الناشر غيث اللآمي(للقصائد المنبريه)

#قصائد_محرم_الحرام
#شجاعة_ابو الفضل


ابو فاضل... علم عالگاع وترف بيه الغيرة

ابو فاضل...الضعن يغتاض مايرضه ضميرة

ابو فاضل... گمر يضوي الدرب ضل ديرة ديرة


زينب اتنخته.. والگاع ماشالته

حيك يابا الفضل..لمن زينب نادته .

من گد مابيه فضل.. دز اچفوفه للنهر

تووصل گبله يريد.. چي زينب دزته



غير ابن حيدر... خوف الخوف ابعينه

نضرته خزره... بس ترف يم سكينه

يم اليهدده.. ماينگحم كافلنه

ونضرته ع الخدم.. ساترنه ومروينه



ابو فاضل.. سلم لم سالمك

ابو فاضل.. يمن فدوه المبسمك


@@@@@@@@@@

ابو فاضل... رحب ملگاه بگلبه يشب غرامه

ابو فاضل... أمام وحيل لاگتله الامامه

ابو فاضل... حزام وحيد ياگمرة عمامه


متواضع وماصغر... لابس ارسوم البشر

ياديره من الضوه.. ياگمره فوگ الگمر

يارحمه كله عطف.. بالفزعه ماينوصف

والنعم من غيرته.. كاسر اجروف النهر


عاصر ارسومه... هلبت امميه الزينب

وصاح للحافر.. لتخاف مني اتگرب

دوس بضلوعي.. وطلع اشبيه امييه

وصيحلي الزينب.. كلهه تركض تشرب

@@@@@@@@@@@


ابو فاضل... معسكر لا معسكر اقل بهواي

ابو فاضل... اوصفه الماي لا أجمل من الماي
.
ابو فاضل... حماي اولا كل اليجي حماي





عينه چنهه نجم.. ملگاه بس مبتسم

من تغورگ وجنته.. ريحه الكوثر نشم

الفرسان بسمه تهد...الينخاه لامايرد

محتار شوصف بعد.. يالحتى مايننرسم


هوه ابن حيدر... خضرت بيه ارسومه

حيله من حيله... بالحرب نفس اعلومه

بس فرق حيدر... يعگب الي مامستور

ويم ابو فاضل... مايلحگ اعله اهدومه



@@@@@@@@@@@@

ابو فاضل... الغيرة اتفور بحساسه وكيانه

ابو فاضل... بطل جيدوم ياحيدر زمانه

ابو فاضل.. لحد الأزل ما يبرد حنانه


وهوه من فوك الرمح... يعرگ اخيام وملح

كلما يضيع الضعن.. يلكاه ثايه بصبح

حده اليوصل للخدر... برمحه اوماتنگدر

زينب تمشي بهيبته.. چنه لا مامنذبح


خيمه لضعونه.. ايخللص الليل ايناطر

حارس وكافل.. ع الرمح واهوه تكابر

وبالشمس باقي.. فييه ايوهس زينب

والنعم منه.. كافل اليوم وباچر



@@@@@@@@@@@


ابو فاضل... ابابه العبد يغفر يريده

ابو فاضل... يجيه محزون ياكهفه او حيده

ابو فاضل... البسط ذرعانه يمه لزم ايده



رب الغيره والشيم...كافل الكل الخدم

اليعطش بس ينتخيه.. وحده يرف العلم

نضرة اعيونه امان...ياربي ورب الحنان

اليتعناله مايخيب... يالراضي حته السهم



محد ايحشمه. . يعرف النيه ويفزع

ياگمر اهله... ع الغيره هوه مطببع

طوله المفصل.. ينطي معاني الهيبه

من يجن ليله.. يركض لربه يركع

---

سيد فيصل الشريفي