الناشر غيث اللآمي(للقصائد المنبريه)

ها يخوتي
ها يخوتي
'''''''''''''''''''''''''''''''
من كربله للكوفــــه صارت رحلتي
ومن دخلت يخواني نزلــت دمعتي
موقف لجمني وحيل زيـــد لوعتي
گلمن خذه نسوانــه وانــــه بغربتي
أتلفت أيمين شمـــــال
انطــــر يجيـني الكفال
،،،،،،،،،،،،،،،،،،،،،،،،،،،،،،،،،،،،،،،
النسوان صاحت والاهل حاجوها
وگبالي ردت كـــــل مــره ردوها
وانه اختك المحد اجـه وحاجاها
ضلت تلفت والغــرب بجـــوهـــا
بجوها اختكـم يحسين
وضلت تدير الـكم عين
،،،،،،،،،،،،،،،،،،،،،،،،،،،،،،،،،،،،،،،
عيوني انه صارت عالرمح يعيوني
يخوانـــــي زينب انـــه متحاجوني
تشوفون يمكم صاحـــــو وطگوني
أبين الغرب وحـــدي انه لتخلوني
ياوحـــــدتي وياغـربتي
يخـــواني نزلت دمعتي
،،،،،،،،،،،،،،،،،،،،،،،،،،،،،،،،،،،،،،،
طگونه وگـبال الغرب بجـــونـــه
نلوذ وحـــــده بوحـده ما راعونه
من السوك خـويه للقصر ودونـه
يسمونه غربه أخلافك يسمونــه
حالي انه تعبت يخوان
وياي بـــس النـــسوان
،،،،،،،،،،،،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري

أگثر موقف تعب زيـــــنب
حال حسين أبلا عبـــــاس
ردلي ومامش شوف بعينه
حاير گوه يجر أنفـــــــاس
خانگته العبره بنـص كلـبه
طب للخيمه مدنگ الراس
راح الهيبه يگلي أم عــون
راح أحتار أبين النــــــاس

طــــاح گبالــي وصــاح حســــــين
گـــــومني انــه أبلا جـــفـــــــــــين
*********
ذاك الطول وذيج الهـيبه
شفته موذر خويه بعــيني
اول مره وياي تصــــــــير
گافل ضعني انه يبجيـني
مو هوه الــميت لا انــــــه
طاح وماتت كلِ سنيـــني
وي طوله تمددت بطـولي
وگال لزينب لتـــوديـــنـي

گتله أشلــون وهــــيه أتـــانــــــــي
غـــيرك مامـــش گافــــــــل ثانـي
******
گتله عيـــونــــك لا تفــتحـن
خـــايف سهمك يلجم عينك
گـــوم الخاطر زينب خـــويه
الخـــاطر زينب مو لحسينك
عينك مــــو لسهامك عينك
تدري احنه شكد محتاجينك
يمبجيني گبــــــال الـــــغربه
انـــــه بعازت ناصـــر وينــك

گـــــــــوم حـــسينك يـبجي گـبـالـك
كلـهـا تـــــــــريــدك حتــــه أطفالـك
*******
تعبــت روحي وذبلت روحه
ومامش راي وضــاع الــراي
بجسمه أسهام بگد أجروحي
وذيج عيونه الحلوه أهــواي
ذبلت كل الــــدنيه بعـــينـي
من كلي اخذلهم بـس مــاي
وگتله شلــون وزينب تـنـطر
انته الگافل وانـتــه أفــيــاي

گلـي أم عــــــــون وغمض عــيــنـه
الخاطر عينج ضــــــــحه يــمــيــنـه
،،،،،،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري
شور كعديه

