#Study_Skills 📚🤹🏻‍♀️ صياما مقبولا وذنبا مغفورا وإفطارا شهيا .. جبنالكم التحلاية ")) البوست الماضي حكينا عن التصورات الذهنية الضرورية لتفعيل رغبتنا بالدراسة، إذا ما قرأته روح اقراه برويّة لانه مقدمة هامّة للباقي. واليوم رح نكمل بخطوات عملية، باسم الله نبدأ الجزء الثاني = التهيئة قبل البدء من #تفعيل_مود_النردنة 🤓✅ 4- ضع جدولاً صارماً 👌🏼 كلنا بنعرف انه لازم نحط برنامج دراسي، بس المميز ببرنامجنا هالمرة انه بيتمتع بعنصر "الجدّية" .. انت بحاجة لجدول صارم تتعامل معه تعامُل عسكري بدون تهاوُن وهالشي رح يفيدك بنقطتين: • إلغاء تعدد المهام أو الMultitasking تعدد المهام بصير لما انت ما عندك رؤية واضحة ودقيقة للشي يلي لازم تدرسه، ف بتبدا بمادة وإذ بيخطرلك خاطر انه مادة أخرى أهم وأصعب، بتترك يلي بإيدك وبتفتح المادة التانية، وهكذا بتوصل لآخر النهار مو دارس غير المقدمة من كذا محاضرة، وهالشي لا يسمن ولا يغني من جوع. • إلغاء التأثير السلبي للمقارنة مع الزملاء لما تكون حاطط برنامجك الشخصي = معيارك الخاص وعم تقيس مدى تقدمك، ما بقا تتأثر بزملائك إذا سابقينك أو مقصرين عنك .. هلأ عندك مقياسك الخاص. 5- العيش في غرف محكمة الإغلاق 🙅🏻‍♀️🔒 لما عَبَر "ويليام أوسلر" المحيط الاطلنطي كان راكب بباخرة فيها ميزة، وهيي انه بإمكان ربّان السفينة يضغط على زر فتصير الغرف يلي فيها محرّكات الباخرة (المصدرة للصخب بشدّة) مغلقة على أنفسها ومانعة لتسرّب الماء بحيث ما ينتقل من جزء لآخر ! اعمل متل ربّان السفينة، أغلق الأبواب منيح على يومك ولا تسمح للهموم ومسببات القلق بالانتقال بين الماضي والحاضر والمستقبل .. اهتمّ بيومك فقط ! اليوم هو يلي بإمكاننا نصلح فيه أخطاء الماضي ونمهّد الطريق للمستقبل، نحنا بالحقيقة ما بنملك أكتر من اليوم يلي عايشين فيه. 🖇 فيه حكمة بتقول: "لأن يحيا الإنسان مُحمّلاً بهموم المستقبل وأحزان الأمس لَهوَ أمرٌ يتداعى معه أقوى الرجال" >> فيه ميزة تانية لهي الطريقة وهيي: إيقاف التسويف .. ما معنا غير اليوم وبدنا نشتغل فيه بأقصى طاقتنا 💪🏻 6- صناعة بيئة النجاح 🎖 مساعد جداً تكون البيئة يلي حواليك بتحفزك وبتذكرك بأهدافك. 📝 رح نتناول نقاط بسيطة جدا من هدا الموضوع الواسع: • الدراسة على مكتب الدراسة، بينما السرير للنوم والمطبخ للأكل وجلسة الأهل للتسلية ")) • مواقع التواصل ليست أولوية فلا تضعها على شاشة بدء الجوال. • اكتب هدفك بشكل واضح على ورقة وضعه على المكتب. • خفف الازدحام ما استطعت وحافظ على الأدوات التي تريدها فقط. 📌 هيك بنكون استعدّينا وعرفنا شو بدنا ندرس، سيطرنا عالقلق بواحدة من أكتر الأدوات فعالية، وصنعنا بيئة متوافقة مع أهدافنا .. المرة الجاية رح نشوف كيف "نبدأ" دراسة بشكل فعلي بإذن الله 🏃🏻‍♀️ بالتوفيق لكم يا أصدقاء 🤩👏🏻 #إشراقة ~ @Ishraaqaa