إشراقة ✨ @Ishraaqaa