🌺 نویسنده و ویرایش کننده از : جناب آقای کربلایی امید فرمان زاده
🌺وداع حضرت سیدالشهدا علیه السلام
#وداع_امام_حسین_ع#مرحوم_شأنیالیمده خامه ی پُر ناله باشدا شورِ حسین
گوزومده اشکِ بصر قلبیده فغان و انین
مصیبت عالمینی حیرتیله سِیر ایدرم
که انتخاب ایلیم بیر مصیبتین او شهین
اگر چه زلفی پریشاندی زلفِ لیلا تک
ولیک سینه ی مجنوندا عشق اولوبدی مکین
اثرِ محبّتِ لیلاده دور گوزوم ورنه
نئجه اولور اولا مجنونِ عشق کوه نشین
منیمده واردی باشیمدا هوای عشقیله شور
توجّه اولماسا اوندان ندور بو شیون و شین
دوشر تزلزله قلبیم سیزیلداشور اعضا
یازاندا صفحه ی دفترده خامه نامِ حسین
گلور خیاله همان ساعتی او مظلومین
ایدوب جِداسینه تکیه دوروب ملول و غمین
باخاردی صاق صولا گورمزدی بیر نفر ناصر
چکردی داد اَمِن ناصر او ناصرِ دین
نه اولدی بیر سسینه سس ویرن نه داده یتن
نه غمگسار نه مونس نه بیرجه یار و معین
حرمسرایه قییتدی کمالِ یأسیله
که اهلِ بیتیله ایتسون وداعِ بازپسین
گوروب گیدور سفره کربلا سلیمانی
آلوب کنارینی بلقیس لر بسانِ نگین
اوشاق بیوک هامی آلدی او شاهون اطرافین
بیری دوتوبدی عباسین بیری دوتوب اتگین
تصوّر ایله نه حاله قالوب امامِ وحید
گورنده آلِ عبانی او نوعی زار و حزین
آناسی فاطمه ، اوغلی ولیّ عصر هنوز
او حاله ایمدیده آغلار یانار همان و همین
نئجه مؤثّر اولور گور او سرورین اؤزونه
دیینده هر بالا قز بیر دلیله دردِ دلین
هامی اگر چه پریشانیدی صغیر و کبیر
اسیرلیق غمی آلمیشدی قلبینی حرمین
و لیک زینبِ غمدیده و بلاکشده
بیر اوزگه حالِ پریشان گوروب امام مبین
دیور حسین باجون ئولسون آنام ئولن گوندن
غمیمی زایل ایدردیم بونیله وار حسنِین
حَسنده گیتدی الیمدن دئدیم حسینیم وار
منهپناهیدی عالملرین پناهی حسین
سنیده آلسا الیمدن بو روزگارِ دنی
ئولونجه اولّام هامی محنت و ملاله قرین
گوروب یاخوندی که روحی بدندن آیریلسون
گوتوردی قویدی باجی قلبینه مبارک الین
دلِ مشوّشی دریای صبر اولوب گویا
وجودی قوّه لنوب تاپدی خاطری تسکین
دئدی حسین هامونی بیر به بیر وداع ایلدون
قالوب بو خیمه ده ایکی طفلِ زُهره جبین
ایکی بالانی وداع ایلماق خیالیله
همان او خیمیه گلدی ایکی بلایه قرین
نهگوردولر ایکی گُل دسته سی دوشوب یرده
یوزونده سنبلِ تر زلفِ پُر خم و پُر چین
گوروب یاتوبلا ، خانم زینب ایستدی اویادا
نقدر سسلدی سس گلمدی اولوب غمگین
الیله بیر حرکت ویردی یا امام زمان
گوروب ئولوبله ، اولوب قلبِ مضطری تحزین
حسینه گور نئجه یأس اوز ویرور بو حالتدن
ئوزی بولور اونی بیرده خدای عرش برین
کمالِ یأسیله اولدی او خیمه دن خارج
آت ایستدی که ایده عزمِ رزمِ لشگرِ کین
بلی بو رسمیدی شه آتلاناندا عالَمده
دولار قراول و فرّاشیله یسار و یمین
ولی تاپولمادی سلطان دینه آت گتورن
اگر چه خدمتینه فخر ایدردی روحُ الاَمین
باجیسی زینبه چوخ نسگل اولدی بو احوالی
ایدوبدی عرض که ای خسروِ کهین و مهین
غم ایلمه اؤزوم اولّام سنون جلودارون
اجازه وئر منی ایله بو منّتیله رهین
عنان کیمی آغاران ساچلاریمی دوت الیوه
گوزومه قوی قدمون اول سوارِ خانه ی زین
خلاصه نچه قدم آیریلوب چادرلاردان
گوروب دالینجا گلور بیر صدا حزین حزین
دونوب باخاندا نهگوردی باجیسی زینبدور
حسین حسین دیوب آغلار توکر سرشکِ ترین
کمالِ حسرتیله عرض ایدور بویور قارداش
گورومخیامه گلورسن دوباره ، یا که چتین
باشیله ایتدی اشاره باشی بلالی باجی
دوباره سن منی ساغ گورمه سن جهاندا یقین
دئدی حسین آنامون بیر وصیّتی واردور
همان وصیّتین ایمدی گرک ایدم عملین
آنام بتول عوضیندن اوپوم سنون بوغازون
آنامدا سنده بولورسن بو نکته نین سببین
ایشتجاقین بو سوزی ذوالجناحیدن اَندی
سرشکِ حسرتیله دولدی دیده ی حق بین
باجی قویوب بیر الین قارداشین عمامه سینه
محاسنین بیر النیده دوتوب اوپوب حلقین
دئدی بونی بولورم یوخدی رحم بو لشکرده
توکلّه قانیوی میداندا قومِ کفر گزین
منی یانونجا آپار باری باغلیوم گوزیوی
قویاندا حنجریوه خجنرینی شمرِ لعین
.
پوزوبدی (شأنینی) مرّیخینون بو مصراعی
دوزولدی نظمه بو سوزلر بسان دُرّ ثمین.
مرحوم استاد حسین
شأنی رحمة الله علیه
التماس دعای فرج
https://telegram.me/ganjine5