الناشر غيث اللآمي(للقصائد المنبريه)

#خطاب_مولاتنا_ام_البنين
#وعتابها_للحسين_عليهم_السلام
#تراث


من الخدر زينب لفت شچايه
اتصيح يحسين اكعد احمي الثايه
لا على بختك يبن حاميي الجار
اكعد وشوف الحرم بيهن اشصار

بس دموع عين وحرگه چندوب
خبر منكم يجيني وكاضه البوب
واجاني الخبر گالو طاح مسلوب
وابو وجه الحلو ع الكاع مگلوب

راكضات = امعلعلات
وابو طول الحلو مات
طايحات = امخدرات
التعـب مـاهـو للبنـات
طالعـات = امتربـــات
وعلى الهّزل صاعدات
===============================
ليك من عدهه اعتنيت اعنايه
والعده اعيالك سبوهه سبايه
من عگب عينك صفت بشلون حال
انهب عزهه وجسرت اعليهه الانذال

حسرات المتاني ابداخله اتفور
چندوب المصاب اعله المره يدور
اجت وي زلم بس ردولهه انحور
عظم صدر ابو الملگه بخيل مكسور

الضـعن سار = حيره حار
يـــم جـسـد عـبـاس مـار
كلشي صار = احروگ نار
الـيــتـم خّـيـم ع الـزغــار
بـلايـه دار = وظـهـر حــار
وحــاره شـمــوس الـنـهــار
===============================
وانت حاميهه واتريد احمايه
ولا عدل منكم يــزم الرايـه
من خواتك تره محشمه أجت ليك
انولت عكب عيونك وتعتب عليك

گلت يرجع وابوسه براسه عباس
صح رد بس اجه مت عيني بس راس
عالي الرمح ما ينلاح ينبـاس
جسم الگمطيته بخيل ينداس

ابلا چفوف = بعيني اشوف
وراح چــــتـــــال الالــــوف
حمول خوف = وليل اطوف
ويــاهـو لـجـروحـي يــروف
عطش خوف = وطك سيوف
اه يــمــصـاب الــطــفــوف
===============================
امـجتـفـه ودموعهه همايــه
عفه ابضعنك تحديي الحدايه
كوم حاميهه يبن حامـي الدخيل
نار واطفال وعده وهجمت الخيل

مابس نوح يا شلعان الگلوب
نوبه اركاض هيمه وطايحه انوب
انسلب هدمك وسميناك مسلوب
العبي البيهه الحرگ هم تنحسب ثوب

تره الحال = ابلا سؤال
بلا حمه والحامي شــال
لاكــو بــال = ولا اخيال
وكـثـرن حـمـول الثـگـال
الحادي مال = الدرب طال
وزيـنـب اتـلـم بـالـعـيـــال
=============================

علي مهدي المالكي ..

https://t.center/alimahdi9x9