⚜️ М.К. Аммосов аатынан култуура дыбарыаһыгар «А.Ф. Шестаков аатынан улуустааҕы норуот айымньытын дьиэтин» иһинэн үлэлиир Намнааҕы норуот театра туруорбут «Туллуктай» остуоруйа-испэктээк сүрэхтэннэ. И.Д. Винокуров – Чаҕылҕан «Туллуктай» остуоруйата «Биэс ынахтаах Бэйбэрикээн эмээхсин» норуот остуоруйатыгар маарынныыр ис хоһоонноох. Саха норуотун фольклорун кэрэһэлиир. Эмээхсин хонууттан булбут сибэккитэ Туллуктай кыыска кубулуйар. «Туллуктай» остуоруйа-испэктээк режиссердарынан Роман Герасимов, Иван Новиков буолаллар. Толорооччуларынан И.С. Гаврильев аатынан 1 №-дээх орто оскуолатын Лариса Данилова уонна Роман Герасимов салайааччылаах «Күндүл» литературнай театр коллективын оҕолоро буолаллар. Хореографтарынан Мария Попова, Павел Винокуров үлэлээтилэр. ✍️Семен Аргунов 📹Майя Федорова @gazetaensieli