بسم الله الرحمن الرحيم قصيدة گعده بضعة الهادي خادمهه ريت اتسمه خادم وعنواني للذبيح احزاني وبضعة الهادي *** ترضه عني الزهره رايد أمنيه هذي ابحياتي والهه خادم كون أبقه ابدنيتي الساعة وفاتي واخدم حسين الذبيح ابخــدمته اضمن نجاتي ابدفترهه لوخط الـــقلم وتكتبني عدهه امن الخدم دنيايّه ماتـــﮔضي بندم وبالنعيم اتعيش ذاتي وتهمل ادموعي كـــــل مايمر طاريهه للضلع اشجاني للذبيح احزاني وبضعة الهادي *** كــــوثر البـــــاري نطاهه للنبي خير البـــرايه معنى بالــــــقرآن ثابت تشهد ابهل المعنى آيه كثره آيات ابفضلهه وݘـــــم روايه بݘم روايه حجه الزݘيه اعله الحجج بالشـده مفـــتاح الفرج إي والِذي أسره وعـــرج فاطمه نورالهدايه فاطمه الزهره يرضه الرضاهه الباري وبيهه يحچي الساني للذبيح احزاني وبضعة الهادي *** عادت اليفـﮔدله غالي تبقه تجـــري ادموع عينه وفاطمه من عـﮔب ابوهه ضاﮔت اعليهه المدينه وݘلمه طيبه كون تسمع موفـــعل شر وضغينه يتواسه كـون الينفـجع هـذا ابعرفنه اوبالشرع وللزاݘيه كسرو ضلع مـارعو بضعة نبينه ماتت الحره تجري الدمع مهضومه ظل گلبهه ايعاني للذبيح احزاني وبضعة الهادي *** راحت الزهره ابحــــزنهه واصبحت زينب يتيمه والفـﮔِد أمهه ابنياحه صـــــارت الــــــمأتم تقيمه نوبه يُمه تصيح زينـــــب نوبه تصرخ ياهظيمه ظلمه ابغيـــــابݘ دنــيتي وياريت ﮔـــبلـــݘ ساعتي حانت يــــﮔلبي ومهجتي ويافجرعمري ونسيمه ولدمع زينب تجـــري مدامع عيني وعالحزن رباني للذبيح احزاني وبضعة الهادي *** تعــــــتني زينب ﮔبـــــرهه ولــلتراب ابهم تشِمه وݘني بيهه اتـﮔلهه بعدݘ مني راحت احله كِلمه زينب اتصيحين ݘنتي وآني اﮔلݘ هـــــــــا ييُـمه سجادتݘ وكت الفرض أفرشهه بيدي اعله الأرض للموت حزنݘ مايفض ﮔلبي باقي اعليݘ همه تبچي مهمومه وظل الحــــزن للتالي يهضم وبچاني للذبيح احزاني وبضعة الهادي *** تمت بفضل الله وتوفيقه، الحمد لله رب العالمين، اللهُمَّ صلِّ على محمّدٍ وآلِ محمّدٍ وعَجِّلْ فرجَهم حيدر كريم جار الله الكربلائي الفاتحة إلى أمواتي وبالخصوص والدتي رحمها اللهhttps://t.center/haiderkarem