حامل لواء حسين عباس..
__
يراهب يراچب .. گمر وجهه گمر
حلات الحواچب .. گمر وجهه گمر
يماتنضرله واجب .. گمر وجهه گمر
تلول الروس سواهه .. وابنها
فوك الخيمه وصلهه .. وابنها
العرگة من الزغر الهه .. وابنها
طگاته يشبهن طگ اخيه
يطگاته ابدوي .. زلِمه ونشمي جوي
يبيرغ للعرگ .. يلذراعك قوووي
حامل لواء حسين عباس..
___
يطوله وحلاته ..گمر وجهه گمر
اوصف صفاته .. گمر وجهه گمر
يااحله اللتفاته .. گمر وجهه كمر
يزينب عين منج .. ماتهل كون
بني هاشم نشامه .. ماتهل كون
ابو فاضل خزرهه .. ماتهل كون
محي من الخارطه ماحي الوطيه
يزايد ع العدد .. شبل ذاك الاسد
يلاويهه الزلم .. رگب بالطف حصد
حامل لواء حسين عباس..
__
يَخيمة مجالس .. گمر وجهه گمر
يدارس يفارس .. گمر وجهه گمر
عدد زايد يمارس .. گمر وجهه گمر
ضوه من الخيمه طالع .. شابتلكم
شكد گلوب قاده .. شابتلكم
البياض الفوك الاضفر .. شابتلكم
لأن جر الشوارب من اميه
النهر قل معرفه .. ابو فاضل صفه
يبّس ريج النهر .. جدم ويخوفه
حامل لواء حسين عباس..
__
يتباهه كهلهه .. گمر وجهه گمر
يخربط غزلهه .. گمر وجهه گمر
يشدهه ويحلهه .. گمر وجهه گمر
اذا للعرگه گالو فوت .. ماتان
سيفه يجرله ميه تصير .. ماتان
اليگابل خزرة العباس .. ماتان
رجلينه وتگرم هاي هيه
العزم زاد العزم .. يطشرهه ويلم
يبعد ايدي الكلف .. يمهيوب الزلم
حامل لواء حسين عباس..
__
#عباس_القلعاوي#نسألكم_الدعـاء