محتاره ضلت زينب… محتاره ضلت زينب
،،،،،،،،،،،،،،،،،،،،،،،،،،،،،،،،،،،،،،،،،،،،،،
ياهـو التلمـه مـن السحك
ويـاهـو التشـيـلـه مـوذر
عبــدالله گطـعو مـنحـره
وحسين جسمه مطــشـر
ومات شكثر من السحـك
والــراس صــــار مـطـبـر
وكل هذا مر عليها ... عگب الكمر واليها
،،،،،،،،،،،،،،،،،،،،،،،،،،،،،،،،،،،،،،،،،
مرت مصايب عالكـلب
وزينب بحـيره وهـمـه
وحسين ضل الوحـده
ومن راسه ينزف دمه
بنتك اجت يم راسـك
تحب بالنحر وتشـمـه
وماعدنه شي لله بعد
هذا الحسين نـقدمـه
ومن بعدك يشتموها ….. گبال الغرب يسبوها
،،،،،،،،،،،،،،،،،،،،،،،،،،،،،،،،،،،،
بالطف اجن كلهن سوه
ضيم وحرگ والمجزره..
مستعجل الذبـاح اجـه
وعتز تراهو بـخـنصـره
وكل ماتمر خيل وتـهـد
وادعي الله بلكي تعبره
الخيل تركض والسحك
وعيالـنــه مــطــشـــره
هذا الي مر عليها …… زينب تعب ماذيها
،،،،،،،،،،،،،،،،،،،،،،،،،،،،،،،،،،،،،
حسيــن ضـل عـالــتـرب
وعباس ياهو يــشــيلــه
ومامش ولا واحد يصد
ليه انه حتـه احـجـيـلـه
فرهدت خيمـتنه الـزلـم
وحسين ماهو اشگيـلـه
وعباس طاح عـالـتـرب
والراس غربه تـشـيـلـه
ياهو اليجي ويحميها … حبال العده تاذيها
،،،،،،،،،،،،،،،،،،،،،،،،،،،،،،،،،،،،،

#اللهم_عجل_لوليك_الفرج
#خادمكم_سيد_حسن_الياسري
شور كعديه

عودتني
وتعبتني
*
لا تحبني اليله اموت وخاف اتعبك من تحبني
انت اعـز واحــد يخـــويه وعندي اعـز من ابني
أطشرت روحي برحيلگ فـــــــدوا گوم ولمني
انا اخيـك يالتحبني ضهري عگبك صار محني
فوگ طولك طولي طاح
وياك كلشي خـــويه راح
ضحگتي وكلشي بحياتي
وصوتي راح أمن الصياح
*
مرا اعثر مرا اگـــوم أبين كل الــــناس اجيت
يمك الوادم تگول حسين شو وحـــدك بقيت
هسه اليه تگوم هسه والله مـــاصدك مشيت
تحبني انته هواي اعرفك وانه احبنك بجيت
تحبني وانا هــــواي اريدك
گــــــــــوم لتبجي عضيدك
الخاطر ام عــــــون العزيزه
اشبكي خويه وضمني بيدك
*
اليـــــله مو مثل اليالي تختلف ياخـــويه حيل
الهــوه ياخذني ويردني وكلشي ببن امك يعيل
الخاطر اختك گوم فدوا وامسح دموعي التسيل
الـــيل صار وانته گمره تضوي لــو مر بينه ليل
اليــــــــل اضلم وانته نور
الجيـش ضل فوگي يدور
حيــلي ضاع ومالي حيـل
وطــش خبر موتك بخور

*
عگب عيــنك باجر انه بوحدي اضل بحيره
وزينب تعاين علــــــــيه وبيها حسره جبيره
تضيگ بيها الدنيا حيل من يلموني بحصيره
ومـن بعدها مجتفه تمشي اخيتنه اســـــيره
عالهزل وعيونها تصد عالرمح
منين ماتندار يلجمها جرح
الهزل كلساع وتميل أوي الهوه
الحادي مايرحم خوات المذبح
*
راح ارد للخيـــــم وحــــدي وراح يـــگثر وني
كسرتك صعبه وجبيره وضهري عگبك محني
أثنين گسرن كلبي خويه فراگ وجـهك وأبني
گمت اجر بروحي گوه وأنهدل ياخــويه متني
امشي وســـهام العـــــده تاذيني
ومــــــن اصد الــزينب تــبجيني
انته اعز من روحي عندي هوايه
وعگبك انه تضيع كــــل سنيني
،،،،،،،،،،،،،،،،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري
شور كعديه

