#مجموعه_کانالهای_مدح_و_مرثیه #زبانحال_امام_حسن (ع)کلام مرحوم وافی تبریزی
بزم وصلیده ساقیان غم ویردیلر منه بیر سبو باجی
واردی نشئه سی نشئه تینیده کیمسه ایچمیوب بیله سو باجی
بزم وصل جاناندا بو گیجه باش ووروب منی ایتدی شادکام
گرچه سودهء زهریله منه خواب ناز اولوب بو گیجه حرام
کوی عشقیده فخردور ولی شمع وصله پروانه تک یانام
قان اولان بو گو گلومده هر زمان سیر ایدر بیله أرزو باجی
دور ایاقه ایت باخبر گله باشیم استه عباس و قاسمی
قارداشین دیمه زهر کین ایچوب یاس ایدوب فلک عیش اساسیمی
غفلتا حسینه بو نوعیله سویلمه باجی اقتباسیمی
رمزیله بیان ایت حسینیمه شرح حالیمی مو به مو باجی
وای او حالیوه خیمگاهیوه های و هوئیله لشکر اوز قویار
گورسن حجت الله حرملرین قوم کفر وکین ال تاپوب سویار
خوردا قیزلارین گوشواره و معجریله خلخالی هر نه وار
اوز الونله بیر بیر سویوندوروب اهل شامه سن ویر گرو باجی
قویما اهل بیت رسالتی اودلانان چادرلاردا دیده تر
ویر اجازه قاچسونلا چوللره أهوان دین زارو خون جگر
دختران زهرایه بو ستم اهل شامیدن سهلیدورمگر
هر کیم ایتسون اوز گل جمالینه پرده طرهء مشکبو باجی
بو جماعتین جورو کینه سی گلمیندی حد و نهایته
ظلم الیله باغلالا گه سنون قولارون طناب اسارته
گه سو یولارین باغلار اهل کین اهل بیت ختم رسالته
گه حسن ایچر سو سو الدوری گه حسینه ویر مزله سو باجی
گرچه نصرت غیبی
#وافیا وار همیشه بو طبع ناطقه
گیچمه حقیدن بو مقالیده ایتدی نصرتون بیت لاحقه
سویله شوریله ایستسن اگر قسمتین اولا لطف شامله
بزم وصلیده ساقیان غم ویردیلر منه بیر سبو باجی
#وافی