بسم الله الرحمن الرحيم
أمسمارَ الأسى مـــا لنــتَ كَـمْ قـــاسِ
وهذي بَضعَةٌ مِن ســـــيدِ الــــــــناسِ
أيا زهراءْ أيا زهراءْ أيا زهراءْ
***
بالعـــجل خلــصت سنينــچ يالــزچـيه
رحتي مدري روحي راحـت مـن اديه
مــــــدري آنه اوياچ وافتنه الـــمـنيه
يُمه بعــــدچ لــــو گلت صــعبه عليّه
إلچ راح ابگه مشتاگه واتانـــي يمته نتلاگه
حـــنينُ المُلتــــقى جمرٌ بأحشائي
وبعدَ الطـــــفِ ألـــــــقاكِ بأرزائي
أيا زهراءْ أيا زهراءْ أيا زهراءْ
***
يُمه رحـــتي وگـــلبچ اجروحه چثيره
حالــــچ ايبچيني بــــيّامه الأخــــــيره
سيدة كـــــــل الــنسا الحــــره الأميره
للحـــــزن تالــــيهه اصبحتي الأسيره
شكوه الطه تحچيهه كـل دمعه الجريتيهه
من العيــنينِ كـــالطوفانِ مجـــراها
على الجودي بحزنٍ صارَ مرساها
أيا زهراءْ أيا زهراءْ أيا زهراءْ
***
مـــــن اصد للباب يجري اعليچ دمـعي
وتلطم امــواج الألـــــم يايُــــمه ضلعي
ربي ينطيني الصبر مهضـومه و دعي
يشجي گلبچ من عگــب عيناچ وضعي
روحي بجمره مچويه بغربه وچني مسبيه
فدارُ الحــــــزنِ أُنبيكِ غــــدا داري
جـــــوارَ اللهِ صِرتِ والأسـى جاري
أيا زهراءْ أيا زهراءْ أيا زهراءْ
***
چم مصيبه من عگــب عــينچ تجيني
يُمه واعظمهه واشدهه آخـر سنيـني
نوح عاشرمن محرم يعـمي عيـــني
وينكسر گلـــــــبچ يــيُمه مــن ونيني
صــدر يتهشم ابعاشور ويلچم ضلعــچ المكسور
فمذبوحٌ حـُــــسينٌ مِن قــفا النحرِ
ومِن ثَمَّ تَرُضُّ الخيـــــــلُ بالـصدرِ
أيا زهراءْ أيا زهراءْ أيا زهراءْ
***
عيني عالغــبره تشوف حسين طايــح
ابدم رگبته جســـــمه يالزهراء سابح
وكل اهل بيتي مطــــاعـــــين وذبايح
وبالخــــــيم نيران تعله اويه النوايح
ولا اتمنه تـــــشــوفينه ذبيــــح واحنه سابينه
ســـــبايا واليـــــتامى بالأذى تُقهرْ
سياطُ الظلمِ في قلبي كما الخِــنجَرْ
أيا زهراءْ أيا زهراءْ أيا زهراءْ
***
تمت بفضل الله وتوفيقه، الحمد لله رب العالمين،
وصلِّ اللهم على محمّدٍ وآلِ محمّدٍ وعَجِّلْ فرجَهم،
اللهُمَّ صلِّ على محمّدٍ وآلِ محمّدٍ وعَجِّلْ فرجَهم
حيدر كريم جار الله الكربلائي
الفاتحة إلى أمواتي وبالخصوص والدتي رحمها الله
https://t.center/haiderkarem
