#natija #insonmarkazlari Inson markazi psixologlari yordamida yana bir fuqaro hayotga qaytarildi Misrda diniy ta'lim olish maqsadida borgan bola u yerda duch kelgan ruhiy va jismoniy tazyiqlar, uning ruhiy holatiga jiddiy ta'sir ko‘rsatdi. Natijada, u yurtiga qaytgach, xulq-atvorida va ruhan sezilarli o‘zgarishlar yuzaga keldi. Boladagi ruhiy o‘zgarishlar tazyiq natijasida kelib chiqqan travmalar bilan bog‘liq edi. Shuningdek, unda stress, xavotir va depressiya kabi belgilarning kuchaygani kuzatildi. "Inson" markazi psixologlari bu holatni diqqat bilan o‘rganib, maxsus psixoterapiya usullari orqali bolani tiklash jarayonini boshlashdi. Psixologik yordam dasturi individual yondashuvga asoslanib, bolaning ruhiy va hissiy holatiga mos tarzda tuzildi. Psixologlarining sa'y-harakatlari tufayli bola o‘zining ruhiy barqarorligini tiklab, kelajakda o‘z maqsadlarini amalga oshirishga tayyor bo‘ldi. Unga ko‘rsatilgan psixologik yordam tazyiq va ruhiy travmalar oqibatlarini bartaraf etishga imkon berdi. 📝 telegram    💻 instagram   📝 facebook   🐧 xcom 🎞 youtube     🎖 ihma.uz