الناشر غيث اللآمي(للقصائد المنبريه)

#قصائد_محرم_الحرام
#شور_گعده
#السيدة_سكينه



بويه حسين... بنتك انه سكينه

اباب الخيام .. يابويه تانينه

وين الفرات... شمدرينه هيچ ابعيد

ماردنه ماي... بس انت رد لينه



گلبي مايچذب حزن

مدري شبيه شو گمت اون

ياناس الحگوا للحسين

ما عندي بس هذا الحضن


نار الهجر... شتعلت گبل نار الخيم

وشو گمت اشم... ريحه قميصك بيهه دم

الحگ يبوي.... ضعنك وحيد وبي حرم


@@@@@@@@@@@@@@@


وكت العصر....وگلبي جفل بسمك

مدري اشأحس.. اسملله عله رسمك

بروحي الهجر... حسيته فك بابه

يايوسفي.. يابير الي يضمك



يابويه ماضلت خيم

حترگن وجرحنهه الجدم

بويه وانه ورقيتك

ضلينه نفتر ع العلم


بويه الضمه..هيين ولا نعطش ابو

ماتنحمل... كلمه يتيمه من العدو

واحد وگف... رف رأيتك يعني شنو



@@@@@@@@@


الحالي بقيت... گلت ارجع لضعني

لصوب الخيم... الدخانه دلتني

ومن اركضت. ولني اعثر بجربه

مادنگت.... والحسره خنگتني



ماشربت منهه احترام

لعمي العيونه بنص سهام

والله اليعوضنه گلت

بچم نهر يم الخيام



ومن اوصلت ... شفت ولطمت او ايست

نار وشرار ........تمنيت اموت ومامتت

حيلي انهدم..مدري گمت مدري طحت


@@@@@@@@@@@


للهيمه اركضت.. شافوني والتموا

بتمن سأل... جاوبته شو ضحكوا

جابوا هزل.. ورچبوني ياوسفه

واتيسرت... وي ضعني التيسروا


لگيت الضعن كله بحبل

مچتوف ويمه بس هزل

واسمع عمتي سكينه تصبح

ياعمه ماشفتي الطفل



وانه اصرخت... بس لا تقصدين الرضيع

خاف اندفن.... بين الرمل هسه يضيع

ذابل حرام .. لكل الضعن چان الربيع



@@@@@@@@@@


صار الضلام... وهم ضاعت ارقيه

وضج الضعن. طفلتنه ماهيه

ومحد بقه... يحرسهه عيلتنه

فشله الغريب.. يحرسله علويه



حد ما ردت عمتي بخبر

رقيه جانت يم النهر

ماتعرف تغفه بلا حضن

وبس حضنك ايحلي السهر



وصار الصبح... وفجعتني عمتي بموتتك

وشفت الرمح...وشيبت بويه بشوفتك

وماضل امل... راح العمر وي روحتك

---
سيد فيصل الشريفي