يعين كلبج يــــــم حسن هل ليله
اليله راس حســــــين غربه تشيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله ام حســـــين ماهي بخير دوم
تشوف ابنها عالتـــــرب وبلا هدوم
وباجــــر يضل نايـــــم بحر السموم
ماكو يمه أخـــــــــــوان واتجيله
اليله راس حســـين غربه تشيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ينسحك بالحافر وهيــــــه تشوف
الخيل عميه وبالصــدر كله تروف
ينگطع راسه ويضل بـــــلا جفوف
حـــــيل ماضل بيه رايح حيله
اليله راس حســن غربه تشيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تگابلن زينب وامها عـــــــله الذبيح
عيني عميه ولا شفت ابـــني جريح
اليله كل الدنيه فوگانه تطــــــــيح
ميته ريـــــــت ولا شفت هليله
اليله راس حسـين غربه تشيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شـــــــــلون يبني تخلي زينب حايره
خيـــــــــــول والغربه عليها دايـــــره
هـــــــــــاي صعبه وعدنه لا ماصايره
باجر الغربـه تــــــــــرد بالعيله
اليله راس حسين غربه تشيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،

نزال
#اللهم_عجل_لوليك_الفرج
#خادمكم_سيد_حسن_الياسري

يايمه يايمه يايمه .. يايمه يايمه يايمه
،،،،،،،،،،،،،،،،،،،،،،،،،،،،،،،،،،،،،،
اخبرج يم حسنَ مـَن نحـره حـبـيـتـه
شبگتِ حسـين يـمـهَ بصدري ضميته
مخنوك شكـثـر مـامـشْ هوه بـريـته
مابيه حيل يمه يگوم جا وياي رديته

مـامـش عنـده ابـد حـيـل
فــوكـاه شــكــثـر خــيــل
مـامـش سـتـر بــس لـيـل
دمه على ألثــره يــسـيــل..
((( دمه وهدومه وصلن للمخيم)))
،،،،،،،،،،،،،،،،،،،،،،،،،،،، ،،،،،،،،
وصلته ودمه سايل من عله جـبـيـنـه
متعوب شكثر يـايـمـهَ ابَــو أسكـيـنه
حاجيـتـه ونـضَـرِلـي وزاد بــونيــنــه
زيـنـه بـشـوفـتـك ياتعبي وسـنـيـنـه

زينه بشوفت عـيونـك
ولو هن ضاعن سنينك
اموت بكثرة أونـيـنـك
أدور عـليك جا ويـنـك
(( وصرت أدورنه أبين الخيل اخوي ))
،،،،،،،،،،،،،،،،،،،،،،،،،،،،،،،،،،،،،،
يـيمه وجـرحـه مـاضنـه بعـد يـلـتم
الهوه تغير صبح دخان بس يشتـم..
راح وحـيلـي گـله بـروحـتـه تـثـلـم
ميت منهـم وبــهـدومــه مايــسلــم

جروحه هوايه يايمـه
ماخلونـي اضـل يَـمِـه
طريح وسابح بـدمـه
مطشر جسمه شيلمه
(( وگلي شيلمه ضاع وي الحرافر ))
،،،،،،،،،،،،،،،،،،،،،،،،،،،،،،،،،،،،،،،،
صارت ضلمه حيل واحنه نسوان
وانه هواي حيل بـعـازت اخـوان
مانشتم هوه الله نشـتم الدخـان
وراح يطر فجرنه وندخل الديوان

انه بـعـازت أخـوانـي
أريـدنـهـم يــردونــي
احجي وما يحاجونـي
وحـدي المن تخـلوني
(( وحدي خلوني ماتو كل اخوتي ))

،،،،،،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري

محتاره ضلت زينب… محتاره ضلت زينب
،،،،،،،،،،،،،،،،،،،،،،،،،،،،،،،،،،،،،،،،،،،،،،
ياهـو التلمـه مـن السحك
ويـاهـو التشـيـلـه مـوذر
عبــدالله گطـعو مـنحـره
وحسين جسمه مطــشـر
ومات شكثر من السحـك
والــراس صــــار مـطـبـر
وكل هذا مر عليها ... عگب الكمر واليها
،،،،،،،،،،،،،،،،،،،،،،،،،،،،،،،،،،،،،،،،،
مرت مصايب عالكـلب
وزينب بحـيره وهـمـه
وحسين ضل الوحـده
ومن راسه ينزف دمه
بنتك اجت يم راسـك
تحب بالنحر وتشـمـه
وماعدنه شي لله بعد
هذا الحسين نـقدمـه
ومن بعدك يشتموها ….. گبال الغرب يسبوها
،،،،،،،،،،،،،،،،،،،،،،،،،،،،،،،،،،،،
بالطف اجن كلهن سوه
ضيم وحرگ والمجزره..
مستعجل الذبـاح اجـه
وعتز تراهو بـخـنصـره
وكل ماتمر خيل وتـهـد
وادعي الله بلكي تعبره
الخيل تركض والسحك
وعيالـنــه مــطــشـــره
هذا الي مر عليها …… زينب تعب ماذيها
،،،،،،،،،،،،،،،،،،،،،،،،،،،،،،،،،،،،،
حسيــن ضـل عـالــتـرب
وعباس ياهو يــشــيلــه
ومامش ولا واحد يصد
ليه انه حتـه احـجـيـلـه
فرهدت خيمـتنه الـزلـم
وحسين ماهو اشگيـلـه
وعباس طاح عـالـتـرب
والراس غربه تـشـيـلـه
ياهو اليجي ويحميها … حبال العده تاذيها
،،،،،،،،،،،،،،،،،،،،،،،،،،،،،،،،،،،،،

