#راز_و_نیاز #قتلگاه #مرحوم_عبدی_قراملکی بخش ۲
دگردی بیر بیرینه قانلی لبلری هر دم
دییردی یاندیم ایا قومِ ناکس مِفلاق
شرارِ سوزِ عطشدن ایله یانور جگریم
دوداقلاریم قوریوب یوخدی طاقتِ نطّاق
وجودیم اود دوتوب اودلاندی بیر ایچیم سو ویرون
گونون حرارتی بو جسمیمه سالوب اِحراق
او حالیده یوزونی بارگاهِ قدسه دوتوب
دل آچدی راز و نیازه او سَرورِ عشّاق
کمالِ عجزیله عرض ایتدی راضیم یارب
سنون یولوندا ایدم بذل جانیمی بو سیاق
بو من ، بو کرب و بلانون یری ، بو قتلگهیم
بو یاره لی بدنیم بستریم اولوب توپراق
او قارداشیمدی فرات اوسته سرو تک یخیلوب
ایدوب بو قامتیمی بارِ محنتی چون طاق
سنون یولوندا بالام اوخلانوب قوجاقیمده
آخوبدی قانی دولوبدور او قانیله قنداق
باتوبدی قانینه دین اوسته قارداشیم بالاسی
حسن نشانه سی جدّینه اولوب اِلصاق
الیم عصاسی ، گوزوم نوری ، جدّیمون مثلی
بو چولده قربِ وصاله یتوب او خوش اخلاق
بویاندی قانینه لب تشنه بیر بیر انصاریم
نه قالدی قاسم و مسلم نه عابس اِشفاق
اوزومده تشنهء جامِ شهادتم یارب
یتم وصاله گرگ مست ایده بو قانلی دِحاق
فراته باخماقیم اتمامِ حجّتیمدی منیم
ایدم حقیقته بو قومِ ناحقی احقاق
اوزون ویرنلری من ویرمیشم بو صحراده
منای عشقیده اولسا فدالر استحقاق
مکَلَّفم ایلیم حقّیدن دفاع شرعا"
اولوب وظیفه منه هم ئولوم هم ئولدورماق
نه باش ، نه ال ، نه بدن قربِ وصله مشتاقم
اولام ازلده کی مشتقّ نوره تا اِلحاق
او قدر یاره دگوب جسمیمه آخوب قانی
نه واردی پیکریمون طاقتی نه وار اِرماق
گورن دییر که چیخوب جلدیدن کلام الله
ورق ورق داغیلوب بو چوله ، اولوب اوراق
ازلده ایتدیقیم اوز عهدیمه وفا ایلدیم
یاخوندی ختم اولا قالو بلاده کی وثاق
بغیشله سنده منه امّتین گنه کارین
که روزِ حشر اولارا اولماسون شبِ غَسّاق
خلوصِ نیّتیله کیم منه عزا دوتسا
قلم گناهینه چک جرمی اولسا یا رزّاق
ئولونجه (
عبدی) حسین دامنیدن ال چکمه
سیاه چهره اولا بلکه حشریده برّاق.
#عبدیمرحوم حاج علی اکبر
عبدی قراملکی علیه الرّحمه
التماس دعای فرج
فواق : مقداری از زمان
وِفاق : سازگاری کردن ، همراهی کردن
دِهاق : آبِ بسیار ، پُر و مالامال ، پُر و پیاپی ، جامِ پُر ، لبریز
اوساق : جمع کردن بارِ شتر ، زیاد جمع کردن اسباب و وسایل
اَعلاق : گران بها ، گرانمایه
یَراق : سِلاح ، این لغت (یراق) ، لغتِ ترکی می باشد
مِعلاق : آنچه بدان گوشت و غیرِ آن آویزند ، گوشت آویز ، قناره ، هر چه از وی چیزی در آویزند
شاق : دشوار و با مشقّت و سخت و با زحمت
عناق : دست به گردن شدن ، معانقه و به گردنِ همدیگر از محبّت دست برآوردن
تیاق : اشتیاق ، مشتاق ، آرزومند کسی شدن
رفاق : رفیق ، همراه
اَسباق : جمعِ سَبَق ، سابق ، گذشته ، گذشتهء پیشین
استغراق : غرق شدن ، فرو رفتن در...
مذاق : دوستِ با طَمَعِ غیرِ خالص ، دوستی که خالص نیست
مَشّاق : سختیها ، جمعِ مشقّت
رزّاق : پیدا کنندهء روزی
صِداق : مَهریه ، کابینِ زن ، مَهر
مِفلاق : مردِ کم مایه ، تهدیدست ، بی چیز ، جمعِ مفالیق
اِشفاق : مهربان ، مِهر و تلطُّف ، عطوفت ، شفیق
دحاق : نوشیدن
استحقاق : سزاوار شدن ، شایستگی ، لیاقت ، قابلیّت
اِرماق : جمعِ رَمَق ، باقیِ جان
غَسّاق : تاریکی شب ، تاریک شدن شب ، به معنای سرد هم آمده است ، شرابِ دوزخیان( آیهء شریفهء قرآن) غسّاقا" ، در این بیت ، تاریکی شب و سخت تاریک شدن ، صحیح می باشد.
https://telegram.me/ganjine5