شاعران پاوه 126 شهلا صادقی شهلا صادقی در سال ۱۳۵۹ در پاوه چشـم به جهان گشود. دوران تحصیلش را در پاوه به پایان رسانید. خانم صادقی از ۱۲ سالگی علاقەمندی به شعر را با سرودن اولین اشعار خود آغاز نمود وی در چندین جشنواره‌ شهرستانی و استانی در زمینه شعر شرکت نموده است. خانم صادقی با تخلص ناژۆ علاوه بر شعر درزمینه داستان کوتاه و رمان نیز فعالیت می‌نماید همچنین در زمینه وبلاگ نویسی نیز فعال بوده و دبیری جشنواره فرهنگی هورامان به‌منظور آشنایی کودکان با بازی‌های محلی و شعر را بر عهده داشته است. وی بە زبان‌های هورامی، سورانی و فارسی و در دو قالب نو و کلاسیک شعر می‌سراید. وه‌شه‌ن ته‌ماشاو دیمه‌نوو پاوه‌ی که‌ش و کۆساروو چیمه‌نوو پاوه‌ی وه‌شه‌ن ده‌شت و ده‌ر هۆبه ‌و هه‌وارش گوراڵه‌ی وه‌ش بۆی وره‌زی وه‌هارش خودٚا چن وه‌شه‌ن قرمه‌ی شه‌تاوش پرشه‌ی مانگه‌شه‌و تینی هه‌تاوش قاسپه‌ی ژهەره‌ژان پای نسار وه‌شه‌ن وێره‌گه‌ وه‌خته‌ی لای هه‌وار وه‌شه‌ن وه‌شه‌ون ته‌ماشاو شاروو عارفان مه‌نزڵگاو پاکوو گرۆ عاکفان شاروو شاعران میرزا و ده‌بیران یاگه‌ی هۆش و ویر عوقه‌لا و ژیران سه‌یرانش وه‌شه‌ن ده‌شتی پیاز دۆڵ یاڕەب نه‌وینوو پاوه‌ی شاره‌ی چۆڵ وه‌شه‌ن بۆی گوڵان نه پای هه‌ردانش سووره‌هه‌راڵه‌ نه سای به‌ردانش وه‌شه‌ن وه‌رکه‌مه‌ر سووره‌هه‌راڵه بۆژانه‌ و شه‌وبۆ ڕێحان و لاله گوراڵه‌ی وه‌ش ڕەنگ وه‌ش بۆی که‌مه‌ران به‌ڕە‌زای واشان نه سینه‌ی مه‌ڕان ونیه‌س به ونیه‌س گوڵ و گیواوه‌ن خۆژە ‌و کنیواڵ و خاز و ڕیواوه‌ن پاوه‌شار وه‌شه‌ن دیمه‌نی جوانش وه‌هار و هامن په‌یز و زمسانش هه‌ر جه ئاتشگا هانه به هانه سه‌یرانگای شیرین بانی ڕکانه وه‌شه‌ن هانه ساو مه‌دٚیه‌ی هه‌سارگا هۆبه‌ و که‌لار و که‌پر و په‌چه‌گا که‌ڕێسان وه‌شه‌ن هانه‌ی مارانی شڕۆڵێ و ده‌روه‌ندٚ ئه‌و ئاو و کانی که‌ندٚە‌ڵه‌ و پووینه چه‌نی هانه‌ساو چن وه‌شه‌ن قرمه‌ی دۆڵی لاره‌کاو ده‌گا به ده‌گاش کوڵ خودٚای ڕە‌شته‌ن بێ‌شه‌ک ئی خاکه وێنه‌ی به‌هه‌شته‌ن وه‌ختوو لێزه‌مه‌ی تاو و وارانش فێنکی باخات جه ئێوارانش هه‌ر جه ئاتشگا تا ڕینگه ناوه‌ «ماچی به‌هه‌شته‌ن به‌ ڕووی دنیاوه‌»1 «به‌هه‌شت نه ئاوی نه باخ و داره‌ن به‌هه‌شت وه‌ختێوه‌ن پاوه‌ دیاره‌ن»2 وه‌خته‌ی وه‌ر مه‌لۆ مانگه کوڵ پرشه‌ن یا سۆح هۆرمێزۆ سه‌رمه‌س و گه‌شه‌ن هه‌روه‌خته‌ی بدٚیه‌ی پاوه‌ دڵکه‌شه‌ن تابڵۆی بێ‌وێنه‌ی بێ‌خه‌ت و خه‌شه‌ن وه‌خته‌ی که خه‌ڵکیش شادٚ و دڵ وه‌شه‌ن «ته‌ماشاکه‌رده‌یش ئاوه‌خته‌ وه‌شه‌ن»3 1-میرزا شه‌فێع پاوه‌یی 2- عەدنان مورادی 3- لالۆ حەمەلاو *** «وهاره شێته ، دەیری و دێوانه» وێت دياری كەره پا سەر كەشانه واچه به شەماڵ باوەرۆ سەوزی مێـزەرەی وەروين لاوەرۆ بەرزی شاهۆ ئاتشگا بەر بەیۆ چنوور قەرمەی هانان بەی بپـڕوو جه پلوور واچه به گوڵان سەر بەوران وه بەر كۆچ كەرۆ زمسان بلۆ ئەو سەفەر ئازیز وەهارەن سەوزەن هەورامان گوڵ سۆسن، شەوبۆ، بەرمەیۆ دیسان قەرمەی سیروان مەی گوزەر لی تاشان شای شیـرین وێنه، پاوه شار ماچان هاژەی وەفراوان وە پای سەردی سەنگ زەرد و سوور مندران ، وەهاری وەش ڕەنگ پاوەشار وەشەن فەسڵی وەهارش واچه به خەمی! بەرکەرۆ بارەش #عدنان_مرادی #هامفردان #شعر_معاصر_پاوه #شاعران_پاوه #شاعران_زن_پاوه #مشاهیر_پاوه