#اللهم_عجل_لوليك_الفرج
#خادمكم_سيد_حسن_الياسري
شور كعديه

يعباس گــــــوم شوف احوالي
،،،،،،،،،،،،،،،،،،،،،،،،،،،،،،،،،،،،،،،،،،،
اليــــــــله اخيتك حايره ومشتاگه
وباجر أوي الغرب تصعد نـــــــاگه
تلگه وجهك واللــــــه ماني فراگه
وبعد يــــــا عباس مـــــــــا نتلاگه

تدري خدري عليك كلش غالي
يعباس گـــــــــوم شوف احوالي
،،،،،،،،،،،،،،،،،،،،،،،،،،،،،،،،،،،،،،،،،،
يالطحت وحسين حـــــدب ضهره
كلبه شاب وشاب اشـــوفن شعره
مختنك وبصدره احســــــن عبره
گــــــسرتك مامنها صحت كسره

دمعته بخده اجاني تـــــــــــلالي
يعباس گــــــــــوم شوف احوالي
،،،،،،،،،،،،،،،،،،،،،،،،،،،،،،،،،،،،،،،
بـــــــده الجيــش يستعد لخيامي
والحسين حـــــــــيل كلش ضامي
خاف يروح وهم يردلـــــــي دامي
وانه شلون بحيره اضــــل بيتامي

يحرگون كــــــــــل خيمنه گبالي
يعباس گــــــــــوم شوف احوالي
،،،،،،،،،،،،،،،،،،،،،،،،،،،،،،،،،،،،،،،،
طاح حســــــــين والخيم حركوها
والحــــــــــــبال بيدنه شــــــدوها
والاطــــــــــفال بسوطهم طگوها
رقــــــــــــــيه تبجي مـــــا خلوها

يرد ليــــــش ضعني باجر خالي
يعباس گـــــــــوم شوف احوالي
،،،،،،،،،،،،،،،،،،،،،،،،،،،،،،،،،،،،،،،،
اخيتك تـــــــــــدري بيها جبيره
اخيتك راح اضـــــــــــــل بحيره
يفرون ضعني انـــــــه بكل ديره
ويــــــــــــردون بيه بـس أيسيره

ولا عـــــــــــــون باجر الـيبغالي
يعباس گـــــــــوم شوف احوالي
،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري

عبد يمه عبد يمه

رد أبـوك وعـيـنه حـمـره
.. ماعرفت شصـايـر
رد عليـه ودمـعـه سـايـل
.. ابـو الاكـبـر حـايـر
مايـسـولف دمعه يحجي
.. ولا يگـلي الـصايـر
راح سگته ورجع سگـتـه
.. وبالوجـه هـم دايـر

سكته الحسين رجعته وتسيل عيـــونـه
احجـي ويـاه وأخــافـن أيــتـغـيـر لـونـه
خاف أسئله عبد وين رجـعـت بـدونــه

ردلي الحـسين .. والعـيـون .. دمـع مـتـروسـه
دمعــه بالعـين .. الحسـيـن .. عـبد مـا أبوسـه
،،،،،،،،،،،،،،،،،،،،،،،،،،،،،،،،،،،،،،،،،،،
خاف أسئله وخايـفه انـه
.. مـن جــوابـه و رده
صوتي ضاع وضاع لونـي
..وصرت مثل الـورده
عبد وينه حسـين فـدوه
.. كلـبي راح تـمـرده
راح اموت أمن السگوت
.. مـو گـلتـلي تـرده

