. اذا بنصح اي شخص يبي يلتزم بنظام صحي مدى الحياة بتكون هاذي نصيحتي : 🛑 تجهيز الوجبات او تجهيز مصدر البروتين. ! ————————— كثير ناس يروحون الدوام بدون فطور وبعدين يتوهقون من الجوع ويطلبون اي شي من المطاعم. تدرون لو تاخذون فطوركم معاكم شكثر بيفرق ؟ لا تستهونون بقوة هالخطوة ! الي يبي يلتزم صح يجرب يسوي اكله بالبيت وياخذه معاه كل مكان ليش ؟ ▪️لما يكون اكلك معاك ٩٠٪؜ ماراح تاخذ اكل ثاني من برا. ▪️تاكل وانت متطمن ومرتاح لأنك عارف حسبة اكلك وشحاط فيه بالضبط اما حسبة المطاعم للمعلومات الغذائية اغلبها مو دقيقة ومغلوطة. ▪️التزام اكثر = نتايج افضل. انا ادري الأغلب ماله خلق يجهز ويطبخ وجباته او ماعنده الوقت الكافي وانا نفسكم والله . بس اصريت اني اضغط على روحي شوي واجهز اكلي قبله بيوم او ع الأقل اجهز بس مصدر بروتين للغدا : (دجاج/لحم/سالمون غيره ) عشان اوفر نص الوقت. ارجع من النادي انا متطمنه في مصدر بروتين وباقي الطبخه ماتاخذ مني ١٥-٢٠ دقيقة بالمطبخ وكل شي يكون جاهز. من سويت هالشي وانا ملاحظه نفسي ملتزمه اكثر ٨٠٪؜ اكل من البيت ٢٠٪؜ فقط اكل من برا.