@ganjine5#کانال_مدح_و_مرثیه #زبانحال_خانم_رباب_س من بیر آنیام چکدی فلک قلبیمه داغلار
ییخدی ایویمی قویدی ئولونجک منی آغلار
@ganjine5درک ائتدیم اوگونکی ئوزومی بخت اتاقیندا
خوش گونلری گتدیم نظره گوز قاباقیندا
@ganjine5آرزیم واریدی دلده صفا طالبی اولدوم
بخت عالمی بیر قیز بیر اوغول صاحبی اولدوم
@ganjine5اولموشدی دیلیمده سوزوم ازبر گئجه گوندوز
عشقیم واریدی دیل آچا اصغر گئجه گوندوز
@ganjine5گلزار محبتده آچا غنچه ی خندان
صحبت الیین وقتده رقیم دیه جان جان
@ganjine5سینسون فلکین چرخی منی محنته سالدی
اولدوم قره گون آرزیلاریم قلبیده قالدی
@ganjine5یاندیم شرر درد و غمه خون جگر اولدوم
اوچ ایل یاریم عالمده اله بختور اولدوم
@ganjine5اندوهیله آیینه ی بختیم داشا دگدی
قالدی باجی،اوّلده نظر قارداشا دگدی
@ganjine5مین ایلده اگر عمر ائلسم دار فناده
ساللام اونون آخیر گئجه سین هر گئجه یاده
@ganjine5نار غمیلن درد ائوینی داغلیورام من
آللام الیمه دوشلریمی آغلیورام من
@ganjine5داغلی سینه می تیر مصیباتیله دللم
یادیمه دوشنده او گئجه شیونه گللم
@ganjine5قلبیم او گئجه آتش اندوهیده یاندی
تئز تئز یانیما گلمگه زینبده اوتاندی
@ganjine5سالمیشدی فشاره من درد و غم ئولیدیم
ایکاش او گئجه اصغریلن باهم ئولیدیم
@ganjine5اندوهیله محنت اودینی قلبیمه سالدیم
اولدوم قره گون ئولمه دیم آخر دیری قالدیم
@ganjine5نه قالدی بئشیکده نه ده یاتدی قوجاقیمدا
صبحه کیمین حسرتله ئوزاتدیم قاباقیمدا
@ganjine5دونموشدی عطشدن بالموندا قانا باغری
دوتموشدی اله آغلاماغیننان بوغاز آغری
@ganjine5بو منظره آرامیمی قلبیمنن آلاردی
باتمیشدی سسی قوش کیمین هردم چوبالاردی
@ganjine5یانسین ئوره گی بو سینه می داغلادی هرکیم
ئولسون بالاسی سو یولونی باغلادی هرکیم
@ganjine5ظلمیله فلک هی منه غم رشته سی هُردی
تئز باتمادی تا صبح اولا آیدا منی گوردی
@ganjine5آرتاردی خانیم عمه سینون دلده ملالی
هردم سوروشاردی نئجه دی اصغرون حالی
@ganjine5گوز یاشلی ائدردیم اونیدا زار و مکدر
کول باشیمه اولدی دیه سن جان وئرور اصغر
@ganjine5حاصل او گئجه چوخ منه غملی گئجه اولدی
صبحه کیمی قلبیم غم و اندوهیله دولدی
@ganjine5روحین قوشی چوخ اینجیدی محنت قفسینن
هر لحظه چیخاردی بالامون ئود نفسینن
@ganjine5نقراض ستم رشته ی اممیدیمی کسدی
باخدیم بالامون گوزلرینه دیزلریم اَسدی
@ganjine5بو فاجعه دن کاسه ی صبریم جالاناردی
قلبیم تَلَ
سَردی گئجه اما اوزاناردی
@ganjine5سو اولماسا گوردوم بالامون یوخدی نجاتی
گلدیم دیله نفرین اِلَدیم آب فراتی
@ganjine5رخسارینه ائتدیم گوزومون یاشینی جاری
بو نحویله تا دیل دوداقی ایسلانا باری
@ganjine5گوردوم کی سو یوخدی بالامون فیکرینه قالدیم
چارَم کسیلیبدی دیلیمی آغزینا سالدیم
@ganjine5درد و غم ئوتوندا گینه قلبیم آلوشوبدی
احساس ائله دیمکی دیلیمه ئود یاپیشیبدی
@ganjine5قلبیم سیخیلیب سینه ده غم منظره سینن
ئوزدوم الیمی من گوزونون آغ قره سینن
@ganjine5بو محنتی اوغلی ئولنلر یادا سالسون
ایکاش همیشه ننه ئولسون بالا قالسون
@ganjine5سیل غم آخیب خانه ی اممیدیمی ییخدی
فیکریم هارا گئتدی بیر ایچیم سو داشا چیخدی
@ganjine5قلبیم شرر درد و بلاده آلیشاردی
دیلسیز بالامون گوزلری منن دانیشاردی
#اثر_مرحوم_معنوی@ganjine5