ابني عطشان وذبلان خذيته تشربـه
گـلي الحسين عبـد مات وراح الـربه
عيني سالت والحسـين ضـيـع دربـه

روحـي نـاحـت .. وطاحـت .. لمــــن گـلالـي
رحـت أداويــه .. وأثـاريــه .. سهم جـتـالـي
،،،،،،،،،،،،،،،،،،،،،،،،،،،،،،،،،،،،،،،،،،
شفته مذبوح يلوجع هوايه
.. سهم صـايب نحـره
ريت سهمـك بيـه هــذه
.. يـلي روحـك خضره
راد ابوك يجره سهمك
.. وخاف خاف يـجره
خـاف نـحـرك يـلـجـم
وصرنه احنه بحـيره

حيره يبـني عبـد لـيـش رحـت يـولـيــدي
ياعطش ليش يجتال خذيـتـه أمـن ايـدي
رحت عطشان ييمـه ومتـت هــم بـيـدي

هـا يعـطشـان .. يـذبـلان .. تــَفـز يـاروحـي
العطش خوان .. يتـعـبان .. يبعد جـروحـي
،،،،،،،،،،،،،،،،،،،،،،،،،،،،،،،،،،،،،،
حيره بيك أهـواي حيــره
.. يالمتعبنه بسگوتـك
مـا مـتـت مــن الــعـطش
.. بسهم صاير مـوتـك
مــتـت يـا تــعـبي ودلالـي
.. ماتِسولف وين صوتك
أنه أگبر للسهام وللخيول
.. وتعبي صار بخـوتـك

بيك أحيرن لو ببوك ولـو بحـالي
ضل ابوك بحيره ودمـوعـه تـلالـي
غالي ويودعله كل ساعه ويه غالي

هـا يـغالـي .. ودلالـي .. متت سگـتاوي
يجـتالـي .. وياحلالي .. يلي نحرك ضاوي
،،،،،،،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري

((علي يبني رد يوليدي .. علي ))

من الخيمه اجيت أرگض
لحد جسمك گثر شيبي

يشيبي فدوه الك يبنـي
بس أحجي وگف كلبي

گلي بــويه وأرجع موت
دخيـلـك يبنـي يحبيبي

تَفـز الـوادم تـبـاوع .. وأسـمـعـهـم يـگـلـولـي..
بـعـد مـايـگعـد أولـيده
يبني الصعبه والتلجم .. أگعـد گامو يگـولـون ..
مــات ابنه أنذبح بيــده
أحلفك بس تفز ليه .. انه بوحدي وانته تشوف ..
راســي الــوادم تـريـده

گــوم الي ..  يـــــبـــنـــي بـــس رد ردي
گــوم الي .. وخـــلــي أيــــدك بـأيــــدي
گــوم الي ..فـــــدوه هــــا يـــولــــيــدي
•••••••••••••
يبني انخاك نـخـوه انه
گـوم ويـاي خــن نرجـع

امــــك بالـخـيم تـنطـر
وأخافن يبني لا تطـلـع..

بيـدي ومـا اضن وأقنـع
ميت وأحجي ما تسمـع

صوتي أنبح ولا جـنـك ..ابوك ويطلب النخوه ..
اول مــره ما تـفـزع
يـوليـدي أتعـبت انــه .. وهم فدوه الك يبني..
تـعـبني لمـا تـقـنــع
هذه انه اجيتك كوم .. يصاحب روحي يوليدي..
روحي مو بدت تطلع

انه ابوك .. أگـعـد شـلــعـت كــلــيـبي
انه ابوك  .. بس احـجي  يـامـحـبـوبـي
انه ابوك .. دمَعـــي نــــگــع ثـــوبــــي
•••••••••••••
يوليـدي الحـجي يتـعب
وشسولف وأمك اقنعها

أخـافــنـه خـبر مـوتـك
يوليدي انته يفــجعـها

انه أحــتاريــت يابـويه
خبر مــوتك يـموتــهـا

گلي شحجــي ويـاها .. وتصدگ ما متت يبـني
ودمك تارس أهدومي
عميت عيوني يابويه .. وطاحـن يمـك عيـونـي
وياهو يردني لخيامي
أخافن لو گمت منك .. أرد للخيــامي ما أگــدر
يالمـتعـبني يا هـمـي

