بسم الله الرحمن الرحيم يـــوم كسر الضلع گلــبي يُمه انكسر مايكــــــــف الدمع لـــو أعيش الدهر *** يُمه مــــثل اطباعچ بــــدنياتي طـــبعي وحـــته دمعـچ حيل يشبه جاري دمــعي والفرق مـــابــين وضعچ ويّه وضـعي ضلعچ البسمار صــابه وعــاف ضلعي ريت ضلعي انهشم او لابقــيتي ابقهر مايكــــــــف الدمع لـــو أعيش الـدهر *** أشعــــر ابالامــــچ وتـــصعـــب علـــــيّه ريته يُـمه الـــباب يعـــصـــــرني إلــــيّه لو يهشم ضلعــــــچ وضــلعـي ســــويه لاچـــــــن ادري لابــــديچ ولابـــــــــديه مـــثلــــــچ اتعذبت گــــلبي هم انعصر مايكــــــــف الدمع لـــو أعـــيش الدهر *** يالحنينه امن افـــترگنه وعــنـي غبـتي اعيوني گامت تنچوي بجـــمرة دمعتـي يُمه چلمه صـــــارت اتغـص ابحسرتي أم ابيها اشگـــد حـــنينه يـــــعني أنتي أم ابيها الرســـول طــــه خير البشر مايكــــــــف الدمع لـــو أعيش الدهر *** ابدارچ الطيبه گضـــيتي كل حـياتچ كل مچان انظرله بي من ذكـــرياتچ ابكل أذان ايأذن اذكّـــر صـــــــلاتچ بيدچ القـــران والــــــساعة وفـاتچ منچ ابكل نفــــس روحي تشتم سور مايكــــــــف الدمع لـــو أعيش الدهر *** عمري بعده ازغير ومصــابچ لفاني گـــلبي راح ايظل عگب عينچ يعاني من رحلتي كــــــل فرح يعني جفاني منـتي يايـُمه ابسفر واگــــعد واتاني يالسكـــنتي ابلحد مـــامشيتي ابسفر مايكــــــــف الدمع لـــو أعيش الدهر *** عيني عگبچ ســكنت الـدمعــات بيـهه غبتي عنهه وحگهه من يكثر بچـيهه جنتي والجـــنه گـلــــبي ايحن علـيهه روحي ترحل ويّه روحـــچ لوبــديهه رحتـي يالـــوالده وانــتي ضي النظر مايكــــــــف الدمع لـــو أعيش الدهر *** تمت بفضل الله وتوفيقه والحمدلله رب العالمين وصلى الله على محمدٍوال محمدوعَجل فرجهم اللهُمَّ صلِّ على محمدٍوالِ محمدوعَجل فرجهم حيدركريم جارالله الكربلائي الفاتحة إلى أمواتي وبالخصوص والدتي رحمها الله https://t.center/haiderkarem