Bugun Xalqaro taʼlim kuni! Shu munosabat bilan kuni kecha xalqaro hamkorlarimiz UNICEF, UNESCO, UNDP, IHRT, Jahon banki kabi tashkilotlar, taʼlim ekspertlari bilan uchrashib, sohaning ertangi kuni, yangicha yondashuvlar va xalqaro tajribalar haqida gaplashdik.
Tadbirda mamlakatimiz taʼlim siyosati, erishilgan marralar, oldinda turgan vazifalarni tahlil qildik. Maktabgacha taʼlim tizimidagi qamrovning oshishi, “Taʼlim barcha uchun teng” tamoyili asosida inklyuziv sinflarning koʻpayishi, xalqaro fan olimpiadalaridagi natijalar, xalqaro tanlovlardagi yutuqlar, oʻquvchi va oʻqituvchilarimizning ragʻbatlantirilishi, taʼlim sohasiga xorijiy mutaxassislarning jalb etilishi – buning hammasi nazarimda ezgu maqsadlarimizni ifodalaydi.
Xalqaro taʼlim kuni bilan sohadagi barcha fidoyilar, maktabgacha va maktab taʼlimi oilasini tabriklayman!@hilola_umarova