شــوفي راح .. وحـيـلي مـاضـل بــيـه
شــوفي راح .. يـالمـــــتــت بأيـديـــه
شــوفي راح .. يـــبـــنــي رد عـــلـيــه

،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري

علي بويه
علي بويه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياعلـــي ضاگت علــــــيه
وجيتك اشــــــتم الهـــوه
الدنيه زغرت بيه كــلـش
وجيــــــــت ادورنك دوه
شما اشمك ابجي روحي
بعيني ماضل كل ضـــوه
مـــوش بس انـته المتت
لا علـي متنه ســـــــــــوه
ضاگت وماگمت اشوفن بويه بعيوني الدرب
فراك وجهك مو ولامي ياعلي وكلش صعب
انه ابوك ويمي صاحــــو شايب وماعنده اخو
كلشي هين الـــه فـگدك واصل بنص الگلب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
صـــابني بنـــحــري يريته
الصابك بوســـط الكلــب
شبيه كلها تصــــيح ميت
وانــــــــه اكلهم لا صعب
ابنـــــــي مامـيت يحـبني
مـــــــا يــــموت عالحرب
ضحگو گـــبالـي الشماتـه
گـــوم ردهـــــم يالمحب
يمي ضحگو ياعلي وتدري انته ابوك بحاله
شرد اصيرن وانــــــه واحـد ماضل اليبراله
شـلـــون تخلص وي فگدك يالمتعب حالي
مناشغ گبال الشماتــــه وعيني الــك هماله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انته ميت وانـــــــه ميت
بطيحتك يـالـغــــــالــي
بيدي بــس ماصدك انه
وليدي الــــــــي جــتالي
حـيل ماضل وارد لمك
شـــلون تنضر حـــــالي
ابني يرجع يابو خــدري
هــــــــــاي جلـمه أبالي
غالي عدنه أهوايه غالـي ومانفارك روحك
كلــشي يوجعنه بفراگك وفاضتن جروحك
شبيها تضحك يمي كلها وتعبوني أهــــوايه
والمصيبه التعبتني جـروحك انته ونـوحك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بوحدي شلتك والحوافر
خذت مــن جسمك وذر
تعباني أهــوايه جسمك
وسهمك الــوسط النحر
بعيني يبني شفت دمك
وگمت امسحه وضل أثر
شلتك وطاحت عيونك
وبيــــــن أعـــليه الكسر
لملميتك گــوه يبني وللخيم ماريـــد اجي
التمت عليه خواتك ياعــــلي وصار البجي
شافت امك حالك ابنــي وعاتبتي عالجره
وسولفت ليه سوالف والحجي الما ينحجي
،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري

علي يبني
علي يبني
،،،،،،،،،،،،،،،،،،
ماحسبت تعوفــــــني أبين الغرب
يبني حضنك عيني مو نوم الترب
كلب ماضل عنــدي تعبان الكلب
صعب يوليدي تره وداعك صعب
صعبه اسولف وانته متحاجيني ،،
وتالـــي يــــــم الغربه وتبجيني ،،
،،،،،،،،،،،،،،،،،،،،،،،،،،،،،،،،،،،،،،،،،،،،
لا تسد عينك أحجيلي أجروحك
تعبتني هـــــواي بويــــه بنوحـك
روحي طلعت وي طلعت روحك
وكـــــامو يصيحولي لم مذبوحك
خاف الجمك مـن المك خايف
نازف شكد جسمك شكد نازف
،،،،،،،،،،،،،،،،،،،،،،،،،،،،،،،،،،،،،،،،،،،،
بويه اگعد شــوف ابــوك شحاله
أبين غربــــه وفوگه بــس خياله
لا ابـــــوفـــاضــل لا انته التبراله
گــــوم لحسينك وشوفـه شـماله
شوف ابوك شلون تعبان وينوح
تالـــي يالاكبر تخليني وتــــروح
،،،،،،،،،،،،،،،،،،،،،،،،،،،،،،،،،،،،،،،،،،،،
بيدي كــــــل أعزازي ماتو ياعلي
شلون تصبر روحي ماتو كل هلي
ودعت بيدي ابــــو فاضل گافلي
وانته رايــح جا بعد ياهــــو اللـي
انـــه راح احتار بين الغربه هـــاي
راي ادور وحدي اضلن مـاكو راي
،،،،،،،،،،،،،،،،،،،،،،،،،،،،،،،،،،،،،،،،،،
#اللهم_عجل_لوليك_الفرج
#خادمكم_سيد_حسن_الياسري

(انــــــه تـــــــــــــربــــــاتــــــك يــــبــوي)
.
بويه بس أرخصلي والله الزلم هاي افنيها
انه ترباتك يبويه وانتـه بس احـجـــــــــيها
والله ما خلي رگاب وكلها هاي أكضـــيها
عالو علينه يبويه تريد نسكـــــــت بـــــيها
عالو وهمه الحـــرب رادوها
روس طلبت موت لتردوهــا
،،،،،،،،،،،،،،،،،،،،،،،،،،،،،،،،،،،،،،،،،،،،،،
هذه موش ولام هاشم ما ترد العــايــــل
دوم مانرضها والله وأله دمهم ســايــــل
انته ترباتي يبويه وانته هيــج الگــــايــل
زلام هاشم گلفه دوم ودوم ماتتمـــايـــل
وي ابوي الناس عالو ويلهـم
والله بس أنزل اضيع حيلهم
،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم اذبن حيلي بيهم كلهم يعرفــــوني
الخيل صهلت هذا حدها وين اليلاگـوني
راح ابجيها الحرايب لحضه بس خـلــوني
غيره شايل من عضيدي ولازم اسمعوني
موش بس الحيل ابوگ رگابهم
انه ترباتك يحيد الطــــــــابـهم
،،،،،،،،،،،،،،،،،،،،،،،،،،،،،،،،،،،،،،،،،،،،،،
السيف وي الجيش شــد عــــنـــــاده
ماكو قاده واحنه بــس القــــــــــــاده
ياهو گال عله الخـــيم يــتـــمـــــــاده
انوب عيله وصارت وي الســـــــــاده
دوم مانسگت تره تعرفـــونه
بني هاشم احنه الي يسمونه
،،،،،،،،،،،،،،،،،،،،،،،،،،،،،،،،،،،،،،،،،،،،،،
عــرگه صــارت وي ابوي وماتفض الــــيله
حافي اطــب عليهم انه ومااطب بكحــيـله
همه جابوهــا النفسـهم هاي كلها العـــيـله
الجيش اشلع عيونه رايح واله اخلص حيله
حيل اشد وياهم انه الــــيله
ياهو يدنه عله الخيم ياويله
،،،،،،،،،،،،،،،،،،،،،،،،،،،،،،،،،،،،،،
نزال
#اللهم_عجل_لوليك_الفرج
#خادمكم_سيد_حسن_الياسري

دخيلك ياعلي يالاكبر**

حگي يابويه انه بيك أتبـــــــــــاها
عيونك عيون النبـي ومحـــــــلاها
عالــــو وتــــبــجي الزلم خـــــلاها
وكال مانسـكــت ولا نـرضـــــــاهـا

دوم مانرضاها واحنه الســاده
نعارج ونگتل گبار القـــــــاده
،،،،،،،،،،،،،،،،،،،،،،،،،،،،،،،،،،،،،،،،،،،
ترهدن وطب الهم وشر ســــــيفه
وگام ياخذ يمنه يسره بـكـــــــيفه
واليگله دخيلك انه يعــــــــــــيفه
يدور الصيده النشيطه نظــــــيفه

گباله شردو قاده والخيـــاله
ماكو بيهم حيد ابد يدنـــاله
،،،،،،،،،،،،،،،،،،،،،،،،،،،،،،،،،،،،،،،،،،،
علي الاكبر والدخل للحــــــــومه
ويوم شافه الجيش ذب هـــدومه
وكال موت وهذا حدها ويــــومه
و هاشم تعرفون شنهي علــومه

عيله وي الساده مانرضاها
بينه هاي الودام شوازاهــا
،،،،،،،،،،،،،،،،،،،،،،،،،،،،،،،،،،،،،،،،،،،

احنه ساده وبالعرگ شـــــــرايه
حسين هيبتنه وبَختنه الـــــرايه
وعمي ابو فاضل يمحله فيـــايه
فضله جازينه ونعشگه أهـــوايه

لو جهب خيال ياخذ روحه
منه متعلمين عالي نلوحه
،،،،،،،،،،،،،،،،،،،،،،،،،،،،
نزال لـ مولاي علي الاكبر
#اللهم_عجل_لوليك_الفرج
#خادمكم_سيد_حسن_الياسري